1 SAMUELA 4:2 - Jinghpaw Hanson Version Bible

² Hpilisti masha ni hpyen hkyen la nna, Israela masha ni hpe gasat mu yang, Israela masha ni Hpilisti masha ni a man e sum nna, masha hpyen ni a lata hte marai hkying mali daram si mat ma ai.

Jinghpaw Common Language Bible 2009

² Hpilisti masha ni gasat ma ai rai nna laja lana htim anut gasat ngut ai hpang, Israela amyu masha ni hpe mahtang dang kau ai hte dai majan pa e masha hkying mali daram hpe sat kau ma ai.

1 SAMUELA 4:2 ပူးပေါင်းရင်းမြစ်များ

SHARUNG SHAYAWT 3:40

Anhte gaw, tinang hkan ai lam hpe sagawn yu nna, Yehowa hpang de nhtang wa saga.

JAW JAU 26:37

Shachyut ai masha kata kaw ri nhtu e hprawng ai zawn, langai a ntsa e langai kataw kahtap na mara ai; hpyen ni a man e dakan lu ai n-gun kaji mi muk rawng na n rai.

BU HKAWM 14:45

Shaloi bum ga de nga ai Amalek masha ni hte Hkanani masha ni pru sa nna, shanhte hpe gasat dang kau ai hte Horma mare du hkra hkan shachyut mu ai.

YAWSHU 7:12

Dai re ai majaw Israela kashu kasha ni gaw dagam dala hkrum ma ai rai nna, masha hpyen ni a man e n hkam lu ai hte nga mat wa ma ai: dagam dala hkrum ging ai wa hpe n seng kau myit yang gaw, ngai nanhte hte rau naw nga lu na n rai.

1 SAMUELA 17:21

Shing rai, Israela luksuk ni hte Hpilisti luksuk ni man jahkrum nna, gasat na hkyen ma ai.

1 SAMUELA 17:8

Dai wa gaw sa tsap nna, Israela hpyen laba ni hpe, “Nanhte hpa majaw hpyen gasat na hkyen nga myit ta? Ngai gaw Hpilisti masha, nanhte chyawm gaw, Shawlu a mayam ni rai nga ai, n rai ni? Marai langai mi lata la nna, ngai hte sat hkat shangun mi.

1 SAMUELA 4:1

Ya Israela masha ni Hpilisti masha ni hpe gasat na sa wa nna, Ebeneza shara e dap jung ma ai; Hpilisti masha ni gaw Ahpek shara e dap jung ma ai.

1 SAMUELA 4:10

Shing rai, Hpilisti masha ni gasat nna, Israela masha ni bai sum ma ai: langai hte langai tinang a sum de hprawng ma ai: gasat kaba rai kahtam nna, Israela hpyen masha mun masum si ma ai.

1 SAMUELA 4:3

Masha ni dap de bai du wa ma jang, Israela agyi salang ni gaw, “Dai ni Yehowa anhte hpe, Hpilisti masha ni a man e hpa rai jasum mi ai i? Yehowa a ga shaka sumpu sa nna, masha hpyen ni a lata na anhte hpe hkye la mi ga, Shilo mare na wa la saga,” nga nna bawng ma ai.