1 SAMUELA 5:1 - Jinghpaw Hanson Version Bible

¹ Ya Hpilisti masha ni Karai Kasang a sumpu la nna, Ebeneza kaw nna Ashdod mare de la wa mu ai.

Jinghpaw Common Language Bible 2009

^1-2 Hpilisti masha ni dai Ga Shaka Sumpu hpe rim la kau ya ai hpang, dai hpe Ebeneza kaw nna shanhte a mare Ashdod de hpai wa nhtawm, shanhte a hpara Dagon hpe tawn da ai htingnu kata de dai hpe la jashawn ai hte shi a sumla makau e shadun da nga ma ai.

1 SAMUELA 5:1 ပူးပေါင်းရင်းမြစ်များ

SHAKAWN KUNGDAWN 78:61

Bawng dung nga mu ga, shi a atsam hte, Gumlau ni a lata de shi a arawng hpe, ap ya mu ai.

ESAIA 20:1

Asuri hkawhkam Sargon shangun dat ai Tartan gaw, Ashdod mare de lung gasat nna, dai mare hpe hkap la ai shaning aten e,

AMO LAIKA (AMOS) 3:9

Samari mung na bum ni a ntsa e zuphpawng nna, de a kabring kabrawng kaba ai hte, de a ka-ang e nga ai adip arip hkrum ai ni hpe mada yu mu, ngu nna Ashdod a htingnu ni hte, Egutu mung na htingnu ni hta, ashi shabra nga mu.

KASA 8:40

Hpilip chyawm gaw, Azutu mare e wa du ai rai nna, dai mung ga sa wa yang, Kesare mare du hkra mare shagu hkan e dai kabu gara shiga hkai dan wu ai.

YAWSHU 11:22

Israela kashu kasha ni a mungdan hta naw ngam ai Anak masha ngu na langai mi muk n nga sai: Gaza, Gahta, Ashdod mare ni hta sha nga sai.

YAWSHU 13:3

Egutu maga na Shihora hka kaw nna, Hkanani mung hta lawm ai dingdung man de na Ekron mare du hkra nga ai, Gaza, Ashdod, Ashkelon, Giti, Ekron masha ni a hkawhkam manga ngu na Hpilisti ga hte Awim mung ting;

1 SAMUELA 4:1

Ya Israela masha ni Hpilisti masha ni hpe gasat na sa wa nna, Ebeneza shara e dap jung ma ai; Hpilisti masha ni gaw Ahpek shara e dap jung ma ai.

1 SAMUELA 4:11

Karai Kasang a sumpu mung masha hpyen ni a lata de shang mat nna, Eli a kasha Hopni yan Hpineha mung si mat ma ai.

1 SAMUELA 4:22

“Karai Kasang a sumpu hpyen lata shang mat ai majaw, Israela hpung shingkang hkoi mat sai,” nga nna shi bai tsun wu ai.

1 SAMUELA 6:1

Ya Yehowa a sumpu Hpilisti mung e shata sanit nga nga sai.

1 SAMUELA 7:12

Dai shaloi e Samuela nlung la nna, Mizpa hte Shen lapran e jung tawn nhtawm, “Yehowa anhte hpe ya du hkra karum ma ni ai,” nga nna nlung dai hpe Ebeneza ngu shamying wu ai.