1 SAMUELA 26:12 - Jinghpaw Hanson Version Bible

¹² Dawi gaw Shawlu a baw nhpang na ri hte ntsin namtau hpe la nna, shan lahkawng wa ma ai: kadai mung n mu n na dat mu ai; kadai sha mung n dum ma ai: kaning rai nme law, Yehowa gaw shanhte hpe yup kaba hte shayup mu ai majaw, shanhte nlang yup a nga ma ai.

Jinghpaw Common Language Bible 2009

¹² Dai rai nna Dawi gaw Shawlu a baw nhtung makau e tawn da ai nri hte ntsin namtau hpe sha la nna shi hte Abishai bai pru mat wa ma ai. Langai mi mung shing re ai lam hpe n mu kau dat ma ai; hpa byin mat wa ai lam hpe mung n chye kau dat ma ai. Kadai sha pyi n hprang nga ma ai. Dai Madu mahtang shanhte hpe yup kaba hte shayup kau ma ai majaw, shanhte yawng angwi apyaw hte yup taw nga ma ai.

1 SAMUELA 26:12 ပူးပေါင်းရင်းမြစ်များ

NINGPAWT NINGHPANG 15:12

Jan du wa jang, Abram hta yup kaba du ai rai nna, ja ja htat ai nsin hta hkrit gari mat ai hkrum wu ai.

NINGPAWT NINGHPANG 2:21

Dai majaw Yehowa Karai Kasang gaw dai masha wa hpe yup kaba hte shayup wu ai rai nna, shi gaw yup pyaw nga ai; shaloi shi a garep nra langai mi shaw la nna dai shara hta ashan hte shatup ya wu ai.

ESHTA 6:1

Dai shana e hkawhkam wa gaw n yup lu nna, jahpan labau laika ni hpe shapraw na, hkawhkam wa hkang da ai hte, dai laika ni hpe shi a man e hti dan mu ai.

ESAIA 29:10

Kaning rai nme law, Yehowa gaw, nanhte hpe yup shamwi ai hte, myi di shangun nga ai: myihtoi ni hte nanhte a baw ngu ai, shingran mu ai ni a myi hpe, shi magap da wu ai.

1 SAMUELA 24:4

Shaloi Dawi a masha ni gaw, “Yu u, Yehowa nang hpe tsun ai, Na a hpyen wa hpe na a lata hta ngai ap ya na de ai; shi hta nang hpa di mayu yang di lu na rin dai, nga ai nhtoi ya du ra ai,” ngu nna shi hpe tsun mu yang, Dawi rawt nna, Shawlu hpun nga ai palawng nshang daw hpe, atsin sha gadoi dut la ya wu ai.

1 SAMUELA 26:13

Shaloi Dawi hkaraw wora hkran de rap nhtawm, tsawmra gang ai bum pungding e tsap da nna,

1 SAMUELA 26:7

Shing rai Dawi yan Abishai gaw dai dap de shana e sa wa ma ai: shaloi, yu u, Shawlu gaw, leng dap a ka-ang e yup nga nna, shi a ri gaw baw nhtung e ga hta jung da wu ai: Abna hte shi a masha ni gaw grup yin e yup nga ma ai.