1 SAMUELA 26:16 - Jinghpaw Hanson Version Bible

¹⁶ Nang galaw ai lam n sun nit dai: Yehowa a namman jaw hkam ai wa, nanhte a madu hpe n sin myit dai majaw, Yehowa hkrung nga ai hte maren, nanhte gaw si ging myit dai law. Hkawhkam baw nhpang na ri hte ntsin namtau, kanang nga ai gaw ya yu mu,” ngu nna jahtau wu ai.

Jinghpaw Common Language Bible 2009

¹⁶ Abna e, na a lit hprai kau nga nit dai! Dai Madu hkawhkam shatai da sai na a madu hpe nang atsawm sha n makawp n maga nga ndai majaw, nanhte yawng si ging nga manit dai, ngu ahkrung nga ai dai Madu hta ngai dagam da se ai. Yu mu! Hkawhkam wa a nri kanang e rai nga sata? Shi a baw nhtung makau e tawn da ai ntsin namtau kanang e rai nga sata?,” ngu nna htan wu ai.

1 SAMUELA 26:16 ပူးပေါင်းရင်းမြစ်များ

2 SAMUELA 12:5

Shaloi Dawi gaw dai sahti wa hpe masin grai pawt nna, “Yehowa ahkrung nga ai hte maren, shing rai galaw ai wa gaw, si ging ai wa rai nga ai;

2 SAMUELA 19:28

Nye amyu matu ni nlang nang madu hkawhkam a man e chyasi hkrai rai ga timung, na a sha ku e lu sha ai ni hte rau, na a mayam hpe shara yen ya nit dai. Dai rai nna, hkawhkam wa kaw ngai aput shara hpa naw nga sata? ngu nna htan wu ai.

1 HKAWHKAM 2:26

Bai hkawhkam wa gaw hkinjawng Abiahta hpe, “Na a buga Anahtut mare de bai wa su; nang si ging ai wa rai nga ndai: rai timung nang gaw nye wa Dawi a man e Madu Yehowa a sumpu hpai ndai hte, nye wa hkrum sha ai yawng hte hta nang mung sha ndai majaw, dai ni ngai nang hpe sat mayu de ai n rai,” ngu nna tsun dan ai ga dat wu ai.

SHAKAWN KUNGDAWN 102:20

Bawng dung ai ni a madai ai hpe shi madat nga ai, Si na wa a matu shi chyinghka hpaw ya nga ai.

SHAKAWN KUNGDAWN 79:11

Bawng dung ai ni a madai ai gaw nang kaw hkrang shang u ga: Na a galu kaba ai lahpum hte, si ang ai ma ni hpe bau sin u.

EHPESU 2:3

Anhte nlang hte mung shanhte hte rau shawng e kanawn nga nna, anhte a hkum shan a marin marit ai lam hkan let, hkum shan hte kraw lawang na myit mang ai hku hkan galaw ga yang, shanhte gale hte maren pawt sindawng ging ai kashu kasha ni majing rai nga ga ai.

1 SAMUELA 20:31

Yese a kasha hkrung nga dingsa, nang hte na a mungdan grin lu na n rai. Ya alawan shangun nna shaga la su; shi teng teng si lu na re ai,” ngu wu ai.

1 SAMUELA 24:6

“Yehowa a namman jaw hkam ai nye a Madu gaw, Yehowa a hkang hte namman jaw hkam ai wa rai nga ai majaw, dai nye a Madu hpe shing di na gaw, nye a lata e Yehowa hkum kau ya n ga,” ngu nna shi a masha ni hpe tsun wu ai.

1 SAMUELA 26:11

Yehowa a namman jaw hkam ai wa hpe, ngai lata n du hkra, Yehowa hkum kau n ga law: ya chyawm gaw, shi a baw nhpang na ri hte ntsin namtau hpe, la wa ga,” nga nna tsun let,

1 SAMUELA 26:15

Shaloi Dawi Abna hpe, “Nang share la n rai n ni e? Israela amyu ni hta nang zawn re ai kadai nga a ta e? Dai rai yang, Na madu hkawhkam wa hpe hpa rai n sin n ta e? Na madu hkawhkam wa hpe sat na nga, masha langai mi shang wa sai law.

1 SAMUELA 26:9

Dawi chyawm gaw, “Shi hpe hkum hkra et; Yehowa a namman jaw hkam ai wa hpe kadai wa mi ra n rawng ai hkra lu na rai ta?” ngu nna Abishai hpe daru wu ai.