1 SAMUELA 7:6 - Jinghpaw Hanson Version Bible

⁶ Shanhte mung Mizpa shara e zuphpawng nna, hka ja la nhtawm Yehowa man e ru hkaw ai hte, dai shani e lusha gam let, “Anhte Yehowa hpe shut saga ai law,” nga nna yin ma ai, Samuela mung, Mizpa shara e Israela masha ni hpe tara dara ya mu ai.

Jinghpaw Common Language Bible 2009

⁶ Dai rai nna, shanhte yawng mung Mizpa shara e zup hpawng ma ai. Hka loi mi hpe mung shanhte ja la nhtawm dai Madu a matu hkungga nawng ya ai zawn dai hpe ru hkaw ma ai; shing rai shani tup lusha gam ma ai. Shaloi shanhte gaw, “Dai Madu hpe anhte shut kau saga ai law,” ngu nna tsun ma ai. (Ndai gaw Mizpa shara e Israela masha ni hpe Samuela tara dara ya ai lam rai nga ai.)

1 SAMUELA 7:6 ပူးပေါင်းရင်းမြစ်များ

NINGPAWT NINGHPANG 31:49

Mizhpa mung ngu mu ai; kaning rai nme law, Laban gaw, An hka mat wa ai hpang ngai hte na a lapran e Yehowa yu nga u ga;

2 SAMUELA 14:14

Anhte chyawm gaw si chyalu ni rai nga ga ai; ga e ru kau sai hpe, bai n shagawt la lu ai ntsin hte bung mat saga ai: Karai Kasang chyawm gaw matai n dawp ai sha, shi kaw na hprawng mat ai wa, bai nhtang wa na hku, a maw nga ai.

1 HKAWHKAM 8:47

shanhte bawng wa dung nga ai ga hta myit dum myit hprang nna, myit kayin wa let, Anhte yubak galaw saga ai, anhte nhtan shai ai hte shut hpyit nga ga ai, nga nna bawng wa dung nga ai madu ni a ga hta myit nem nna tawngban nga ma ai hte;

1 HKAWHKAM LABAU 11:18

shaloi dai marai masum Hpilisti dap de htim bang nna, Betlehem chyinghka makau na ntsin ja la nhtawm, Dawi hpang de la wa mu ai: rai timung, Dawi gaw n lu hkraw ai sha Yehowa man e ru kau let,

2 HKAWHKAM LABAU 20:3

Dai rai nna Yehosahpat hkrit nga ai hte, Yehowa hpe hkan tam shana nna, Yuda mung ting hta lusha gam shangun mu ai.

NEHEMIA 9:27

Dai re ai majaw, shanhte hpe zingri zingrat ai hpyen ni a lata de, nang shanhte hpe ap kau mu ai: shanhte tsin-yam tsindam hkrum ai aten e, nang hpe jahtau shaga ma yang, nang gaw sumsing lamu de nna htan ya mu ai: na a galu kaba ai chyeju hte maren, hpyen ni a lata na shanhte hpe hkye mawai la na nga, hkye la madu ni shanhte hpang de shangun dat mu ai.

YOBA 16:20

Nye a jinghku jing-yu ni ngai hpe asawng ma ai; ngai chyawm gaw, Karai Wa man e myi prwi pru nga nngai.

YOBA 3:24

Ngai shat garai n sha yang, yawn madai nga nngai; ngai hkrap shabam ai gaw hka hpungtun zawn wu nga ai.

YOBA 33:27

Bai shi gaw, “ngai shut ni ai; tengman ai lam hpe hkalau kau nngai; rai timung, matai htang ai n hkrum ai sha,

YOBA 40:4

“yu u, ngai hpa n re ai wa, nang hpe hpa htan lu na rai ta? Nye a lata hte nye n-gup hpe pat da na nngai.

YOBA 42:6

Dai re ai majaw, nye hkum dai hpe ngai matsat kau nna, ga nhpu hte wan dap hta myit nem nga nngai law,” nga ai.

SHAKAWN KUNGDAWN 106:6

Anhte gaw ji woi ni hte rau yubak galaw ga ai, Anhte shut hpyit nna, tara tawt lai saga ai.

SHAKAWN KUNGDAWN 119:136

Shanhte na a tara hpe n hkan ma ai majaw, Nye a myi kaw na hka zawn lwi nga ai.

SHAKAWN KUNGDAWN 42:3

“Na a Karai Kasang gaw kanang nga lit ta?” Nga nna tut tut a tsun nga ma ai majaw, Nye a myi prwi nye a shat shani shana tai nga li ai.

SHAKAWN KUNGDAWN 6:6

Ngai madai nna hki ba la nga nngai; Shana shagu hkrap ai hte nye yup ku madi nga ai, Nye myi prwi hta nye a yup ra hpe ngai shayawng dat nngai.

SHAKAWN KUNGDAWN 62:8

Amyu masha ni e, Karai Kasang hpe tut tut hpa nga mu; Nanhte a myit shi a man e hpaw dan mu: Karai Kasang gaw anhte a shingbyi shara rai nga ai. [Selah.]

YEREMIA 31:19

Gaja wa, ngai nhtang wa ai hpang myit malai lu nngai; sharin hkrum ai hpang, nye magyi hpe kahpret nngai; ram prat e galaw hkrup ai yubak majaw, ngai kaya dum nna, mak mat ai hte myi man sum ai hkrum nngai, nga nna tinang hkum hpe mara shagun ai ga, ngai gaja wa na nngai.

YEREMIA 36:9

Ya Yuda hkawhkam Yoshia kasha Yehoiakim hkaw dung ai manga ning na shata jahku hta e, Yerusalem masha ni mahkra hte, Yuda mare kahtawng na Yerusalem mare de lung wa ai masha ni mahkra gaw, Yehowa man e lusha gam na aten tsun shana ma ai.

