1 SAMUELA 26:11 - Jinghpaw Hanson Version Bible

¹¹ Yehowa a namman jaw hkam ai wa hpe, ngai lata n du hkra, Yehowa hkum kau n ga law: ya chyawm gaw, shi a baw nhpang na ri hte ntsin namtau hpe, la wa ga,” nga nna tsun let,

Jinghpaw Common Language Bible 2009

¹¹ Dai Madu nan hkawhkam shatai da sai wa hpe machyi shangun na matu ngai myit nga tim, dai Madu hkum kau ya nga ai. Sa, shi a nri hte ntsin namtau hpe chyawm gaw la mat wa ya ga,” ngu nna tsun wu ai.

1 SAMUELA 26:11 ပူးပေါင်းရင်းမြစ်များ

2 SAMUELA 1:14

Bai Dawi gaw, “Yehowa a namman jaw hkam ai wa hpe sat lu na gaw, na a lata kaning rai dawn gwi a ta?” ngu nna tsun let,

2 SAMUELA 1:16

Dawi mung, “na a sai gaw na a baw ntsa e she nga u ga; kaning rai nme law, ‘Yehowa a ahkang hte namman jaw hkam ai wa hpe ngai sat kau se ai,’ nga nna na a n-gup nan sakse hkam salit dai,” ngu nna tsun wu ai.

2 SAMUELA 19:22

Dawi chyawm gaw, Zeruia kasha ni e, Dai ni nanhte ngai hpe hpyen na gaw, ngai hte hpa seng a ta? Dai ni Israela masha langai ngai si yang she mai a ni? Dai ni ngai Israela hkawhkam rai nga nngai gaw, ngai chye nga ai, n rai ni? Dai ni ngai Israela hkawhkam rai nga nngai gaw, ngai chye nga ai, n rai ni? ngu nna daru kau nhtawm,

SHAKAWN KUNGDAWN 17:4

Masha a amu, na a n-gup ga hte nhtan shai nga ai, Ngai chyawm gaw, n hkru ai ni a lam hpe koi nga nngai.

ROMA 12:17

N kaja ai a majaw, n kaja ai hku kadai hpe mung hkum tai mu, Masha yawng mayawng a man e htaphtuk ai ningli madun na, myit yu nga mu.

ROMA 12:19

Tsawra ai ni e, tinang nan matai hkum htang mu; Karai Kasang a pawt sindawng na hpe ala nga mu: kaning rai nme law, dai Madu tsun ai gaw, Matai htang na ahkang ngai chyu lu nngai, ngai tai na we ai, nga nna ka da nga ai.

1 PETRU 3:9

n hkru ai a matu n hkru ai bai n tai na hte, roi rip ai a matu roi rip ai bai n tai ai sha, shaman ya na mahtang gaw, a daw nga mu; kaning rai nme law, shaman ya da sai sali wunli hpe hkam la lu myit ga, nanhte hpe shaga da manit dai.

1 SAMUELA 12:3

Ya ngai nang rai nga nngai: gade a dumsu ngai kashun la yu a ta? gade a lawze kashun la yu a ta? kadai hpe maw sha yu a ta? kadai hpe zingri zingrat yu a ta? tinang a myi magap na matu, kadai kaw na manawn kumhpa hkap la yu a ta? Yehowa hte shi a namman chya ai wa a man e nye a lam sakse hkam yu mu; gade a rai kashun la ai rai yang bai wa made ga,” ngu nna tsun mu ai.

1 SAMUELA 24:12

Nang hte nye a lapran e Yehowa jeyang mi ga; ngai e shut ai mara matai gaw Yehowa htang jaw nit ga: rai timung nye a lata chyawm gaw, nang kaw n du li ga.

1 SAMUELA 24:4

Shaloi Dawi a masha ni gaw, “Yu u, Yehowa nang hpe tsun ai, Na a hpyen wa hpe na a lata hta ngai ap ya na de ai; shi hta nang hpa di mayu yang di lu na rin dai, nga ai nhtoi ya du ra ai,” ngu nna shi hpe tsun mu yang, Dawi rawt nna, Shawlu hpun nga ai palawng nshang daw hpe, atsin sha gadoi dut la ya wu ai.

1 SAMUELA 24:6

“Yehowa a namman jaw hkam ai nye a Madu gaw, Yehowa a hkang hte namman jaw hkam ai wa rai nga ai majaw, dai nye a Madu hpe shing di na gaw, nye a lata e Yehowa hkum kau ya n ga,” ngu nna shi a masha ni hpe tsun wu ai.