1 SAMUELA 4:16 - Jinghpaw Hanson Version Bible

¹⁶ Dai wa gaw, “Hpyen gasat kaw na wa ai wa ngai rai nngai; hpyen gasat ai kaw na dai ni hprawng wa nngai,” ngu nna tsun dan wu yang, Eli gaw, “Ngai sha e, amu gaw kaning rai wa sata?” ngu nna san wu ai.

Jinghpaw Common Language Bible 2009

¹⁶ Dai masha wa gaw, “Ngai gaw majan gasat ai kaw na lawt wa nngai; dai ni ndai de lam dingyang kagat wa nngai,” ngu nna tsun dan wu ai, Eli gaw shi hpe, “Ngai sha e, hpa baw byin sata?,” ngu nna san wu ai.

1 SAMUELA 4:16 ပူးပေါင်းရင်းမြစ်များ

2 SAMUELA 1:4

Bai Dawi gaw, “Amu gaw kaning rai wa sata? ngai e atsawm sha tsun e,” ngu nna tsun wu yang, shi gaw, “Israela masha ni mahtang n daw lu nna hprawng htaw wa masai; law law wa si agrawp mat shajang ma ai: Shawlu hte shi a kasha Yonahtan mung si mat masai,” ngu nna tsun dan wu ai.

YAWSHU 7:19

Shaloi Yawshu gaw Ahkan hpe, “Ngai sha e, Israela Karai Kasang Yehowa hpe shagrau nna shi a man e tawngban u: nang galaw kau ai amu ngai e tsun dan e; hkum ip tawn da et, ngu wu ai.

1 SAMUELA 3:6

Bai Yehowa, “Samuela e,” ngu nna shaga wu ai. Samuela mung rawt nna Eli hpang de wa nhtawm, “Nang shaga ai majaw wa ring ngai,” ngu wu yang, Eli gaw, “Ngai sha e, ngai n shaga, bai wa yup nga su,” ngu dat wu ai.

1 SAMUELA 4:17

Ashi gun ai wa gaw, “Israela masha ni Hpilisti masha ni a man na hprawng nna, gasat kaba rai kahtam ai hkrum ga ai: na nsha Hopni yan Hpineha mung si masai; Karai Kasang a sumpu mung hpyen lata de shang mat sai,” ngu nna htan wu ai.