1 SAMUELA 7:3 - Jinghpaw Hanson Version Bible

³ Shaloi Samuela gaw Israela amyu ting hpe, “Nanhte myit masin mahkra hte Yehowa hpang de kayin wa marin dai rai yang gaw, nanhte jau tawn ai maigan Hpara hte Ashtarot ni hpe kau tawn da nhtawm, Yehowa hpe myit manoi nna shi hpe chyu sha jaw jau mu: shaloi, Hpilisti masha ni a lata na shi nanhte hpe hkye la na ra ai,” ngu wu ai.

Jinghpaw Common Language Bible 2009

³ Samuela gaw Israela amyu masha ni hpe, “Nanhte a myit kraw lawang mahkra hte dai Madu hpang de kayin wa myit dai rai yang, maigan hpara ni yawng hte karai num Astarte a sumla ni hpe yeng seng kau lu na rai myit dai. Nanhte nan dai Madu hta tsep kawp ap nawng nna shi hpe chyu sha nawku myit dai rai yang, Hpilisti masha ni a lata na shi nanhte hpe hkye mawai la na ra ai,” ngu nna tsun wu ai.

1 SAMUELA 7:3 ပူးပေါင်းရင်းမြစ်များ

NINGPAWT NINGHPANG 35:2

Dai rai nna Yaku gaw shi a nta masha ni hte shi kaw nga ai ni mahkra hte hpe, Nanhte lu ai hpara tsasam ni hpe shapraw kau mu; tinang hkum tinang shachyoi shapra nna hpun palawng galai mu.

1 HKAWHKAM 11:33

Kaning rai nme nga yang, shanhte ngai hpe kau da nna, Sidon Hpara shayi sha Ashtoret, Moba Hpara Hkemosha, Amon kashu kasha ni a Hpara Milhkom hpe nawku ai hte, shi a kawa Dawi zawn, nye a man e tengman ai amu galaw na hte, ngai htet da ai ga hte matsun maroi ga hpe hkan nang na matu, nye a lam ni hpe n hkan hkraw ma ai.

1 HKAWHKAM 8:48

bawng dung nga ma ai ga hta myit masin mahkra hte kraw lawang mahkra hte nang hpang de kayin wa nna, shanhte a kaji kawa ni hpe nang jaw ya ai mungdan hte, nang lata la ai mare hta na a amying matu ngai galaw da ai nta de yawng let akyu hpyi nga ma ai,

2 HKAWHKAM 17:39

nanhte a Karai Kasang Yehowa hpe hkrai hkrit hkungga nga mu; shi gaw nanhte hpe hpyen ni yawng a lata na shaw mawai la na ra ai, nga nna ga shaka tawn da timung,

2 HKAWHKAM 23:15

Dai hta n-ga, Israela masha ni hpe shut shangun ai, Nebat a kasha Yeroboam gaw, Behtela shara e galaw da ai tawn hkungri hpe run kau ai hte, de a tsaw ai kawng shara hpe, nat kau nhtawm, ayun ayaw di kau ai hte, Ashera sumla hpe mung nat kau wu ai.

1 HKAWHKAM LABAU 22:19

Dai re ai majaw, nanhte a Karai Kasang Yehowa hpe hkan tam na nga, myit masin hte kraw lawang mahkra hpe shaja mu: rawt mu, Yehowa a mying ningsang a matu galaw na ra ai nta hta, Yehowa a ga shaka sumpu hte Karai Kasang a chyoi pra ai arai ni hpe jashawn na matu, Karai Kasang Yehowa chyoi pra ai nta hpe galaw da mu, ngu mu ai.

1 HKAWHKAM LABAU 28:9

“Ya chyawm gaw, ngai sha Shawlumon e, na nwa a Karai Kasang hpe chye u: ngwipyaw ai myit hte tsawra ai kraw lawang hte, shi hpe daw jau u; Yehowa gaw myit masin mahkra hpe sawk yu nna, myit mamyit lam mahkra hpe chye ya nga ai: nang shi hpe tam yang, mu na wu ai; shi hpe kau da yang, nang hpe tutnawng kau da na ndai.

