1 SAMUELA 22:7 - Jinghpaw Hanson Version Bible

⁷ Shaloi Shawlu gaw, “Ben-yamin amyu masha ni e, madat mara mu, nanhte yawng ngai hpe gumlau nna, ngai sha wa Yese a kasha hte ga shaka da hkat ai lam ngai e n shana, nye matu kadai n yawn; nye sha wa nan nye a mayam hpe gumlau shangun ai lam, ngai e kadai mung n shadum ai gaw,

Jinghpaw Common Language Bible 2009

⁷ dai rai nna, shi gaw shi a du salang ni hpe, “Benyamin masha ni e, madat mu! Dawi gaw nanhte yawng hpe yi sun hkauna hte sabyi sun ni jaw ya lu na re ngu, myit nawn da mu ni? Shi a hpyen dap hta du aya jaw lu na zawn nawn da mu ni?

1 SAMUELA 22:7 ပူးပေါင်းရင်းမြစ်များ

2 SAMUELA 18:1

Shaloi Dawi shi a masha ni hpe hti yu nna, hkying mi up ai, latsa up ai jaubu ni hpe san da wu ai.

2 SAMUELA 20:1

Dai shaloi, Ben-yamin amyu Bihkri a kasha, Sheba mying ai n hkru ai wa langai mi nga ai: dai wa gaw, pahtau dum nna, Israela masha ni e, Anhte gaw Dawi hte hpa mung n seng ga ai; Yese a kasha hta hpa Sali mung n lu ga ai: Israela masha ni e, langai hte langai tinang a sum de wa mu, ngu wu ai,

1 HKAWHKAM 12:16

Hkawhkam wa gaw shanhte a ga n madat nga ai hpe, Israela amyu masha ni yawng mu mu ai shaloi jang, shanthe gaw, Anhte Dawi hta hpa daw nga ga ta? Yese kasha hta anhte Sali n lawm ga ai; Israela e, na a sum nta ni de bai wa nu; Dawi e, na nta hpe ya yu yu u law, ngu nna hkawhkam wa hpe htan nhtawm, Israela gaw tinang a sum nta ni de bai wa ma ai.

1 HKAWHKAM LABAU 12:16

Bai, Dawi nga ai hpyen dap ni de, Ben-yamin hte Yuda kashu kasha ni mung sa shingbyi ma ai rai nna,

ESAIA 11:1

Rai timung, Yese amyu a ndu hta nnaw rawt nna, shi a aru ni hta na makrung gaw, asi si na ra ai.

ESAIA 11:10

Dai aten e Yese a aru gaw, amyu baw ni a matu dan hkung ai dawnghkawn rai nga na hte, maigan amyu ni shi hpang de ju wa nna, shi shanu nga ai shara gaw, hpung shingkang rawng na ra ai.

1 SAMUELA 18:14

Dawi gaw lam shagu hta hpaji byeng-ya hte galaw wa ai rai nna, Yehowa shi hte rau rai nga ai.

1 SAMUELA 20:27

Hpang shani ngu na praw ni ni e, Dawi a dung shara naw man nga ai majaw, Shawlu gaw, “Dai Yese a kasha mani mung, shat n sa sha, dai ni mung n sa, hpa majaw rai ta?” ngu nna kasha Yonahtan hpe san wu ai.

1 SAMUELA 20:30

Shaloi Shawlu gaw Yonahtan hpe pawt bu nna, “Myit magaw ai, gumlau num a kasha e, nang hkum nan hte na nnu kaya hkrum hkra, Yese a kasha hpe nang maga nga ai gaw, ngai n chye ai, sawn nawn wu ni?

1 SAMUELA 22:13

Shaloi Shawlu gaw, “Yese a kasha hte nan hpa rai myit hkrum nna ngai hpe gumlau myit ta? Dai ni ndai zawn, ngai hpe gumlau shangun na ngu nna muk hte nhtu jaw dat ai hte, Karai Kasang hpe shi a lam san ya nit hka?” Ngu wu ai.

1 SAMUELA 22:9

Shaloi, Shawlu a ali ama ni a agyi, Edom masha Doeg gaw, “Yese a kasha gaw, Noba mare de, Ahitub a kasha Ahimelek kaw du ai ngai mu nngai.

1 SAMUELA 25:10

Dai rai nna Nabala gaw Dawi a shangun ma ni hpe, “Dawi gaw kadai rai ta? Yese a kasha gaw kadai rai ta? ya hte yang, madu hpe gumlau ai mayam ni law nga ma hka.