1 SAMUELA 4:12 - Jinghpaw Hanson Version Bible

¹² Shaloi Ben-yamin amyu masha langai mi, hpyen ginra na gat wa nna, shi a palawng gang je kau ai hte baw e ga nhpu hte bun let, dai shani jang Shilo de du wa ai.

Jinghpaw Common Language Bible 2009

¹² Benyamin amyu bawsang hta na langai mi gaw hpyen ginra kaw nna Shilo mare de kagat wa ai rai nna, dai shani jang dai de du wa wu ai. Shaloi shi a yawn hkyen ai hpe madun dan na nga, shi a hpun palawng hpe gang je kau nhtawm shi a baw ntsa e ga hte bun dan wu ai.

1 SAMUELA 4:12 ပူးပေါင်းရင်းမြစ်များ

2 SAMUELA 1:2

masum ya ngu na shani hta, masha langai wa mi tinang a palawng gang je kau let, shi a baw e ga nhpu hte bun let, Shawlu a dap na wa nna, Dawi hpang de du jang, ga e dingnyawm dagup nawku nga ai.

2 SAMUELA 13:19

Tama mung, shi a baw hta wan dap hte bun let, shi a ka sawm ai hpun palawng gang je kau nhtawm, baw e lata mara nna hkrap let wa ai.

2 SAMUELA 15:32

Ya Dawi gaw, dai bum jinghkang na Karai Kasang nawku ai shara de du jang, Arhki shara na Hushi mung, hpun palawng gang je kau nna, baw hta ga nhpu hte bun let, shi hpe hkap tau na pru sa ai.

NEHEMIA 9:1

Ya, dai shata a hkun mali ya hta e Israela kashu kasha ni gaw lusha gam let, lachyit nba bu hpun ai hte ga nhpu hte bun nna zuphpawng nga ma ai.

YOBA 2:12

Shanhte gaw tsan tsan kaw nna shi hpe mu mada timung, shi hpe n chye mu ai majaw, shanhte nsen sharawt nna, hkrap ngu hkrap ngoi let, tinang hpun nba gang je kau ai hte, tinang a baw hta hkrat bun hkra, ga nhpu lamu de agat shalun ma ai.

EZEKELA 24:26

lawt lu ai wa gaw nang hpang de sa nna, dai lam nang hpe shana ya na ra ai, n rai ni?

EZEKELA 27:30

hkarang e tsap let, na a matu shabam nna, ja ja hkrap na mara ai; shanhte gaw tinang baw hta nhpu htè bun nna, wan dap hta galu na mara ai:

YAWSHU 7:6

Shaloi Yawshu gaw shi a palawng gang je kau nna, shi hte Israela agyi salang ni gaw tinang a baw hta ga nhpu hte bun let, Yehowa a sumpu man e shana de du hkra dingnyawm dagup nga ma ai.