1 SAMUELA 7:10 - Jinghpaw Hanson Version Bible

¹⁰ Samuela dai wan nat hkungga nawng nga yang, Hpilisti masha ni Israela hpe gasat na, sit sa ma ai; Yehowa chyawm gaw dai shani e Hpilisti masha ni a ntsa e mu adu shangoi dat nna, shanhte hpe jahkrit shama kau mu ai: shing rai Israela masha ni a man e sum mat ma ai,

Jinghpaw Common Language Bible 2009

¹⁰ Samuela gaw dai shagu hkungga hpe nawng nga yang, Hpilisti masha ni mahtang htim gasat na matu shawng de sit lung wa ma ai; rai ti mung hkring mi rai jang dai Madu gaw sumsing lamu kaw na mu gadu shangoi dat wu ai. Shing rai shanhte gaw tsep kawp kashuk kashak byin mat ai hte hkrit kajawng nna hprawng htaw mat wa ma ai.

1 SAMUELA 7:10 ပူးပေါင်းရင်းမြစ်များ

SHAKAWN KUNGDAWN 18:15

Yehowa e, nang makan ai ga hte, Na a ladi na sa dat ai nsa majaw, Hka kaba ni a lam sumhkan wa nna, Ga npawt ni dawng pru wa ma ai.

SHAKAWN KUNGDAWN 29:3

Yehowa a nsen nammukdara ntsa e nga nga ai, Hpung shingkang dan hkung ai Karai Wa gaw ngoi wu nga ai: Yehowa gaw hka kaba ni a ntsa e anga nga ai.

SHAKAWN KUNGDAWN 29:4

Yehowa a nsen, nsen kaba rai lu ai, Yehowa a nsen, hpung kaba rawng nga ai.

SHAKAWN KUNGDAWN 78:66

Shi a gumlau ni hpe kanut wa shangun nna, Prat dingsa kaya kahpa jahkrum mu ai.

ZEHKARIA 4:6

Shaloi dai wa gaw, “Da ndai gaw, N-gun atsam hte n rai, hpung shingkang hte n rai, nye a Wenyi hte sha dang lu na ra ai,” nga nna Zaw nawng zaw wa up ai Yehowa tsun ai hte, Zerubabela hpang de du ai Yehowa a mungga rai nga ai.

TARA JAHPRANG 28:7

“Yehowa gaw nang hpe hpyen ai gumlau ni hpe na a man e jasum kau na mu ai: shanhte nang hpang de lam langai sha hta shang ma timung, lam sanit hku na a man na htaw mat na mara ai.

YAWSHU 10:10

Yehowa mung shanhte hpe Israela amyu a man e jasum kau wu ai rai nna, Gibeon makau e gasat kaba hte sat kau nhtawm, Bet-horon de lung wa ai kadawng lam hkan nna Azeka hte Makeda du hkra shachyut gasat mu ai.

TARA AGYI 4:15

Yehowa mung, Sisera hte shi a hpyen leng ni, hpyen laba hpung ni nlang hte hpe, Barak a nhtu hte shama kau mu ai majaw, Sisera gaw shi a leng na yu nna lagaw hte hprawng wu ai.

TARA AGYI 5:20

Sumsing lamu nna gintawng shagan ni mung, Tinang lam hta Sisera hpe gasat nga ai.

TARA AGYI 5:8

Shanhte Hpara ningnan lata la masai; Shaloi jang, shanhte a chyinghka ni hta majan pru ra ai: Israela mun mali hta, n-gang langai mi mahtan a hka? Ari langai mi shanan a hka?

1 SAMUELA 12:17

Dai ni nhtoi gaw, hkaulan mam dan ai ta rai nga ai, n rai ni? Yehowa hpe ngai hpyi nna, mu shangoi ai hte marang jahtu dat na ru ai; dai hta e, nanhte hkawhkam hpyi ai lam, Yehowa man e shut hpyit mara kaba nga malit dai gaw, nanhte mu chye na marin dai,” ngu nna mung masha ni hpe tsun wu ai.

1 SAMUELA 14:15

Dai rai nna, dap kata na ni da, yi hkauna na ni da, masha kaga nlang hte da, hkrit gari nga ma ai; sin langa ni hte hpya sha damya ni mung, hkrit gari nga ma ai: lamu ga du kanan ai hte, nachying hkrit gari wa ma ai.

1 SAMUELA 2:10

Yehowa hpe daw ai ni, agrawp kau ai hkrum na mu ai; shanhte a ntsa e mu shangoi dat na wu ai: Yehowa lamu ga htum hkra tara dara nna shi a hkawhkam wa hpe n-gun shaja na wu ai, Shi a Namman chya ai wa a nrung sharawt ya na wu ai,” nga nna shakawn wu ai.

1 SAMUELA 7:11

Israela masha ni mung, Mizpa shara na pru nna Hpilisti masha ni hpe Bet-hkara du hkra shachyut kahtam kau mu ai.