1 SAMUELA 4:5 - Jinghpaw Hanson Version Bible

⁵ Yehowa a ga shaka sumpu dap de du jang, Israela masha ni nlang, lamu ga kanan hkra, nachying hkap garu ma ai.

Jinghpaw Common Language Bible 2009

⁵ Dai Ga Shaka Sumpu du jang, Israela amyu masha ni gaw ginding aga ashun hkra kabu gara ai hte ja ja jahtau garu nga ma ai.

1 SAMUELA 4:5 ပူးပေါင်းရင်းမြစ်များ

2 SAMUELA 15:24

Zadok hte Lewi masha ni nlang mung Karai Kasang a ga shaka sumpu hpai let du ma ai rai nna, shanhte gaw Karai Kasang a sumpu tawn da nhtawm, masha nlang mare na pru ma tawm ai du hkra, Abiahta gaw kawng de lung wa la ai.

1 HKAWHKAM 1:40

Shanhte nlang shi hpang de hkan lung nna, sumpyi dum let, ja ja kabu gara nga ma ai rai nna, lamu ga gaw shanhte a garu marawn ai a jaw e kadu ashun ga wa ai.

YOBA 20:5

n shawp ai wa a kabu gara ai lam, hkring sha rai nga ai gaw, moi chyaloi nna chye chyalu rai nga ai hpe, nang n chye nni?

YEREMIA 7:4

Ndai nta ni gaw Yehowa a nawku Htingnu, Yehowa a nawku Htingnu, Yehowa a nawku Htingnu rai nga ai, nga nna masu ga tsun ai ni hta hkum hpa nga myit.

AMO LAIKA (AMOS) 6:3

Nanhte gaw ari hkrum na nhtoi hpe sharen kau nna, kashun kashe ni a tingnyang hpe shani tawn myit dai:

MIHKA 2:11

Tinang myit hkan nna, masu ga tsun ai wa gaw, Ngai nan tsabyi jahku hte chyaru lam, nang hpe myihtoi htoi na nngai, nga nna tsun yang, dai wa gaw, ndai amyu masha ni a myihtoi rai na ra ai.

YAWSHU 6:20

Shing rai shawa masha ni jahtau nna, hkinjawng ni pahtau dum ma ai: shawa masha ni pahtau mahku na jang, shanhte nsen kaba hte garu dat ma ai rai nna, dai bunghku gaw yan ting daw ru mat wa ai; shaloi masha nlang tinang man ang ai kaw nna mare de shang wa nna, dai mare hpe madu la lu ma ai.

YAWSHU 6:5

Shing rai shanhte gaw garu pahtau hte mahku galu wa dum dat nna, dai pahtau mahku nanhte na jang, masha nlang nsen shaja nna jahtau garu dat na rai myit dai: shaloi mare bunghku yan ting gaw daw ru mat wa na ra ai rai nna, kadai mung tinang man ang ai kaw nna shang wa na rai myit dai,” ngu wu ai.

TARA AGYI 15:14

Ya Lehi shara de du jang Hpilisti masha ni shi hpe tau la let garu ma ai: shaloi Yehowa a Wenyi shi kaw aja awa du nna shi a lahpum na sumri ni gaw wan kap ai lachyit zawn dut wa nna, shi a lata na sumri ni raw mat lu ai.

1 SAMUELA 4:6

Hpilisti masha ni dai garu ai na jang, “Hebre dap e kadu ai nsen gaw hpa re ai i?” Nga nna san let, dai dap de Yehowa sumpu du sai chye ma ai.