1 SAMUELA 24:4 - Jinghpaw Hanson Version Bible

⁴ Shaloi Dawi a masha ni gaw, “Yu u, Yehowa nang hpe tsun ai, Na a hpyen wa hpe na a lata hta ngai ap ya na de ai; shi hta nang hpa di mayu yang di lu na rin dai, nga ai nhtoi ya du ra ai,” ngu nna shi hpe tsun mu yang, Dawi rawt nna, Shawlu hpun nga ai palawng nshang daw hpe, atsin sha gadoi dut la ya wu ai.

Jinghpaw Common Language Bible 2009

⁴ Shanhte gaw shi hpe, “Ndai gaw na a matu ahkaw ahkang rai nga lit dai! Dai Madu gaw na a gumlau hpyen wa hpe na a lata e ap ya na wu ai rai nna nang ra ai hku shi hpe galaw lu na ndai, nga nna mung nang hpe tsun da nga ai,” ngu nna tsun dan ma ai. Dawi gaw gumrawt sa nhtawm Shawlu n chye ai sha, shi a palawng galu daw mi hpe kadoi di la ya wu ai.

1 SAMUELA 24:4 ပူးပေါင်းရင်းမြစ်များ

2 SAMUELA 4:8

Shing rai, Ish-boshet a baw hpe, Hebron mare e Dawi kaw la sa nna, “Nang madu a asak hpe gyam ai, na a hpyen wa Shawlu a kasha Ish-boshet a baw re ai, yu yu u: nang madu hkawhkam wa hkrum ai matai gaw, Shawlu hta mung, shi a amyu matu ni hta mung, Yehowa dai ni htang jaw manu ai,” ngu nna shi kaw sa sak mu ai.

YOBA 31:31

“Nye madu a shan hkru hkru kat kat n sha lu ai,” nga nna, nye a sum hta kadai wa tsun lu na rai ta?

SHAKAWN KUNGDAWN 142:1

Nye a nsen hte ngai Yehowa hpe jahtau nga nngai: Nye a nsen hte ngai Yehowa hpe akyu hpyi nga nngai.

SHAKAWN KUNGDAWN 57:1

Karai Kasang e, ngai hpe matsan dum la e. Nye a myit masin nang hta shingbyi nga ai majaw, ngai hpe matsan dum la e. Dai jahten shabyak ai amu lai mat wa hkra, Na a singkaw a shingnip hta ngai shawung nga na nngai.

PRU MAT 21:13

Sat na nga dingsa di ai n re ai sha, shi a lata hta Karai Kasang e ap kau ai rai yang gaw, shi hprawng lu na shara ngai na a matu san tawn ya na made ai.

1 SAMUELA 22:1

Dai rai nna Dawi gaw dai kaw na hprawng nhtawm, Adulam lungpu hku de du pru wa ai: shi a kahpu ni hte nta masha ni nlang mung dai na jang, shi kaw sa wa ma ai.

1 SAMUELA 23:17

“Hkum hkrit et; nye wa Shawlu a lata nang kaw du lu na n rai; nang Israela hkawhkam tai lu na rin dai; ngai mung na a lawu na agyi rai na ring ngai: dai hku rai wa na gaw, nye wa Shawlu chye da wu ai,” ngu wu ai.

1 SAMUELA 23:7

Ya Dawi Kila mare de du ai lam, Shawlu hpe shana ya mu ai. Dai rai nna Shawlu gaw, Chyinghka hte htingrang chyip ai mare de shang nu ai majaw, rawng tawn ai hku rai sai rai nna, “Karai Kasang gaw shi hpe nye a lata de ap ya ni ai,” nga ai.

1 SAMUELA 24:10

Dai ni Yehowa, wora lungpu e nang hkum hpe, na a mayam a lata hta ap kau nit dai gaw, nang nan mu nit dai; nang hpe sat kau ga, nga nna manang ni nkau mi shadut ti pyi, ngai na asak hpe lahpawt ya nna, nye a Madu gaw Yehowa a namman jaw hkam ai wa re ai; dai wa hpe sat na, nye a lata n dawn yu we ga, ngu nna ngai myit nga nngai.

1 SAMUELA 24:18

Nang ngai hpe kaja ai lam, kaning rai galaw ai gaw, dai ni nang madun nit dai: kaning rai nme law, Yehowa ngai hpe na a lata hta ap ti pyi, nang ngai e n sat a hka.

1 SAMUELA 26:23

Dai ni Yehowa nang hpe nye a lata hta ap kau nit dai rai timung, shi a namman chya hkam ai wa hpe ngai n hkra nngai; Yehowa gaw kadai hpe rai timung, tinang a dinghpring ai hte kangka ai hta hkan nna, akyu htang jaw na ra ai.