2 HKAWHKAM LABAU 19:3

Rai timung, mung ting na Asherot sumla ni hpe htawm kau nna, Karai Kasang hpe hkan tam sharawng ndai majaw, nang hta kaja ai lam mu hkrup se ai,” ngu wu ai.

2 HKAWHKAM LABAU 20:33

Rai timung, tsaw ai kawng ni a nawku shara ni hpe shi htawm kau wu ai n rai: mung masha ni gaw, kaji kawa ni a Karai Kasang hpe tinang a myit n-gun hte garai n tam ma ai.

2 HKAWHKAM LABAU 30:19

Mai kaja ai Yehowa e, Chyoi pra ai shara a htung hte maren n san n seng timung, kaji kawa ni a Karai Kasang Yehowa hpe hkan tam na myit hkut nga ai ni mahkra a mara hpe raw dat kau ya mu, ngu nna hpyi ya mu ai.

GA SHAGAWP 16:1

Myit masin hpaji daw ai gaw, masha hte seng nga ai; Shinglet hte htan ai ga chyawm gaw, Yehowa kaw na rai nga ai.

ESAIA 55:7

tara n lang ai wa gaw shi a lam hpe, n hkru ai wa gaw shi a myit mang ai hku kau da nna, Yehowa hpang de kayin wa u ga; shing rai yang shi gaw dai wa hpe matsan dum na ra ai; anhte a Karai Kasang hpang de mung kayin wa u ga; shi gaw yubak hpe htum hkra raw dat kau ya na ra ai.

YEREMIA 24:7

Ngai Yehowa rai nga ai hpe, shanhte chye lu na myit, ngai shanhte hpe jaw na nngai: shanhte gaw tinang myit masin mahkra hte, ngai hpang de kayin wa ai majaw, shanhte gaw nye a amyu, ngai gaw shanhte a Karai Kasang, tai na nngai.

YEREMIA 36:3

Yuda nta dap ni hta ngai galaw na maw ai tsin-yam tsindam mahkra a lam, shanhte na ma yang, shanhte a shut hpyit ai mara hpe ngai raw dat kau lu hkra, shanhte langai hte langai tinang hkan ai n hkru ai lam ni hpe kau da dam ma nhten, nga nna tsun ai.

YEREMIA 4:1

Israela amyu e, nang bai wa mayu yang, gaja wa ngai hpang de bai wa nna, na a matsat shabat amu, ngai kaw na htawm kau ai rai yang gaw, nang hpe kadai sa shamawt lu na n rai;

EZEKELA 14:6

Dai re ai majaw Israela dap hpe tsun u, ‘Madu Yehowa ning nga ai: Kayin wa marit; hpara sumla ni kaw na kayin wa marit; nanhte a matsat shabat amu nlang hte hpe kau da manu.

EZEKELA 18:31

Nanhte galaw yu ai tawt lai ai amu mahkra hpe kau da nna, myit ningnan hte wenyi ningnan hkam la mu: Israela dap e, hpa majaw si mayu myit ta?

HOSEA 14:1

“Israela e, nang gaw na a yubak hte ahtu kataw hkrum ai majaw, na a Karai Kasang Yehowa hpang de nhtang wa u.

MAHTE 15:8

Masha ga matsun hku sha sharin shaga nga ma ai majaw, Shanhte kaman lila ngai hpe nawku da mi ai,”

MAHTE 4:10

Dai rai nna Yesu gaw, “Satan e, pru mat wa u; dai Madu, na a Karai Kasang hpe nang nawku lu na rai nna, shi hpe hkrai daw lu na re ai,” nga nna she ka da nga ai shi hpe ngu wu ai.

MAHTE 6:24

Kadai rai ting mung, madu lahkawng kaw chyang lu na n rai; shi langai mi hpe n dawng nna kaga hpe tsawra na wu ai; shing n rai langai mi hpe kasawt nna, kaga hpe n kaw n law di na wu ai; nanhte Karai Kasang hpe mung, mungkan a sutgan hpe mung, rau chyang lu na myit dai n rai.

