1 SAMUELA 4:3 - Jinghpaw Hanson Version Bible

³ Masha ni dap de bai du wa ma jang, Israela agyi salang ni gaw, “Dai ni Yehowa anhte hpe, Hpilisti masha ni a man e hpa rai jasum mi ai i? Yehowa a ga shaka sumpu sa nna, masha hpyen ni a lata na anhte hpe hkye la mi ga, Shilo mare na wa la saga,” nga nna bawng ma ai.

Jinghpaw Common Language Bible 2009

³ Naw hkrung nga ai ni dap de nhtang wa shajang yang, Israela ningbaw ni gaw, “Dai ni na nhtoi hta dai Madu gaw hpa majaw Hpilisti masha ni hpe dang kau shangun ai kun? Shi anhte hte rau sa nna gumlau hpyen ni a lata kaw na anhte hpe hkye la mi ga, Shilo mare na dai Madu a Ga Shaka Sumpu hpe wa la saga,” ngu nna tsun ma ai.

1 SAMUELA 4:3 ပူးပေါင်းရင်းမြစ်များ

2 SAMUELA 15:25

Hkawhkam wa chyawm gaw Zadok hpe, “Karai Kasang a sumpu gaw mare de wa tawn da mu: Yehowa ngai hpe myit du dum ai rai yang gaw, shi ngai e bai woi wa nna, sumpu hpe mung, shi a shingwung shara hpe mung, mu lu shangun na ra ai:

1 HKAWHKAM LABAU 17:1

Ya Dawi gaw shi a hkaw e ban sa nga yang, shi gaw myihtoi Nahtan hpe, “Yu u, ngai wa gaw marau hpun nta hta rawng nga ni ai; Yehowa a ga shaka sumpu chyawm gaw sumpan sum npu e rawng nga ai,” ngu wu ai.

SHAKAWN KUNGDAWN 74:1

Karai Kasang e, nang anhte hpe hpa rai tutnawng e, kau da nga n ta? Na a ndat na sagu hpung hpe, nang hpa rai myit kahtet nga n ta?

SHAKAWN KUNGDAWN 74:11

Na a hkra lata hpe nang hpa majaw dawm la wu ta? Dai gaw sinda na shaw nna, shanhte hpe jahten kau mu.

ESAIA 50:1

Yehowa ning nga ai: Na nnu hpe jahka kau na matu, jahka kau laika kanang nga a ta? Ngai hka kap nna kadai hka madu kaw nanhte hpe dut kau n ta? Nanhte gaw, tinang mara majaw, dut kau ai hkrum nna, nanhte tara tawt lai ai majaw, nanhte a kanu gaw jahka kau ai hkrum sai.

ESAIA 58:3

‘Anhte lusha gam yang, nang hpa majaw n mu n ta? Anhte hkum shagrit kau yang, nang hpa majaw n matsing n ta?’ nga nna tsun ma yang, ‘yu mu, nanhte lusha gam ai shani e, tinang pyaw ai lam nanhte tam nna, nchyang ni hpe amu galaw shaja shangun myit dai.

ESAIA 59:1

Yu u, Yehowa gaw n hkye la lu hkra, lata gadun ai n rai; n na lu hkra, na lahpang ai n rai:

ESAIA 59:2

nanhte a shut hpyit ai gaw, nanhte a Karai Kasang hte nanhte hpe jahka kau myit dai; shi n na lu hkra, nanhte a yubak gaw, shi a myi man hpe magap kau nga ai.

YEREMIA 3:16

Dai aten e nanhte mayat maya wa nna, mungdan hta law htam wa yang, nanhte gaw, Yehowa a ga shaka sumpu, nga nna tsun na n rai; kadai mung dai hpe dum na n rai; kadai mung dai hpe matsing na n rai; dai hpe lahpawt dum na n rai; dai hpe mung bai galaw na n rai, nga nna Yehowa tsun ai.

YEREMIA 7:4

Ndai nta ni gaw Yehowa a nawku Htingnu, Yehowa a nawku Htingnu, Yehowa a nawku Htingnu rai nga ai, nga nna masu ga tsun ai ni hta hkum hpa nga myit.

