1 SAMUELA 28:2 - Jinghpaw Hanson Version Bible

² Dawi mung, “Rai sa, na mayam wa hpa galaw lu na gaw, nang chye lu na rin dai,” ngu nna Ahkisha hpe htan wu ai. Bai Ahkisha gaw, “Dai rai yang, nang hpe tutnawng na nye a asak sin ai bu shatai na de ai,” ngu nna Dawi hpe tsun wu ai.

Jinghpaw Common Language Bible 2009

² Dawi gaw, “Mai sa, teng teng rai na nngai. Ngai gaw na a shangun ma wa rai nga nngai hte maren, nang hkum a matu ngai hpa galaw ya lu na lam, nang mu lu na rai ndai,” ngu nna htan wu ai. Ahkisha mung, “Mai sa! Ngai mung nang hpe tut nawng na nye a asak sin ya ai du shatai na de ai,” ngu nna tsun wu ai.

1 SAMUELA 28:2 ပူးပေါင်းရင်းမြစ်များ

ROMA 12:9

Tsawra ai myit hta sawt ai n lawm u ga; n hkru n hkra ai hpe matsat nga mu, mai kaja ai hta manoi nga mu.

1 SAMUELA 27:10

Shaloi Ahkisha gaw, “Dai ni nanhte kadai hpe sa gasat myit ta?” ngu nna san wu yang, Dawi gaw, “Yuda mung Dingda, Yeramela mung Dingda, Keni mung Dingda maga hkan e sa gasat ga ai,” ngu nna htan mu ai.

1 SAMUELA 1:22

Hana chyawm gaw, madu wa hpe, “Ma chyu garai n hka yang, ngai n lung na nngai; chyu hka jang she, Yehowa man e prat tup anga nga na matu sa da ai hte hpawn, woi lung na nngai,” nga nna nta e anga nga ai.

1 SAMUELA 1:28

dai re ai majaw, ngai shi hpe Yehowa e jaw da ni ai; shi hpe si ai nhtoi du hkra Yehowa a matu jaw da ai rai sai,” nga nna tsun ngut jang, dai yang e Yehowa hpe nawku ma ai.

1 SAMUELA 29:2

Ya Hpilisti du ni gaw latsa dap, hkying dap lai sa wa nna, Dawi hte shi a masha ni mung hpang na dap hta Ahkisha hte rau hkan nang ma ai.