1 SAMUELA 26:10 - Jinghpaw Hanson Version Bible

¹⁰ Bai Dawi gaw, “Yehowa ahkrung nga ai hte maren, Yehowa shi hpe sat kau na wu ai; shing n rai, shi a si ten du na ra ai; shing n rai, majan hta sa sum si na ra ai.

Jinghpaw Common Language Bible 2009

¹⁰ Dawi gaw, “Dai Madu ahkrung nga ai hte maren, dai Madu nan Shawlu hpe sat kau na ra ai; shing n rai shi a aten du jang, shingra htung hte maren si na ra ai, shing n rai, majan hta si mat na ra ai.

1 SAMUELA 26:10 ပူးပေါင်းရင်းမြစ်များ

NINGPAWT NINGHPANG 47:29

Ya Israela a si wa na nhtoi du magang salu ai rai nna shi a kasha Yawsep hpe shaga nhtawm, Na a man e ngai myi man pa ni ai rai yang gaw, na a lata nye a magyi npu e shawn bang u; chyeju hte sadi sahka lam ngai hpe madun nna, Egutu mung e ngai hpe hkum lup makoi et:

YOBA 14:14

Masha gaw si wa sayang, bai hkrung rawt lu na kun? dai rai yang, ngai galai mat ai aten du hkra, ngai hpyen gasat ang ai nhtoi tup, ala nga na nngai.

YOBA 14:5

Masha a nhtoi ni ladaw da ya nna, shi nga lu ai shata ni hpe nang hti matsing da ai hte, shi n lai lu ai aten nang san da ndai majaw,

YOBA 7:1

Shinggyim masha gaw, ga ntsa e hpyen gasat hkrai hkrum nga ai, n rai ni? Shi a nhtoi ni gaw nchyang wa a nhtoi zawn rai nga ai, n rai ni?

SHAKAWN KUNGDAWN 37:10

Gade n na yang, tara n lang ai wa nga nga lu na n rai, Shi shanu ai shara e tam yu yang, shi n nga ai.

SHAKAWN KUNGDAWN 37:13

Shi a nhtoi du na ra ai, dai Madu chye nga nna, shi hpe mani kau da wu ai.

SHAKAWN KUNGDAWN 94:23

Shi gaw shanhte a mara hpe, bai nhtang ya na mu ai, Yubak majaw shanhte hpe jahtum kau na mu ai: Anhte a Karai Kasang Yehowa, shanhte hpe jahtum kau na mu ai law.

HPAJI NINGLI 3:2

shangai ai aten hte si wa na aten mung nga ai; gat hkai ai aten hte gat hkai ai hpe baw kau na aten mung nga ai;

LUKA 18:7

Karai Kasang gaw matsan dum lama nga ai rai nna, shi hpe shani shana hpyi jahtau nga ai, shi a lata la ai ni a hpang maga de, tara n dara ya ai, nga na wu ni?

ROMA 12:19

Tsawra ai ni e, tinang nan matai hkum htang mu; Karai Kasang a pawt sindawng na hpe ala nga mu: kaning rai nme law, dai Madu tsun ai gaw, Matai htang na ahkang ngai chyu lu nngai, ngai tai na we ai, nga nna ka da nga ai.

TARA JAHPRANG 31:14

Bai, Yehowa Mawshe hpe tsun wu ai gaw, “Nang si na nhtoi du magang ra ai: Yawshu hpe shaga la su; ngai shi hpe hkang da we ga, shawa sum de pru sa marit,” ngu wu ai. Dai rai nna Mawshe yan Yawshu pru sa nna shawa sum de sa nga ma ai.

TARA JAHPRANG 32:35

Matai htang na ahkang ngai lu da we ai; Shanhte a lagaw kashawt ai shani e, ngai tai na we ai: Kyin dut hkrum na nhtoi shanhte kaw du magang ra ai, Shanhte hkrum na ari gaw du lawan ra ai.

HEBRE 10:30

Kaning rai nme law, “Matai htang na ahkang ngai lu nngai, ngai tai na we ai, nga nna mung, Dai Madu gaw shi a amyu masha ni hpe tara dara na ra ai,” nga nna mung, tsun ai wa hpe, anhte chye nga ga ai.

HEBRE 9:27

Shinggyim masha ni mung, lang mi sha si wa nna, dai hpang e dawdan hkrum na ra ai zawn,

SHINGRAN 18:8

Dai re ai majaw, shi hkrum na ra ai ari zinli ngu ai, si hkrung si htan, sharung shayawt ai hte hku hku ai gaw, lani jan sha du nna, wan hte krawp hkra nat kau ai hkrum na ra ai: kaning rai nme law, shi hpe dawdan ai Madu Karai Kasang gaw, n-gun atsam kaba rawng nga ai.”

1 SAMUELA 24:12

Nang hte nye a lapran e Yehowa jeyang mi ga; ngai e shut ai mara matai gaw Yehowa htang jaw nit ga: rai timung nye a lata chyawm gaw, nang kaw n du li ga.

1 SAMUELA 24:15

Dai re ai majaw Yehowa she tara agyi tai ya mi ga; nang hte nye a lapran e shi hparan ya mi ga; shi nan mada yu nna ngai hpe na a lata na hkrang la n ga,” ngu nna Shawlu hpe tsun wu ai.

1 SAMUELA 25:26

Ya rai timung, nye a madu e, masha asak sat na de n sa n ga hte, tinang myit machyu nna, matai n htang n ga, Yehowa nang hpe hkum da nit dai majaw, Yehowa ahkrung nga nna, nang madu ahkrung nga ai hte maren, na a hpyen ni hte nang hpe jahten maw ai ni gaw, Nabala zawn, rai nga mu ga.

1 SAMUELA 25:38

Dai hpang shi ya dang rai jang, Yehowa Nabala hpe sat kau nna shi si mat sai.

1 SAMUELA 25:39

Ya Dawi Nabala si mat ai lam na jang, shi gaw, “Ngai hkrum ai shatan nhkan hpe yu ya nna, Nabala lata na shaw la ai hte, shi a mayam wa hpe yubak mara hta na shalawt la ai Yehowa gaw a nga u ga law; Nabala galaw ai yubak hpe shi a baw hta, Yehowa nhtang dat ya nu ai,” ngu nna shakawn wu ai: shing rai Dawi gaw masha shangun nna, Abigela hpe kahkyin na matu shaga dat wu ai.

1 SAMUELA 31:4

Dai rai nna Shawlu gaw shi a ri nhtu gun hpai ai wa hpe, “Ndai matu n gadoi ai ni gaw ngai e na sa galun lu nna ngai e n roi lu ma ai du hkra, na nhtu shaw nna ngai e galun ya e,” ngu wu timung, dai wa gaw grai hkrit nga ai majaw n hkraw nga ai. Dai rai nna Shawlu gaw shi a nhtu dai la nna, dai hta abraw ju si wu ai.

1 SAMUELA 31:6

Shing rai dai shani hte yang, Shawlu mung, shi a kasha masum mung, shi a ri nhtu lang ai wa mung, shi a ma ni mahkra hte mung, rau si mat wa masai.