1 SAMUELA 4:10 - Jinghpaw Hanson Version Bible

¹⁰ Shing rai, Hpilisti masha ni gasat nna, Israela masha ni bai sum ma ai: langai hte langai tinang a sum de hprawng ma ai: gasat kaba rai kahtam nna, Israela hpyen masha mun masum si ma ai.

Jinghpaw Common Language Bible 2009

¹⁰ Hpilisti masha ni aja awa gasat ma ai rai nna, Israela amyu masha ni hpe dang kau ma ai; shanhte mung tinang dum nta ni de hprawng mat wa ma ai. Dai yang e, ja ja kahtam sat hkat ma ai rai nna, Israela hpyenla mun masum sat kau ai hkrum ma ai.

1 SAMUELA 4:10 ပူးပေါင်းရင်းမြစ်များ

2 SAMUELA 18:17

Shanhte Absalom a mang hpe dai maling na nhkun kaba hta jahkrat ban nhtawm, nlung sumpum kaba sumpum da mu ai: Israela masha ni nlang hte mung, tinang nang a nta de hprawng wa ma ai.

2 SAMUELA 18:7

Israela masha ni mahtang, Dawi ali ama ni a man e sum nna, dai shani jang tsam mari gasat nna masha mun lahkawng si ma ai.

2 SAMUELA 19:8

Shaloi she hkawhkam wa rawt nna mare chyinghka e dung nga ai. Hkawhkam wa mare chyinghka lam e wa dung ra ai, nga nna kajai shajang ma yang, masha nlang hte hkawhkam wa a man e sit sa ma ai. Israela masha ni chyawm gaw tinang a shara de hprawng wa masai.

2 SAMUELA 20:1

Dai shaloi, Ben-yamin amyu Bihkri a kasha, Sheba mying ai n hkru ai wa langai mi nga ai: dai wa gaw, pahtau dum nna, Israela masha ni e, Anhte gaw Dawi hte hpa mung n seng ga ai; Yese a kasha hta hpa Sali mung n lu ga ai: Israela masha ni e, langai hte langai tinang a sum de wa mu, ngu wu ai,

1 HKAWHKAM 12:16

Hkawhkam wa gaw shanhte a ga n madat nga ai hpe, Israela amyu masha ni yawng mu mu ai shaloi jang, shanthe gaw, Anhte Dawi hta hpa daw nga ga ta? Yese kasha hta anhte Sali n lawm ga ai; Israela e, na a sum nta ni de bai wa nu; Dawi e, na nta hpe ya yu yu u law, ngu nna hkawhkam wa hpe htan nhtawm, Israela gaw tinang a sum nta ni de bai wa ma ai.

1 HKAWHKAM 22:36

Ya jan shang sayang hpyen luksuk ni gaw, “Langai hte langai tinang a buga de wa ma su,” nga nna marawn jahtau ma ai.

2 HKAWHKAM 14:12

Yuda masha ni mahtang Israela masha ni a man e sum nna, langai hte langai tinang a sum nta de hprawng wa ma ai.

2 HKAWHKAM LABAU 13:17

Shing rai Abiya hte shi a masha ni gaw, shanhte law law hpe sat kau nna, lata la ai Israela masha sen manga si mat ma ai.

2 HKAWHKAM LABAU 25:22

Yuda masha ni mahtang Israela masha ni a man e sum wa nna, langai hte langai tinang a sum nta de hprawng wa ma ai.

SHAKAWN KUNGDAWN 78:9

Ndan shachyen nna gap chye ai Ehprim a kashu kasha ni, Hpyen shani hta e, hpang de kayin mat wa ma ai.

YEREMIA 7:12

“Shawng ningnan e nye a amying shanu ai, Shilo shara de sa nna, nye a amyu Israela shut hpyit ai a majaw, dai nye a shara hpe ngai kaning di kau ai gaw, mada yu mu.

JAW JAU 26:17

Nanhte hpe ngai maza nna, hpyen ni a man e jasum na made ai: nanhte hpe n dawng n yawt ai ni a byeng sha ai nanhte hkrum nna, kadai n shachyut timung hprawng na marin dai.

TARA JAHPRANG 28:15

“Bai, dai ni ngai nang hpe hkang da ai, na a Karai Kasang Yehowa hkang da ai ga hte matsun maroi nlang hte hpe hkan nang na, shi a nsen nang n madat n yang gaw, ndai dagam dala dingnye nlang hte gaw na ntsa e du nna nang kaw pru na ra ai.

TARA JAHPRANG 28:25

“Nang hpe hpyen ai ni a man e Yehowa gaw nang hpe jasum kau na ndai; lam langai sha hku nang shanhte hpang de htim sa wa ai rai timung, lam sanit hku shanhte a man na nang hprawng htaw lu na rin dai; shing rai, ga ntsa ting na mungdan shagu de nang htawt hprawng hkawm lu na rin dai.

1 SAMUELA 3:11

Shaloi Yehowa gaw Samuela hpe, “Yu u, ashi na mana ni yawng, ana maga lahkawng kachyeng hkra, Israela amyu hta amu lama mi ngai shapraw na we ai.

1 SAMUELA 4:2

Hpilisti masha ni hpyen hkyen la nna, Israela masha ni hpe gasat mu yang, Israela masha ni Hpilisti masha ni a man e sum nna, masha hpyen ni a lata hte marai hkying mali daram si mat ma ai.