1 SAMUELA 26:9 - Jinghpaw Hanson Version Bible

⁹ Dawi chyawm gaw, “Shi hpe hkum hkra et; Yehowa a namman jaw hkam ai wa hpe kadai wa mi ra n rawng ai hkra lu na rai ta?” ngu nna Abishai hpe daru wu ai.

Jinghpaw Common Language Bible 2009

⁹ Rai ti mung, Dawi mahtang, “Shi hpe machyi shangun lu na n rai! Shi lata san da sai hkawhkam wa hpe machyi shangun ai wa hpe dai Madu teng teng ari jaw na rai wu ai.

1 SAMUELA 26:9 ပူးပေါင်းရင်းမြစ်များ

2 SAMUELA 1:14

Bai Dawi gaw, “Yehowa a namman jaw hkam ai wa hpe sat lu na gaw, na a lata kaning rai dawn gwi a ta?” ngu nna tsun let,

2 SAMUELA 1:16

Dawi mung, “na a sai gaw na a baw ntsa e she nga u ga; kaning rai nme law, ‘Yehowa a ahkang hte namman jaw hkam ai wa hpe ngai sat kau se ai,’ nga nna na a n-gup nan sakse hkam salit dai,” ngu nna tsun wu ai.

2 SAMUELA 19:22

Dawi chyawm gaw, Zeruia kasha ni e, Dai ni nanhte ngai hpe hpyen na gaw, ngai hte hpa seng a ta? Dai ni Israela masha langai ngai si yang she mai a ni? Dai ni ngai Israela hkawhkam rai nga nngai gaw, ngai chye nga ai, n rai ni? Dai ni ngai Israela hkawhkam rai nga nngai gaw, ngai chye nga ai, n rai ni? ngu nna daru kau nhtawm,

SHAKAWN KUNGDAWN 105:15

“Nye a namman chya hkam ai ni hpe hkum hkra myit, Nye a myihtoi ni hpe hkum shatsang myit,” nga nna shi tsun nga ai.

SHAKAWN KUNGDAWN 17:4

Masha a amu, na a n-gup ga hte nhtan shai nga ai, Ngai chyawm gaw, n hkru ai ni a lam hpe koi nga nngai.

SHAKAWN KUNGDAWN 57:1

Karai Kasang e, ngai hpe matsan dum la e. Nye a myit masin nang hta shingbyi nga ai majaw, ngai hpe matsan dum la e. Dai jahten shabyak ai amu lai mat wa hkra, Na a singkaw a shingnip hta ngai shawung nga na nngai.

SHAKAWN KUNGDAWN 7:4

Ngai hte hku ai wa hpe n kaja ai lam bai tai nna, Ngai hpe gumlau ai wa hpe pyi, pagawn di taw gaw:

1 SAMUELA 10:1

Shaloi Samuela gaw, namman tauba la nna, Shawlu a baw e jaw bun nhtawm shi hpe pup nna, “Yehowa gaw, shi a Sali amyu a du tai na matu, nang hpe namman chya ya nit dai, n rai ni?

1 SAMUELA 12:3

Ya ngai nang rai nga nngai: gade a dumsu ngai kashun la yu a ta? gade a lawze kashun la yu a ta? kadai hpe maw sha yu a ta? kadai hpe zingri zingrat yu a ta? tinang a myi magap na matu, kadai kaw na manawn kumhpa hkap la yu a ta? Yehowa hte shi a namman chya ai wa a man e nye a lam sakse hkam yu mu; gade a rai kashun la ai rai yang bai wa made ga,” ngu nna tsun mu ai.

1 SAMUELA 26:8

Shaloi Abishai gaw, “Karai Kasang gaw, na a hpyen wa hpe na a lata hta dai ni ap ya ra ai: dai rai nna, aga de hkrang hkra ari hte kalang ta sha ngai shi hpe galun htinggrang kau we ga; lahkawng lang pyi, n kahtap na nngai,” ngu nna Dawi hpe hpyi wu ai.