1 SAMUELA 3:17 - Jinghpaw Hanson Version Bible

¹⁷ Bai Eli gaw, “Nang hpe hpa lam sun a ta? ngai e hkum ip da et; Karai Kasang nang hpe tsun matsun hta na lama ma ip da n yang gaw, shi tsun ai hta n-ga nang hpe di u ga,” ngu wu ai.

Jinghpaw Common Language Bible 2009

¹⁷ Eli mahtang, “Dai Madu nang hpe hpa lam tsun a ta? Ngai hpe tsun dan na hpa mung hkum ip da et. Shi tsun matsun nang ngai hpe n tsun dan ai rai yang, Karai Kasang nang hpe laja lana re ai ari jaw na ra ai,” ngu nna san wu ai.

1 SAMUELA 3:17 ပူးပေါင်းရင်းမြစ်များ

2 SAMUELA 14:18

Shaloi hkawhkam wa gaw htan nna, “Rai taw, ngai san ai lam hpe hkum ip shadang et,” ngu wu ai. Dai numsha mung, “Nye madu hkawhkam wa e, san rit,” ngu wu ai.

2 SAMUELA 19:13

Amasa hpe mung, Nang nye nra nye shan rai ndai n rai ni? Nang hpe nye a man e Yoab malai tut tut na jaubu n shatai de yang gaw, dai hta grau nna Karai Kasang ngai hpe deng u ga, nga ai, ngu nna mung, tsun mu, ngu nna htet dat wu ai.

2 SAMUELA 3:35

Jan garai n du yang, Dawi hpe, Shat sha ga nga, nga nna masha nlang sit sa shagwi mu timung, Dawi gaw, “Jan garai n shang yang shat n re ai shahpa lama mi sha a chyim we yang gaw, dai hta grau nna Karai Kasang ngai hpe deng ru ga,” ngu nna dagam wu ai.

2 SAMUELA 3:9

Yehowa gaw, Ndai mungdan hpe Shawlu a amyu na shaw la nhtawm, Dan mare kaw nna Berasheba mare du hkra ngu ai, Israela hta Yuda mung ting ntsa e, Dawi a tingnyang tawn da na, nga nna dagam ai hte maren,

1 HKAWHKAM 22:16

Hkawhkam wa mahtang gaw, “Yehowa a mying hte tengman ai ga hta kaga nang ngai hpe hpa mung n tsun ai gaw, nang hpe gade lang shadum na rai ta?” ngu nna shi hpe tsun wu ai.

2 HKAWHKAM 6:31

Shaloi hkawhkam wa gaw, “Shahpat a kasha Elisha a baw hpe ngai dai ni n htau kau lu yang, Karai Kasang ngai hpe grau nna ari jaw u ga,” nga ai.

SHAKAWN KUNGDAWN 141:5

Dinghpring ai wa gaw ngai hpe kayat u ga; dai gaw chyeju rai nga ai; Ngai hpe sharin ya u ga; dai gaw baw chya ai namman zawn rai nga ai; Nye a baw dai namman hpe n hkum kau u ga: Ngai wa masha ni a n hkru ai malai, akyu naw hpyi nga nngai.

YEREMIA 38:14

Dai hpang hkawhkam Zedekia gaw masha shangun nna, Yehowa nta gawk masum a kata de, Yeremia hpe shaga la nhtawm, hkawhkam wa gaw, Ngai nang hpe lam langai ngai san yu na nngai; hpa mung hkum makoi da et, ngu nna Yeremia hpe tsun wu ai.

YEREMIA 42:4

Shaloi myihtoi Yeremia gaw, Ngai na ni ai; nanhte hpyi ai hte maren, nanhte a Karai Kasang Yehowa kaw hpyi na nngai: Yehowa nanhte hpe htan mahtan hte maren, ngai nanhte hpe htawn tsun na nngai: hpa mung makoi da na n rai, ngu nna shanhte hpe tsun mu ai.

Daniela 4:19

Shaloi Belteshaza mying ai Daniela gaw, chyahkring mi mau mat nna, myit ung ang nga ai. Hkawhkam wa chyawm gaw, “Belteshaza e, yup mang hte de a lachyum majaw, myit hkum ung ang et,” ngu wu ai. Belteshaza mung, “Nye a madu e, yup mang gaw nang hpe n dawng n yawt ai ni, ga lachyum gaw nang hpe hpyen ai ni ntsa e du u ga.

MIHKA 2:7

Ataw, Yaku a dap e, Yehowa a Wenyi ban shadang kau ai hkrum a ni? ndai amu gaw shi a amu rai nga a ni? Nye a mungga gaw, malang ai lam hkan ai wa a matu, mai kaja nga ai, n rai ni?

BU HKAWM 23:17

Shi bai wa yang, Balak gaw shi nawng ai wan nat hkungga makau e tsap nga nna, Moba du gyi ni mung shi hte rau nga nga mala ai. Shaloi Balak gaw Yehowa kaning nga tsun a ta? ngu nna hkap san wu ai.

MAHTE 26:63

Yesu mahtang atsin sha nga nga ai. Bai, hkinjawng agyi wa gaw, “Karai Kasang a Kasha, ngu ai Hkristu gaw, nang rai nga ndai kun, anhte hpe tsun dan n ga, ngu nna ahkrung nga ai Karai Kasang hta ngai nang hpe dagam da de ai,” ngu nna shi hpe tsun wu ai.

RUHTA 1:17

nang si ai shara e ngai si nna, dai yang e makoi mayang hkam na nngai; si nna sha n rai yang gaw, kaga lam majaw nang hta ngai ahka sayang gaw, dai hta grau Yehowa ngai hpe deng n ga,” ngu nna bai tsun wu ai.

1 SAMUELA 14:44

Shawlu chyawm gaw, “Yonahtan e, nang teng teng n si lu ai nga yang gaw, Karai Kasang dai hta grau ngai hpe di nu ga,” ngu wu ai.

1 SAMUELA 20:13

Dai n rai, nye wa nang hpe n hkru ai hku maw ai lam, ngai nang hpe n shana, ngwipyaw ai hte nang hkawm wa lu hkra, nang hpe n dat dat de yang gaw, Yehowa Yonahtan hpe dai hta grau nna dawp u ga: Yehowa nye wa hta nga nga yu sai hte maren, nang hta mung nga nga u ga law.

1 SAMUELA 25:22

Hpawt de nhtoi htoi jang, shi hte seng ai nlang hta na, lasha ma langai mi she ngam da ai nga sayang gaw, dai hta grau nna, Dawi a hpyen ni hpe Karai Kasang di mu ga,” ngu nan shaka kau mu ai.

1 SAMUELA 3:16

Shaloi Eli gaw, “Ngai sha, Samuela e,” ngu nna Samuela hpe shaga wu yang, shi gaw, “Nga nga nngai,” ngu nna htan wu ai.