1 SAMUELA 27:2 - Jinghpaw Hanson Version Bible

² Shaloi Dawi hte shi kaw hkan nang ai masha kru tsa hte gaw rawt nna, Gat hkawhkam Mohka a kasha Ahkisha hpang de rap mat wa ma ai.

Jinghpaw Common Language Bible 2009

² Shaloi Dawi hte shi kaw hkan nang ai masha kru tsa hte gaw kalang lata rawt nna Mohka a kasha Gat Hkawhkam Ahkisha hpang de rap sa mat wa ma ai.

1 SAMUELA 27:2 ပူးပေါင်းရင်းမြစ်များ

1 HKAWHKAM LABAU 12:1

Dawi gaw Kisha a kasha Shawlu hpe hprawng makoi nna, Zikla mare e naw nga nga yang, shi kaw sa shingbyi ai ni gaw da ndai hte rai ma ai: shanhte gaw hpyen majan hta shi hpe karum ai nden ja ai share ni rai nga ma ai.

1 SAMUELA 21:10

Shaloi Dawi rawt nna, Shawlu hpe hkrit ai majaw, dai shani e Gat a hkawhkam Ahkisha hpang de hprawng sa wa ai.

1 SAMUELA 21:11

Shaloi Ahkisha a shangun ma ni gaw, “Ndai Dawi she, Israela hkawhkam rai nga ai, n rai ni? Shawlu sat ai gaw hkying, Dawi sat ai gaw, mun ging, nga nna ka let mahkawn ai gaw, ndai wa hpe n rai ni?” Ngu nna tsun dan mu ai.

1 SAMUELA 25:13

Dawi chyawm gaw, “Nhtu la hpye mu,” ngu nna shi ma ni hpe tsun jang, yawng mayawng tinang a nhtu hpye mu ai: Dawi mung shi a nhtu hpye wu ai: shing rai, marai mali tsa daram Dawi kaw hkan ma ai; ni tsa gaw arai sin nga ma ai.

1 SAMUELA 30:8

Shaloi Dawi gaw, Yehowa hpe, “Ngai dai hpyen laba ni hpe hkan shachyut yang, dep lu na kun?” Ngu nna san wu ai: Yehowa gaw, “Hkan shachyut u; nang shanhte hpe gaja wa teng teng dep lu na rin dai; gaja wa teng teng arai yawng bai lu la na rin dai,” ngu nna shi e htan wu ai.

1 SAMUELA 30:9

Dai rai nna Dawi hte rau nga ai masha kru tsa sa wa nna, Besora hka shi du jang, kau mi gaw dai hka kau e hti nga mat ma ai.