1 SAMUELA 4:4 - Jinghpaw Hanson Version Bible

⁴ Shing rai masha ni Shilo de masha shangun dat nna, Hkerubim lapran e dung ai, Zaw nawng zaw wa up ai Yehowa a ga shaka sumpu la sa mu ai: Karai Kasang a ga shaka sumpu hte rau, Eli a kasha Hopni yan Hpineha mung lawm ma ai.

Jinghpaw Common Language Bible 2009

⁴ Shanhte gaw Shilo de kasa ni hpe shangun dat nhtawm singkaw tu ai hkrung kanu ntsa e dung ai Chyahtum Chyalai N-gun rawng ai dai Madu a Ga Shaka Sumpu hpe la sa ma ai. Eli a kasha Hopni hte Hpineha yan mung dai Ga Shaka Sumpu hte rau hkan sa wa ma ai.

1 SAMUELA 4:4 ပူးပေါင်းရင်းမြစ်များ

2 SAMUELA 15:24

Zadok hte Lewi masha ni nlang mung Karai Kasang a ga shaka sumpu hpai let du ma ai rai nna, shanhte gaw Karai Kasang a sumpu tawn da nhtawm, masha nlang mare na pru ma tawm ai du hkra, Abiahta gaw kawng de lung wa la ai.

2 SAMUELA 6:2

Shing rai Dawi rawt nna, shi kaw na masha ni nlang hte rau, Hkerubim ntsa e dung ai, zaw nawng zaw wa up ai, Yehowa Amying ningsang mying ai Karai Kasang a sumpu hpe, Bale-Yuda mare na htawt la na, sa wa ma ai.

2 HKAWHKAM 19:15

Shing rai Hezekia gaw Yehowa man e, “Hkerubim ntsa e dung nga ai Israela Karai Kasang Yehowa e; ga ntsa mungdan mahkra a Karai Kasang nang chyu rai nga ndai: nang gaw sumsing lamu hte ginding aga hpe hpan da nu ai.

SHAKAWN KUNGDAWN 80:1

Sagu hpung hpe zawn, Yawsep amyu hpe woi wa ai, Israela hpe rem ai wa e, madat u; Hkerubim ntsa e dung ai wa e, dan pru rit.

SHAKAWN KUNGDAWN 80:2

Ehprim, Ben-yamin hte Manashe a man e, Na a share n-gun shapraw nna, Anhte hpe karum na sa wa rit.

SHAKAWN KUNGDAWN 99:1

Yehowa gaw Hkawhkam rai nga ai; Amyu baw ni hkrit gari nga mu ga: Hkerubim ntsa e shi adung nga ai, Ginding aga awam nga u ga.

ESAIA 37:16

Hkerubim ntsa e dung nga ai Israela Karai Kasang Yehowa e; ga ntsa mungdan mahkra a Karai Kasang nang chyu rai nga ndai, nang gaw sumsing lamu hte ginding aga hpe hpan da nu ai.

MALAHKI 1:9

Ya chyawm gaw, Karai Kasang anhte hpe chyeju madun u ga, shi a man e akyu hpyi mu: ndai amu gaw, nanhte a lata na amu rai nga ai: shi nanhte a myi man tau lu na rai ni? nga nna Zaw nawng zaw wa up ai Yehowa tsun ai.

BU HKAWM 4:15

Shing rai rawt na ten du jang, Arun hte shi a shadang sha ni dai chyoi pra ai nta hte de a arai yawng mayawng hpe magap ngut jang, Kohat a kashu kasha ni dai hpe hpai na matu sit sa na rai ma ai: rai timung, shanhte si ai n hkrum mu ga, chyoi pra ai arai ni hpe shum lu na n rai. Dai hte gaw shawa sum hta Kohat a kashu kasha ni a gun hpai na amu rai nga ai.

BU HKAWM 4:5

rawt na aten du jawng, Arun hte shi a shadang sha ni sa nna, kata gawk na nba shinggang shayu la nhtawm, dai sakse sumpu hpe magap na rai mu ai:

BU HKAWM 7:89

Mawshe mung Yehowa hte ga jahkrum na nga shawa sum kata de shang wu yang, dai sakse sumpu a chyeju magap ntsa na Hkerubim lahkawng yan a lapran nna shi hpe shaga ai Nsen Mawshe na wu ai rai nna shi hte ga tsun nga ai.

1 SAMUELA 1:24

Chyu jahku kau jang she, usu nga masum, shadung bye mi, tsabyi tau mi hte hpawn, ma hpe woi lung wa nna, Shilo shara na Yehowa nta de du ma ai: dai ma chyawm gaw naw kaji nga la ai.

1 SAMUELA 14:3

hkinjawng palawng hpun nna, Shilo mare e Yehowa hkinjawng amu gun ai Eli, Hpineha kaw na hkrat ai, Ihkabo a kahpu Ahitub a kasha Ahiya mung lawm nga ai. Yonahtan hkawm mat wa ai gaw kadai mung n chye ma ai.

1 SAMUELA 2:22

Ya Eli gaw aprat grai kaba mat sayang, shi a kasha ni Israela amyu masha ni nlang hta galaw ai lam mung, shawa sum chyinghka makau e amu galaw ai num ni hte shut hpyit ai lam mung, na wu ai.