1 SAMUELA 5:9 - Jinghpaw Hanson Version Bible

⁹ Ya dai de sa tawn da ai hpang, Yehowa a lata dai mare hpe mung grai sharu shatsang da su ai: mare masha kaji kaba ni hpe sin adup nna, shanhte mu shakrwi hkrum ma ai.

Jinghpaw Common Language Bible 2009

⁹ Rai ti mung, dai yang e du ai hpang, dai Madu gaw dai mare hpe mung ari jaw nhtawm kajawng kaja re ai ana kaba shabyin dat wu ai. Shing rai dai mare hta nga ai mare masha kaji kaba n nga, yawng hte hpe mu shakrwi hkrum sha shangun let shanhte hpe ari jaw wu ai.

1 SAMUELA 5:9 ပူးပေါင်းရင်းမြစ်များ

SHAKAWN KUNGDAWN 78:66

Shi a gumlau ni hpe kanut wa shangun nna, Prat dingsa kaya kahpa jahkrum mu ai.

AMO LAIKA (AMOS) 5:19

Masha gaw hkanghkyi hprawng nna, tsap hkrum ai zawn, nta nhku de shang nna, shakum hta shamyet yang, lapu kawa hkrum ai zawn, tai na ra ai.

TARA JAHPRANG 2:15

Shing rai dai ni n si grawm mat dingsa, shanhte hpe ndai dap hta na shamyit kau lu hkra nga, Yehowa a lata gaw shanhte hpe htim shadang nga ai.

1 SAMUELA 12:15

dai n rai, nanhte Yehowa ga n madat shi a hkang da ai ga hpe nhtan jashai myit yang gaw, Yehowa a lata nji nwa ni hpe numdan ai zawn, nanhte hpe mung numdan na wu ai.

1 SAMUELA 5:10

Bai, Karai Kasang a sumpu hpe, Ekron de shagun dat mu ai. Karai Kasang a sumpu Ekron de du jang, Ekron masha ni gaw, “Anhte hte anhte a masha ni hpe sat kau na matu, Israela Karai Kasang a sumpu la sa wa marin hka i,” nga nna jahtau let tsun ma ai.

1 SAMUELA 5:11

Dai re ai majaw, shanhte Hpilisti du ni nlang hpe shaga la nna, “Israela Karai Kasang a sumpu ndai, anhte hte anhte a masha ni hpe n sat kau mi ga, dat kau gaw, shi a shara de wa u ga,” nga ma ai; kaning rai nme law, Karai Kasang a lata dai shara hta nachying li la ai rai nna, dai mare ting hta si wa hkra ja la ai zinli pri rai nga ai.

1 SAMUELA 5:6

Ya Yehowa a lata Ashdod masha ni hpe grai wa sharu shatsang nna, shanhte hpe hpya sat wa ai hte, Ashdod mare hte de a ginwang masha ni hpe, mu shakrwi hte adup wu ai.

1 SAMUELA 6:11

Yehowa a sumpu hpe dai law hta mara nhtawm, ja yu sumla ni hte, ja mu shakrwi sumla ni rawng ai sumpu hpe mung, mara dat mu ai.

1 SAMUELA 7:13

Shing rai Hpilisti masha ni sum mat ai hkrum nna Israela ga de bai n shang masai: Samuela prat tup Yehowa lata gaw Hpilisti masha ni hpe ban shadang nga ai.