1 SAMUELA 4:9 - Jinghpaw Hanson Version Bible

⁹ Hpilisti masha ni e, Hebre masha ni nanhte kaw yam ai zawn, shanhte kaw n yam hkra, nden shaja nna dakan mu: dakan let gasat mu,” nga ma ai.

Jinghpaw Common Language Bible 2009

⁹ Hpilisti masha ni e, share shagan nga mu! Wa-ngan n-gun rawng ai masha ni zawn gasat mu! Shing n rai jang, shanhte gaw anhte a mayam ni rai yu manu ai zawn, anhte mung Hebre masha ni a mayam tai mat na raga ai. Dai majaw wa ngan n-gun rawng ai masha ni zawn htim gasat mu!,” ngu nna tsun mu ai.

1 SAMUELA 4:9 ပူးပေါင်းရင်းမြစ်များ

2 SAMUELA 10:12

Nden ja da ting u; anhte a amyu hte, anhte Karai Kasang a mare ninghtawn ni a matu n-gun marai dat gasat ga: Yehowa gaw shi ra ai hku hte maren galaw u ga,” ngu wu ai.

ESAIA 14:2

Maigan amyu ni gaw shanhte hpe woi wa nna, tinang a buga de wa sa na mara ai; shing rai Israela amyu gaw, Yehowa a mungdan hta, maigan ni hpe mayam la mayam num shatai nna, shanhte hpe bawng dung shangun ai ni hpe, bawng bai dung shangun na maru ai; tinang hpe sharu shatsang ai ni a ntsa e mung, up nga na mara ai.

ESAIA 33:1

Jahten shabyak shabyin timung, jahten shabyak garai n hkrum ai, hkalem ai hku galaw timung, hkalem kau ai garai n hkrum ai wa e, nang dingnye lu ndai. Nang jahten shabyak shabyin ngut jang, nang nan jahten shabyak ai hkrum na rin dai; nang hkalem kau ai shatup ngut jang, shanhte gaw nang hpe hkalem kau na mara ai.

1 KORINHTU 16:13

A maja nga mu, dai makam masham hta dakring dalang tsap nga mu, wa-ngan marai shapraw mu, n-gun lagaw shagrin nga mu.

TARA AGYI 10:7

Dai majaw Yehowa Israela amyu hpe pawt bu nna, Hpilisti masha ni a lata hta mung, Amon masha ni a lata hta mung, shanhte hpe dut kau mu ai.

TARA AGYI 13:1

Ya Israela kashu kasha ni gaw Yehowa a man e n shawp ai amu bai galaw ma ai; dai rai nna Yehowa gaw shanhte hpe Hpilisti masha ni a lata hta mali shi ning tup ap kau ya mu ai.

1 SAMUELA 14:21

Shawng de Hpilisti masha ni a hpang maga de lawm nna, shara shagu hkan na dai dap de shang wa ai Hebre masha ni mung, Shawlu hte Yonahtan kaw hkan ai Israela masha ni hpang de, bai kayin shang ma ai.

1 SAMUELA 4:8

anhte gaw n rai saga ai: ndai hpung shingkang rawng ai Hpara ni a lata na, anhte hpe kadai hkye lu na rai ta? nam mali hkan e, Egutu masha ni hpe ari zinli baw magup jaw ai gaw, Hpara ndai ni rai nga ma ai.