1 SAMUELA 26:23 - Jinghpaw Hanson Version Bible

²³ Dai ni Yehowa nang hpe nye a lata hta ap kau nit dai rai timung, shi a namman chya hkam ai wa hpe ngai n hkra nngai; Yehowa gaw kadai hpe rai timung, tinang a dinghpring ai hte kangka ai hta hkan nna, akyu htang jaw na ra ai.

Jinghpaw Common Language Bible 2009

²³ Dai Madu gaw kangka ai hte ding hpring ai ni hpe kumhpa jaw ya nga ai. Dai ni shi gaw nang hpe nye a lata hta ap ya ni ai; rai ti mung dai Madu hkawhkam shatai da sai nang hpe chyawm gaw ngai n machyi hkra kau shangun na nngai.

1 SAMUELA 26:23 ပူးပေါင်းရင်းမြစ်များ

2 SAMUELA 22:21

Nye a dinghpring ai hte maren, Yehowa ngai e akyu jaw nna, Nye a lata san seng ai hte bai htang ya ni ai.

2 SAMUELA 22:25

Dai re ai majaw Yehowa nye a dinghpring ai hte, Shi a man e ngai san seng nga ai hte maren, Ngai e chyeju htang jaw ni ai.

1 HKAWHKAM 8:32

nang gaw sumsing lamu hta e madat mara la nna, na a mayam ni hpe tara dara ya mu: shut ai wa hpe mara hte maren shi a baw ntsa e tai u; dinghpring ai wa hpe dat dat nna, shi dinghpring ai hte maren akyu jaw u law.”

NEHEMIA 13:14

Nye a Karai Kasang e, dai amu majaw ngai hpe dum e; nye a Karai Kasang a nta matu mung, dai hte seng ai daw jau ai amu matu mung, ngai galaw ai mai kaja ai amu hpe hkum shaprai kau ya e.

YOBA 34:11

Masha galaw ai hte maren, shi matai htang na ra ai; tinang lam hte maren, hkrum sha shangun na ra ai.

SHAKAWN KUNGDAWN 62:12

Madu e, nang kaw nna chyeju pru nga ai: Kaning rai nme law, tinang galaw ai hte maren, Nang langai hte langai hpe bai htang na ndai.

1 SAMUELA 24:11

Dai hta n-ga, nye wa e; nye a lata na, ndai na a palawng daw hpe mada yu u; ngai nang hpe n sat ai sha, na palawng daw sha gadoi dut la nngai majaw, nye lata hta yubak mara n nga li ai, tawt lai ai shara n rawng li ai gaw, dum chye nga u; nang ngai hpe sat na nga hkan gyam nga timung, ngai nang hpe hpa n shut nngai.

1 SAMUELA 24:12

Nang hte nye a lapran e Yehowa jeyang mi ga; ngai e shut ai mara matai gaw Yehowa htang jaw nit ga: rai timung nye a lata chyawm gaw, nang kaw n du li ga.

1 SAMUELA 24:18

Nang ngai hpe kaja ai lam, kaning rai galaw ai gaw, dai ni nang madun nit dai: kaning rai nme law, Yehowa ngai hpe na a lata hta ap ti pyi, nang ngai e n sat a hka.

1 SAMUELA 24:19

Masha wa mi tinang hpyen hte katut sayang, apyaw sha adat dat lu a ni? Dai rai nna, dai ni ngai hta nang madun ai chyeju gaw Yehowa htang ya nit ga law.

1 SAMUELA 26:11

Yehowa a namman jaw hkam ai wa hpe, ngai lata n du hkra, Yehowa hkum kau n ga law: ya chyawm gaw, shi a baw nhpang na ri hte ntsin namtau hpe, la wa ga,” nga nna tsun let,

1 SAMUELA 26:22

Bai Dawi gaw, “Hkawhkam a ari nang rai nga ai; ma langai mi hpe sa la shangun u.

1 SAMUELA 26:9

Dawi chyawm gaw, “Shi hpe hkum hkra et; Yehowa a namman jaw hkam ai wa hpe kadai wa mi ra n rawng ai hkra lu na rai ta?” ngu nna Abishai hpe daru wu ai.