1 SAMUELA 4:19 - Jinghpaw Hanson Version Bible

¹⁹ Ya Eli kanam, Hpineha a madu jan na-um nasin hkum nhtoi gu wa sai rai nna, Karai Kasang a sumpu hpyen lata shang mat ai hte kagu yan madu wa si mat ai lam na jang, shinggyim machyi hkrum rau nna, mashi dingkaw let kasha shangai wu ai.

Jinghpaw Common Language Bible 2009

¹⁹ Ya, Eli a kanam, Hpineha a madu jan gaw na-um nasin hkum rai nna ma shangai na nhtoi gu wa magang ra ai. Karai Kasang a Ga Shaka Sumpu rim la kau hkrum sai lam mung, shi a kagu hte shi a madu wa si mat sai lam ni hpe mung shi na ai shaloi, akajawng sha shinggyim machyi ai hte shangai chyinghkai ya wu ai.

1 SAMUELA 4:19 ပူးပေါင်းရင်းမြစ်များ

NINGPAWT NINGHPANG 3:16

Numsha hpe mung, Na a tsin-yam hte shinggyim machyi ai gaw ngai grau shalaw ya na de ai: shinggyim machyi ai hte nang kashu kasha shangai lu na ndai; na a madu wa hta nang myit manoi nga na ra ai rai nna, shi mung na a ntsa e up nga na ra ai,” ngu wu ai.

NINGPAWT NINGHPANG 35:17

Shing rai shangai yak nga yang shangai karum ai jan gaw, Hkum hkrit et; shadang sha langai mi nang bai lu nit dai, ngu wu ai.

1 HKAWHKAM 14:1

Ndai aten e Yeroboam a kasha Abiya gaw machyi wa ai rai nna,

SHAKAWN KUNGDAWN 78:64

Hkinjawng ni nhtu hte si ma timung, Gaida jan ni n hkrap lu ma ai.

1 SAMUELA 4:18

Karai Kasang a sumpu a lam na jang, Eli gaw, chyinghka makau e shi dung ai tingnyang nna shingdu de nga hkrat wa ai hte du daw nna si mat ai: kaning rai nme law, shi gaw asak kaba sai hte hkum majun ai wa rai nga ai. Shi gaw mali shi ning ting Israela amyu hpe tara dara ya wu ai.

1 SAMUELA 4:20

Shi si wa magang yang, makau e tsap nga ai num ni, “Hkum tsang et; shadang sha shaprat nit dai,” ngu mu timung, shi n htan mat ai hte hpa zawn mung n rai mat sai.