1 SAMUELA 27:8 - Jinghpaw Hanson Version Bible

⁸ Shaloi Dawi hte shi a masha ni gaw, Geshuri, Gerazi hte Amalek masha ni hpe sa hpya ma ai: kaning rai nme law, dai amyu ni gaw, moi nna Shura de sa ai lam dingdung, Egutu mung htep anga nga ai ni rai nga ma ai.

Jinghpaw Common Language Bible 2009

⁸ Dai laman hte hta, Dawi hte shi a masha ni gaw dai ginwang ni hta moi kaw nna nga nga ai Geshuri, Girazi, hte Amalek masha ni hpe sa gasat mu ai. Shi gaw shanhte a lamu ga hpe Egutu mung de yu wa ai Shura mare de du hkra shang gasat la nhtawm,

1 SAMUELA 27:8 ပူးပေါင်းရင်းမြစ်များ

2 SAMUELA 14:23

Dai re ai majaw Yoab rawt nna, Geshura mare de sa wa nhtawm, Absalom hpe Yerusalem mare de woi la wu ai.

2 SAMUELA 14:32

Absalom gaw, “Yu u, Ngai gaw Geshura mare na hpa majaw wa a ta? dai yang ya du hkra nga yang grau mai ai, ngu nna hkawhkam wa kaw sa tsun shangun na ngai nang hpe shaga de ai: ya mung hkawhkam wa a myi man ngai hpe mu shangun e; ngai hta mara nga yang mung shi ngai e sat kau ru ga,” ngu nna Yoab hpe htan wu ai.

2 SAMUELA 15:8

Dai rai nna Yehowa hpe ngai shaka da se ai hte maren, Hebron mare de wa nna ga shaka rap wa raw na ahkang jaw dat e,” ngu nna hpyi wu ai.

2 SAMUELA 3:22

Dai shaloi Yoab hte Dawi a masha ni gaw, masha hpyen daw wa hpe hkan shachyut ai kaw na nhtang wa ma ai rai nna, lanep law law magawn wa ma ai: Abna chyawm gaw Hebron mare e Dawi kaw n nga sai; Dawi shi hpe dat dat nu ai rai nna, shi gaw apyaw sha bai pru wa sai.

2 SAMUELA 3:3

La N Naw ngu na gaw, Hkarmela shara na Nabala gaida jan Abigela kaw na Hkilab rai nga ai; La N-la ngu na, Geshura hkawhkam Talamai a shayi sha Mahka kaw na Absalom rai nga ai:

2 SAMUELA 8:12

dai hte maren, shi dang kau lu ai, Suri, Moba, Ammon a kashu kasha ni mung, Hpilisti hte Amalek mung hkan na lu la ai lanep ja gumhpraw mung, Rehoba a kasha, Zoba a hkawhkam Hadaeza kaw na mung, kashun la lu ai lanep ja gumhpraw ni hpe mung, Yehowa kaw nawng kau wu ai.

1 HKAWHKAM LABAU 2:23

Bai Geshura yan Aram gaw Kenat hte hpawn, Ya-ira mare ni hte kahtawng kru shi kashun la mu ai. Dai hte yawng gaw Gilead kawa a Mahkira a kashu kasha ni rai ma ai.

PRU MAT 15:22

Ya Mawshe gaw Israela amyu hpe dai nawng hkyeng na woi pru wa nna, Shura nam mali de shang wa ma ai: shanhte gaw dai nam mali hta masum ya sat hkawm wa ma timung hka n mu lu ma ai.

PRU MAT 17:8

Dai shaloi Amalek masha ni sa pru nna, Rehpidim e, Israela amyu hpe sa gasat ma ai.

BU HKAWM 13:29

Amalek masha ni gaw dingda maga de; Hiti, Yebusi, Amori masha ni gaw bum ga hkan e; Hkanani masha ni gaw nammukdara makau hte Yawdan hkan kau hkan e nga nga ma ai,” ngu nna tsun dan mu ai.

BU HKAWM 14:45

Shaloi bum ga de nga ai Amalek masha ni hte Hkanani masha ni pru sa nna, shanhte hpe gasat dang kau ai hte Horma mare du hkra hkan shachyut mu ai.

YAWSHU 12:5

dai wa a mungdan gaw, Hermon bum hte Saleka kaw nna, Bashan mung ting, Geshuri hte Mahkahti masha ni a lamu ga jarit du ai, Heshbon hkawhkam Sihon a lamu ga jarit tai ai Gilead mung chyen mi lawm hkra rai nga lu ai.

YAWSHU 13:13

Rai timung, Israela kashu kasha ni gaw, Geshuri hte mahkahti masha ni hpe shachyut kau mu ai n rai: Geshuri hte Mahkahti masha ni, dai ni du hkra Israela masha ni hta nga nga ma ai.

YAWSHU 13:2

Naw nga ai mung hte gaw: Hpilisti hte Geshuri ginwang ting ngu ai,

YAWSHU 16:10

Gezera e nga ai Hkanani masha ni hpe shanhte n shachyut kau mu ai majaw, Hkanani masha ni Ehprim a lamu ga hta dai ni du hkra nga nga nna shabrai sha ai nchyang tai ma ai.

TARA AGYI 1:29

Dai zawn Ehprim masha ni mung Gezera mare na Hkanani masha ni hpe n shachyut kau mu ai rai nna, Hkanani masha ni gaw Gezera mare hta shanhte hte rau nga nga ma ai.

1 SAMUELA 29:6

Shaloi Ahkisha gaw Dawi hpe shaga nna, “Yehowa ahkrung nga ai hte maren, dingman ai hku nang galaw nit dai; ngai hte rau hpyen majan bungli lawm ai amu hta, ngai nang hpe myit du sade ai; nang ngai kaw du ai shani kaw nna ya du hkra nang hta hpa mara mung ngai n mu se ai: rai timung, du agyi ni mahtang nang hpe n ra ma ai.

1 SAMUELA 30:1

Ya masum ya lai nna, Dawi hte shi a masha ni gaw Zekla mare de du wa yu yang, Amalek masha ni gaw, Dingda mung hte Zekla mare hpe gasat nna, Zekla mare hpe hpya la nhtawm nat kau da manu ai: