1 SAMUELA 6:5 - Jinghpaw Hanson Version Bible

⁵ Dai re ai majaw, nanhte hta na mu shakrwi sumla hte, ga jahten chye ai yu li sumla, nanhte galaw lu na rai nna, Israela Karai Kasang a arawng shagrau ya na rai myit dai: shaloi shi a lata nanhte hte nanhte a Hpara ni ntsa na mung, nanhte a lamu ga hta n mung, dawm la na ra ai nhten.

Jinghpaw Common Language Bible 2009

⁵ Ndai mu shakrwi hte nanhte a mungdan hpe jahten shaza ai yu a kasi sumla ni hpe nanhte galaw lu na rai myit dai; Israela a Karai Kasang hpe nanhte shagrau sha-a lu na rai myit dai. Shaloi nanhte hpe mung nanhte a hpara ni hte nanhte a lamu ga hta na mung, shi ari jaw nga ai hpe mahkoi mi jahkring kau na ra ai nhten!

1 SAMUELA 6:5 ပူးပေါင်းရင်းမြစ်များ

1 HKAWHKAM LABAU 16:28

Masha amyu dap ni e, anhte a Yehowa hpe, Rai sa, Yehowa hpe hpung shingkang hte atsam yin la mu.

1 HKAWHKAM LABAU 16:29

Yehowa a mying ningsang hpe hpung shingkang yin la mu; Lusha hkungga lang let shi a man de shang mu: Chyoi pra ai hpe mawn sumli nna, Yehowa hpe nawku mu.

SHAKAWN KUNGDAWN 18:44

Nye a lam na yang, shanhte madat nga nna, Tsasam ni a kasha ni nye a man e nem na ma ai.

SHAKAWN KUNGDAWN 32:4

Na a lata gaw shani shana nye a ntsa e a li nga nna, Nye a salat, nlum ta hta na hkraw hkun ai hte galai mat sai. [Selah.]

SHAKAWN KUNGDAWN 39:10

Nang ngai hpe shakap ai ana ngai kaw na shapraw kau ya e; Na a lata anu ai majaw, ngai tsam mat ni ai.

SHAKAWN KUNGDAWN 66:3

“Karai Kasang e, na a amu gade wa hkrithpa rai nga a hka; Na a chyalai n-gun majaw, Na a man e gumlau ni hkayawm na mara ai.

PRU MAT 12:12

Kaning rai nme law, dai shana e Egutu mung hta ngai dinghkren mat wa nna, masha kaw nna yamnga du hkra, Egutu mung a kasha alat nlang hte hpe sat kau na mawe ai; Egutu hpara mahkra hpe mung ngai jeyang na mawe ai: ngai Yehowa rai nga nngai.”

PRU MAT 8:17

Dai hte maren shan galaw nna, Arun gaw shi a lata hte dawhkrawng sharawt nna, ga nhpu hta kayat wu ai: shaloi jang masha hta mung, yamnga hta mung machyi hkrai rai nga ai: Egutu mung ting na ga nhpu yawng machyi tai nga ai.

PRU MAT 8:24

Yehowa shing di galaw wu ai rai nna, Hpara-u a nta hta mung, shi a agyi salang ni a nta hta mung, nachying yak la ai jinghkam wunawng ni du ma ai: Egutu mung ting gaw dai jinghkam ni a majaw hten mat magang wa nga ai.

PRU MAT 8:5

Bai Yehowa Mawshe hpe tsun wu ai gaw, “Arun hpe, Egutu mung hta shu shalun na matu, hka nu ni a ntsa e, hka shi ni a ntsa e, hka lawng ni a ntsa e, na lata sharawt nna dawhkrawng hte dawn u, ngu nna tsun u,” ngu wu ai.

ESAIA 19:1

Egutu mung hta ang ai myihtoi ga: Yehowa gaw lawan ai sumwi hta jawn nna, Egutu mung de du ai: Egutu hpara sumla ni shi a man e gari nna, Egutu mung na minla gaw, tinang kraw e byaw mat na ra ai.

ESAIA 42:12

Shanhte gaw Yehowa hpe shagrau nna, zunlawng ni hta shi a arawng sadang hpe kajai mu ga.

YEREMIA 13:16

Karai Kasang gaw, nsin hpe garai n shangun ai hte, nanhte a lagaw nsin sin ai bum ni a ntsa e garai n ahtu kataw nna, nanhte nhtoi hpe myit mada nga yang, shi dai hpe si du a shingnip hte htat ai nsin garai n shatai dingsa, nanhte a Karai Kasang Yehowa hpe shagrau sha-a mu.

