1 SAMUELA 8:20 - Jinghpaw Hanson Version Bible

²⁰ anhte hpe tara dara ya na hte, majan shani e anhte hpe woi awn nna gasat lu na matu, anhte a ntsa e up na hkawhkam anhte ra ga ai,” nga ma ai.

Jinghpaw Common Language Bible 2009

²⁰ anhte hpe up hkang na mung, majan hta anhte hpe woi awn na mung, anhte hpe majan woi gasat na anhte a hkawhkam hte nan rau rai nga ga yang gaw kaga masha amyu baw ni hte zawn anhte bung wa na ga ai,” ngu nna tsun ma ai.

1 SAMUELA 8:20 ပူးပေါင်းရင်းမြစ်များ

1 SAMUELA 8:5

“Yu u, nang dingla mat nit dai; na nsha yan mung na a lam n hkan ma ai: dai rai nna, masha amyu danghta a htung hte maren, anhte hpe up na hkawhkam sharawt ya mi,” ngu nna shi hpe hpyi mu ai.

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.

HPILIPI 3:20

Anhte a buga chyawm gaw, sumsing lamu hta e rai nga ai; dai yang na Madu Yesu Hkristu ngu ai Hkye hkrang la ai wa hpe, anhte ala nga ga ai.

2 KORINHTU 6:17

Dai rai nna, Shanhte a ka-ang na pru nhtawm, Kaga lak lak rai wa mu, nga nna dai Madu tsun nga ai. Awu asin re ai hpe hkum hkra mu, Shaloi ngai nanhte hpe hkap la na made ai.

ROMA 12:12

myit mada let kabu gara nga mu; nni nkri hkrum yang, myit hkum kaji nga mu; akyu hpyi ai hta htep lahti tut rai nga mu;

YAWHAN 15:19

Nanhte mungkan ga hte seng ai ni rai myit yang gaw, mungkan ga gaw tinang hte seng ai ni hpe tsawra nga masai: nanhte chyawm gaw mungkan ga hte seng ai ni n rai myit dai hte, ndai mungkan ga na ngai nanhte hpe lata la made ai majaw, mungkan ga gaw nanhte hpe n dawng n yawt ai rai nga ai.

SHAKAWN KUNGDAWN 106:35

Masha amyu ni hte shanhte kayau kaya rai nga nna, Shanhte a htung hking hpe sharin la ma ai.

TARA JAHPRANG 7:6

Kaning rai nme law, nang gaw na a Karai Kasang Yehowa a matu chyoi pra ai amyu rai nga ndai: na a Karai Kasang Yehowa madu ging ai amyu shatai na nga, ga ntsa ting na masha amyu ni hta na, shi nang hpe lata la nit dai.

BU HKAWM 23:9

Lunghkrung ntsa na ngai shi hpe mu se ai, Kawng pungding nna ngai shi hpe yu se ai Amyu dai gaw kaga lak rai nga ai. Amyu gale hta lawm nga ai n rai.

PRU MAT 33:16

Kaning rai nme law, ngai hte ndai amyu, na man e myit man pa lu ai gaw, kaning rai chye na a ta? Ngai hte na a amyu, ga ntsa na amyu nlang hte hte shai na gaw, nang anhte hte rau lung wa jang she chye lu na n rai ni?” ngu wu ai.

1 SAMUELA 12:2

Ya, yu mu, dai hkawhkam wa nanhte a man e rai nga ai; ngai chyawm gaw, aprat kaba nna baw hpraw mat ni ai: ngai sha ni mung nanhte hte rau rai nga ma ai; naw kaji kaw nna dai ni du hkra, ngai nanhte a man e hkawm wa ni ai.

1 SAMUELA 12:12

Dai hpang, Amon kashu kasha ni a hkawhkam Nahasha, nanhte hpe gasat sa wa ai mu jang, ‘Shawng na zawn n rai saga, anhte a ntsa e hkawhkam she up mi ga,’ nga nna, nanhte a Karai Kasang Yehowa nanhte a hkawhkam rai nga ninglen, ngai kaw shing nga hpyi myit dai.