BU HKAWM 10:33

Shing rai shanhte gaw Yehowa a bum na pru nna, masum ya sat ai kaw du hkra hkawm sa wa ma ai: dai masum ya sat ai lam hta sa wa nga yang, Yehowa a sakse sumpu gaw shanhte but na shara tam let, shanhte a shawng e sa wa nga ai,

BU HKAWM 10:35

Ya dai sumpu sa wa jang Mawshe gaw, “Yehowa e, rawt u, nang hpe hpyen ai ni poi mat mu ga law; Nang hpe n dawng ai ni na a man e htaw mat mu ga law,” ngu nna tsun tsun rai wu ai.

BU HKAWM 31:6

Shing rai Mawshe gaw, hpyen gasat na matu, chyoi pra ai nta na arai ni hte dum garu na pahtau lang ai hkinjawng Eleaza a kasha Hpineha hte rau, amyu shagu hta na masha hkying hkying shangun dat wu ai.

TARA JAHPRANG 29:24

Shaloi masha ni gaw, “Shanhte a kaji kawoi ni nawku ai Karai Kasang Yehowa shanhte hpe Egutu mung na shaw woi wa ai shaloi, shanhte hte tawn da ai ga shaka hpe run kau mu ai majaw mung,

TARA JAHPRANG 31:26

“Ndai tara laika hpe lu na, nanhte a Karai Kasang Yehowa a ga shaka sumpu makau e tawn da mu; dai gaw na a matu sakse tai nga na rai nga ai.

2 TIMOHTI 3:5

shanhte gaw tara hkungga ai htung hkan ma timung, dai hte seng ai hpung shingkang hpe nyet kau ai ni rai nga ma ai: shing re ai ni hpe mung koi kau u.

HEBRE 9:4

dai hta e manam pyaw ai baw nat ai aja hkungri hte, hkum ting ja sup ai ga shaka sumpu rawng nga ai: dai sumpu kata e, manna rawng ai ja di mung, apu pu ai Arun a dawhkrawng mung, ga shaka lungpa yan mung, rawng nga ai;

YAWSHU 4:7

dai rai nna, nlung dai ni gaw, Israela kashu kasha ni matu prat dingsa dum nga na masat dingsat tai na ra ai,” ngu mu ai.

YAWSHU 6:6

Shaloi Nun a kasha Yawshu gaw hkinjawng ni hpe shaga nna, “Dai ga shaka sumpu hpai nna, Yehowa a sumpu shawng e hkinjawng marai sanit hte garu pahtau sanit lang let sa wa mu,” ngu mu ai.

YAWSHU 7:7

Yawshu gaw, “Ala, Yehowa Madu e, ndai amyu masha ni hpe Amori masha ni a lata de ap nna jahten kau na matu, Yawdan hka ndai hkran de hpa rai nang woi rap wa n ta? anhte Yawdan hka wora hkran e myit shatawng nna nga nga sa na e le!

YAWSHU 7:8

Madu e, Israela masha ni masha hpyen ni a man e nga mat wa ai gaw ngai kaning ngu na rai ta?

1 PETRU 3:21

Dai hka hta na zawn, ya e baptisma ngu ai kumla gaw, nanhte hpe hkye hkrang la lu nga ai; dai gaw, hkum shan hta e kap ai matsat shabat hpe sharun kau na lam n rai; Yesu Hkristu a bai hkrung rawt wa ai a marang e, Karai Kasang a man e san seng ai myit nsam tam san ai lam rai nga ai.

YUDA 1:5

Nanhte chyawm gaw, nlang hte hpe lang lata sha, chye nga myit timung, ngai nanhte hpe shadum jahprang mayu ai lam da ndai rai nga ai: dai Madu gaw Egutu mung de nna amyu baw hpe shaw la ngut jang, hpang de e n kam n sham ai ni hpe jahten kau mu ai:

1 SAMUELA 1:24

Chyu jahku kau jang she, usu nga masum, shadung bye mi, tsabyi tau mi hte hpawn, ma hpe woi lung wa nna, Shilo shara na Yehowa nta de du ma ai: dai ma chyawm gaw naw kaji nga la ai.

1 SAMUELA 14:18

Dai aten e Karai Kasang a sumpu Israela masha ni kaw nga ai rai nna, Shawlu gaw, “Karai Kasang a sumpu la wa rit,” ngu nna Ahiya hpe tsun wu ai.

1 SAMUELA 4:2

Hpilisti masha ni hpyen hkyen la nna, Israela masha ni hpe gasat mu yang, Israela masha ni Hpilisti masha ni a man e sum nna, masha hpyen ni a lata hte marai hkying mali daram si mat ma ai.