YEREMIA 3:13

Nang gaw shut hpyit nna, na a Karai Kasang Yehowa a tara tawt lai ai hte, tsit lali ai hpun shagu npu e, tsasam masha ni hte kahkrang hkawm nna, nye a nsen n madat ai hpe, yin la u, nga nna Yehowa tsun ai.

YOELA 2:25

Ngai nanhte hpang de shangun dat ai, nye a hpyen luksuk kaba ngu ai, dinggam-yaw, hkakrit, shingchyut hte shingtai sha kau ai shaning ni, ngai nanhte hpe bai hkin ya na nngai.

YONA 3:9

Karai Kasang gaw myit malai, myit nem na hte, anhte n hten u ga, shi a pawt bu ai myit n galai na, kadai chye lu a ta?” nga nna ga shabra ma ai.

MALAHKI 2:2

Nye a amying hpe shagrau shatsaw na matu, nanhte n madat nna, n matsing hkraw myit yang gaw, ngai nanhte a ntsa de dagam dala tsin-yam dat dat nna, nanhte hpe shaman ai a malai dingnye shabyin na nngai: gaja wa, shanhte n matsing hkraw ai majaw, ya e pyi shabyin ni ai, nga nna Zaw nawng zaw wa up ai Yehowa tsun ai.

BU HKAWM 33:4

Egutu masha ni chyawm gaw, Yehowa sat kau ya ai shanhte a kasha alat ni hpe lup makoi nga ma ai: shanhte a hpara ni hpe mung Yehowa dawdan wu ai.

YAWHAN 9:24

Dai re ai majaw shanhte gaw dai myi n mu ai wa hpe lang mi bai shaga nna, “Karai Kasang hpe shagrau u; dai wa gaw yubak kap ai wa rai nga ai anhte chye ga ai,” ngu nna shi hpe tsun mu ai.

YAWSHU 7:19

Shaloi Yawshu gaw Ahkan hpe, “Ngai sha e, Israela Karai Kasang Yehowa hpe shagrau nna shi a man e tawngban u: nang galaw kau ai amu ngai e tsun dan e; hkum ip tawn da et, ngu wu ai.

SHINGRAN 11:13

Dai ahkying hta e nnang nawn kaba anawn wa nna, dai mare daw shi hta daw mi ru hkrat mat wa ai; dai nnang nawn hta si lawm mat ai masha ni a amying hkying sanit rai nga ai: naw ngam nga ai ni chyawm gaw hkrit kamyin nga ma ai rai nna, sumsing lamu a Karai Kasang hpe shagrau shakawn nga ma ai.

SHINGRAN 14:7

shi gaw, “Karai Kasang hpe hkrit hkungga mu, shi a hpung shingkang shagrau mu; shi a tara dara ai ahkying du ra ai: sumsing lamu hte ginding aga, nammukdara hte hka hpawk ni hpe hpan tawn da ai wa hpe nawku nga mu,” nga nna nsen kaba hte hkaw tsun nga ai.

SHINGRAN 16:9

Dai rai nna masha ni gaw kahtet kang la ai hte jahkat kau ai hkrum nna, ndai ari zinli ni hpe up byeng ai Karai Kasang a amying nsang hpe matsa shatan ma ai; dai hte wa hkrum ma timung, shi a hpung shingkang shagrau na gaw, shanhte myit malai n lu ma ai.

1 SAMUELA 5:11

Dai re ai majaw, shanhte Hpilisti du ni nlang hpe shaga la nna, “Israela Karai Kasang a sumpu ndai, anhte hte anhte a masha ni hpe n sat kau mi ga, dat kau gaw, shi a shara de wa u ga,” nga ma ai; kaning rai nme law, Karai Kasang a lata dai shara hta nachying li la ai rai nna, dai mare ting hta si wa hkra ja la ai zinli pri rai nga ai.

1 SAMUELA 5:9

Ya dai de sa tawn da ai hpang, Yehowa a lata dai mare hpe mung grai sharu shatsang da su ai: mare masha kaji kaba ni hpe sin adup nna, shanhte mu shakrwi hkrum ma ai.

1 SAMUELA 6:8

Yehowa a sumpu dai law hta mara nhtawm, shabawn ai mara raw kumhpa aja rai ni hpe, dai sumpu makau e, sumpu kaji langai mi hta bang nna, dat dat mu, shi chyu wa u ga.