1 SAMUELA 4:18 - Jinghpaw Hanson Version Bible

¹⁸ Karai Kasang a sumpu a lam na jang, Eli gaw, chyinghka makau e shi dung ai tingnyang nna shingdu de nga hkrat wa ai hte du daw nna si mat ai: kaning rai nme law, shi gaw asak kaba sai hte hkum majun ai wa rai nga ai. Shi gaw mali shi ning ting Israela amyu hpe tara dara ya wu ai.

Jinghpaw Common Language Bible 2009

¹⁸ Dai wa Ga Shaka Sumpu a lam tsun dan jang, Eli gaw chyinghka lam makau shi dung nga ai shara kaw nna shingdu de nga kadawng mat wa wu ai. Shi gaw asak grai kaba sai hte hpum nga ai majaw shi a du daw mat nna si mat sai. Shi gaw mali shi ning tup Israela amyu hta ningbaw tai lai wa nu ai.

1 SAMUELA 4:18 ပူးပေါင်းရင်းမြစ်များ

SHAKAWN KUNGDAWN 26:8

Yehowa e, na a nta a htingra hte, Na a hpung shingkang dan hkung ai shara hpe, ngai tsawra nngai.

SHAKAWN KUNGDAWN 42:10

“Na a Karai Kasang gaw kanang nga lit ta?” nga nna tut tut a tsun nga ma ai majaw, Nye a nrut nra hpe a dup kau ai zawn, Gumlau ni ngai hpe shatan nga ma ai.

SHAKAWN KUNGDAWN 42:3

“Na a Karai Kasang gaw kanang nga lit ta?” Nga nna tut tut a tsun nga ma ai majaw, Nye a myi prwi nye a shat shani shana tai nga li ai.

SHAKAWN KUNGDAWN 69:9

Na nta hta manoi ai nja nhpra myit ngai hpe sha kau nna, Nang hpe shatan ai ni a ga, nye a ntsa e mara nga ai.

JAW JAU 10:3

Shaloi Mawshe gaw Arun hpe, Ngai kaw sit sa ai wa hta nye a chyoi pra ai lam ngai madun nna, amyu masha ni mahkra a man e ngai hpung shingkang lu la na we ai, nga nna Yehowa tsun ai gaw ndai zawn re ai lam hpe tau nna tsun ai rai nga ai, ngu wu ai. Arun gaw atsin sha rai nga ai.

TARA AGYI 15:20

Shing rai Samson gaw, Hpilisti masha ni up ai prat e, Israela amyu hpe hkun ning e tara dara ya wu ai.

1 SAMUELA 4:13

Shi du wa yang, Eli gaw, shi a tingnyang hta lam makau e dung let ala nga ai; kaning rai nme law, Karai Kasang sumpu a matu shi myit ru nga ai. Gat wa ai wa, mare du nna, ashi tsun dan wu yang, mare ting jahtau kachyi nga ai.

1 SAMUELA 4:17

Ashi gun ai wa gaw, “Israela masha ni Hpilisti masha ni a man na hprawng nna, gasat kaba rai kahtam ai hkrum ga ai: na nsha Hopni yan Hpineha mung si masai; Karai Kasang a sumpu mung hpyen lata de shang mat sai,” ngu nna htan wu ai.

1 SAMUELA 4:19

Ya Eli kanam, Hpineha a madu jan na-um nasin hkum nhtoi gu wa sai rai nna, Karai Kasang a sumpu hpyen lata shang mat ai hte kagu yan madu wa si mat ai lam na jang, shinggyim machyi hkrum rau nna, mashi dingkaw let kasha shangai wu ai.