YEREMIA 9:1

Nye amyu shayi sha hte seng ai sat kau hkrum ai ni majaw, ngai gaw shani shana hkrap ngu hkrap ngoi nga lu hkra, nye a baw ntsin hkrai, nye a myi gaw myi prwi lwi ai hka hpawk, tai u ga law.

SHARUNG SHAYAWT 2:11

Nye amyu a shayi sha hten byak hkrum nna, ma kaji ni hte chyu chyu ai ni gaw, mare lam ni hta htan mat ma ai majaw, Nye a myi, myi prwi hte a mam nna, ngai myit law nga nngai: Nye a masin ga ntsa e ru jawng nga ai.

SHARUNG SHAYAWT 3:49

Yehowa gaw sumsing lamu de na gum yu nna, matsing nga ai du hkra,

SHARUNG SHAYAWT 5:16

Anhte gup ai janmau hkrat mat sai. Anhte shut hpyit ai majaw, dingnye lu ga ai.

EZEKELA 20:4

“Masha kasha e, nang shanhte hpe dawdan u; shanhte hpe dawdan u: kaji kawa ni a matsat shabat lam shanhte hpe madun dan nna,

HOSEA 5:1

“Hkinjawng ni e, ndai lam na la mu; Israela dap e, madat mara nga mu; hkawhkam wa htingnu na ni e, matsing mu: nanhte gaw dawdan ai hkrum na myit dai; kaning rai nme law, nanhte gaw, Mizpa shara e mahkam, Tabora bum ntsa e hpyan tawn ai sumgawn, tai manit dai.

YOELA 2:12

Ya rai timung, Yehowa gaw, Lusha gam let, hkrap ngu hkrap ngoi nna, sharung shayawt let, nanhte a myit masin mahkra hte ngai hpang de nhtang wa marit:

JAW JAU 16:29

Nanhte tutnawng hkan nga na matsun ndai rai nga ai: nanhte hkum nan rai timung, nanhte kaw shingbyi nga ai amyu kaga wa rai timung, shata sanit hta na nhtoi shi ya e hpa amu bungli mung n galaw ai sha, tinang a myit masin hpe shagrit let ban nga na rai mu ai:

JAW JAU 26:40

Shaloi shanhte tinang a yubak hpe mung, tinang a kaji kawa ni a yubak hpe mung, shanhte ngai hte nhtan shai ai hku galaw nna, nye a tara hpe tawt lai ai hku galaw nna, nye a tara hpe tawt lai ai majaw,

LUKA 15:18

ngai rawt nna nye wa kaw wa nhtawm, Wa e, sumsing lamu a man e mung, na a man e mung, ngai shut ni ai:

YAWSHU 18:26

Mizpe, Hkehpira, Moza;

TARA AGYI 10:10

Shaloi Israela kashu kasha ni Yehowa hpe, “Anhte a Karai Kasang hpe kau da nna, Bala hpara ni hpe jaw jau gaw ai majaw, nang hpe shut kau sagaw ai law,” ngu nna jahtau mu ai.

TARA AGYI 10:15

Dai rai nna, Israela kashu kasha ni Yehowa hpe, “Anhte shut kau sagaw ai: nang ra ai hku mi anhte hpe di mi: ya, dai ni sha, anhte hpe hkye la mi,” ngu nna hpyi mu ai.

TARA AGYI 2:4

Yehowa a kasa, Israela kashu kasha ni nlang hpe shing ngu tsun wu yang, amyu masha ni jahtau hkrap shajang ma ai.

TARA AGYI 20:23

Yehowa kaw mung shanhte sa nna, shana de du hkra hkrap let, “Anhte a kanau Ben-yamin hpe, naw gasat na rai ni?” ngu nna Yehowa hpe san wu yang, Yehowa mung, “Sa gasat mu,” ngu dat wu ai.

TARA AGYI 20:26

Dai re ai majaw Israela amyu masha ni nlang hte gaw, Betela de sa nna, Yehowa man e dung nna hkrap let shana du hkra lusha gam ma ai hte, Yehowa man e wan nat hkungga, mahku hkungga nawng ya ma ai.

TARA AGYI 3:10

Yehowa a Wenyi shi hta dung nga ai rai nna, shi gaw Israela masha ni hta tara dara ya nga ai: hpyen gasat mung shi woi awn nna, Yehowa gaw Mesopotami hkawhkam Hkushan-re-shahtim hpe shi a lata de ap kau wu ai: shi a lata hte dai hkawhkam hpe dang kau wu ai.

1 SAMUELA 1:15

Hana chyawm gaw, “Nrai madu e; ngai gaw myit kaji ai numsha rai nga nngai; tsabyi n lu nngai, chyaru mung n lu nngai; Yehowa hpang de nye a myit masin nawng jau nngai.

1 SAMUELA 10:17

Shaloi Samuela gaw mung masha ni hpe Mizpa shara e Yehowa kaw shaga jahpawng wu ai.

1 SAMUELA 12:10

Shaloi shanhte Yehowa hpe jahtau shaga let, ‘Anhte nang Yehowa hpe kau da nna, Bala Hpara ni hte Ashtarot Hpara ni jaw jau ai majaw, shut saga ai law; ya rai timung, masha hpyen ni a lat na sha, anhte hpe hkye la mi, nang hpe sha jaw jau na ga ai,’ ngu nna hpyi nem mu ai,

1 SAMUELA 7:15

Samuela mung, shi a prat tup Israela masha ni hpe tara dara ya nga ai.