1 SAMUELA 24:2 - Jinghpaw Hanson Version Bible

² Shaloi Shawlu Israela amyu ting na lata la ai masha hkying masum woi nna, aya lungbra hkan e Dawi hte shi a masha ni hpe hkan tam na nga, sa wa ai.

Jinghpaw Common Language Bible 2009

² Shawlu gaw Israela hta na kaja htum ai hpyenla hkying masum woi nna, Dawi hte shi a masha ni hpe Aya Lunghkrung a sinpraw maga hkan e sa tam ma ai.

1 SAMUELA 24:2 ပူးပေါင်းရင်းမြစ်များ

2 SAMUELA 22:2

Yehowa gaw, gaja wa, nye a lunghkrung, Nye a bunghku, nye a hkye la ai wa rai nga ai.

YOBA 39:1

Ya ni gara aten e kasha hkrat ai, nang chye lu nni? Shan nga ni hkalung woi ai aten, nang matsing lu nni?

SHAKAWN KUNGDAWN 104:18

Tsaw ai bum ni ya ni a shanu shara, Lungpu ni du dumsi ni a makoi shara, rai nga ai.

SHAKAWN KUNGDAWN 141:6

Shanhte a tara agyi ni pyi, nlung hta agrawp kau ai hkrum ma yang, “Katsan ga a mahka e anhte a nrut nra ni ayai nga timung,

SHAKAWN KUNGDAWN 37:32

Tara n lang ai wa gaw dinghpring ai wa hpe gyam yu nna, Shi hpe sat kau na tam nga ai.

SHAKAWN KUNGDAWN 38:12

Nye a myit masin hpe tam ai ni, mahkam hkam nna, Ngai hpe n kaja ai maw ai ni, hkalem ai ga tsun nga ma ai: Shani tup myit magaw ai lam a daw nga ma ai.

1 SAMUELA 13:2

Israela masha hkying masum lata la nna, shi nga ai, Mikmasha hte Betela bum ga e masha hkying lahkawng, Ben-yamin ga Gibea mare e Yonahtan kaw, masha hkying mi, tawn da nhtawm, gale ni hpe tinang nta de dat dat mu ai.

1 SAMUELA 23:28

Dai majaw Shawlu Dawi hpe shachyut ai kaw na nhtang nna, Hpilisti masha ni hpang de sa wa ai: dai rai nna, shara dai hpe, Sela-Hamalekot ngu nna shamying mu ai.

1 SAMUELA 26:2

Shaloi Shawlu rawt nna, san da ai Israela masha hkying masum hte rau, Zihpa nam de Dawi hpe tam na nga yu wa ma ai.