LUKA 4:8

Shaloi Yesu gaw, “Dai Madu na a Karai Kasang hpe nang nawku lu na rai nna, shi hpe hkrai daw jau lu na ndai, nga nna ka da nga ai,” ngu nna shi hpe htan wu ai.

YAWHAN 4:24

Karai Kasang gaw Wenyi rai nga ai: shi hpe nawku ai ni gaw, wenyi hta mung, tengman ai hta mung, nawku lu na rai nga ai,” ngu nna shi hpe tsun wu ai.

TARA JAHPRANG 10:20

Na a Karai Kasang Yehowa hpe hkrit hkungga nga u; shi a magam gun hpai u: shi hta shamyit shanat nna dagam ai hta shi a amying ningsang gang u.

TARA JAHPRANG 13:4

dai myihtoi wa, dai yup mang mu ai wa a ga nang madat lu na n rai: kaning rai nme law, nanhte hta nanhte a Karai Kasang Yehowa hpe kraw lawang mahkra hte myit masin mahkra hte tsawra ai myit rawng ai n rawng ai, nanhte a Karai Kasang Yehowa chyam yu ai rai nga ai.

TARA JAHPRANG 4:29

Rai timung, dai hkan e nanhte a Karai Kasang Yehowa hpe bai tam myit dai shaloi, myit masin, kraw lawang ting hte shi hpe tam myit yang chyawm gaw, mu lu na marin dai.

TARA JAHPRANG 6:13

Na a Karai Kasang Yehowa hpe nang hkrit hkungga nna, shi hpe hkrai daw jau lu na ndai; dagam ai hta mung shi a mying ningsang gang lu na rai ndai.

YAWSHU 13:31

Gilead mung chyen mi hte, Bashan mung hta Oga up lawm ai Ashtarot hte Edri mare ni gaw Manashe a kasha Mahkira kashu kasha chyen mi a lakung lama ni a matu rai nga malu ai.

YAWSHU 24:14

“Dai re ai majaw, Yehowa hpe hkrit hkungga nna, sadi sahka re ai hte tengman ai hku shi hpe jaw jau nga mu: Hka wora hkran na hte Egutu mung e nanhte a nji nwa ni jaw jau ai Hpara ni hpe kau da nna, Yehowa hpe jaw jau nga mu.

YAWSHU 24:23

Yawshu mung, “Dai rai yang gaw, nanhte jau tawn ai Hpara tsasam ni hpe tsan kau nna, nanhte a myit masin hpe Israela a Karai Kasang Yehowa hpang de kayin dat mu,” ngu mu ai.

TARA AGYI 10:16

Shing rai, maigan Hpara ni hpe mung shanhte kau da nna, Yehowa hpe jaw jau ma ai: Yehowa mung, Israela masha ni hkrum ai matsan tsin-yam hpe masin yu machyi ya wu ai.

TARA AGYI 10:6

Bai, Israela kashu kasha ni gaw, Yehowa man e n shawp ai amu galaw nna, Bala hpara ni hte Ashtarot hpara shayi, Suri mung na hpara ni, Sidon mare na hpara ni, Moba mung na hpara ni, Amon kashu kasha ni a hpara ni hte Hpilisti masha ni a hpara ni hpe jaw jau nna, Yehowa hpe n jaw n jau ai kau da mu ai.

TARA AGYI 2:11

Dai prat e Israela kashu kasha ni gaw, Yehowa man e n shawp ai hku galaw nna Bala hpara ni hpe jaw jau ma ai.

TARA AGYI 2:13

Rai sa, shanhte Yehowa hpe kau da nna, Bala hpara hte Ashtarot hpe jaw jau mu ai.

1 SAMUELA 31:10

Shi a hpyen palawng hpe mung Ashtarot hpara jawng e tawn da mu ai; amang hpe gaw Bet-shan mare na bunghku e noi da mu ai.