1 SAMUELA 22:2 - Jinghpaw Hanson Version Bible

² Amu hkrum ai ni, ahka kap ai ni hte myit karen ai ni nlang hte shi kaw sa zup nna, shi shanhte a agyi tai nga ai; shing ai marai mali tsa daram shi kaw hkan nang ma ai.

Jinghpaw Common Language Bible 2009

² Dip gamyet sha hkrum nga ai ni, hka kap ai ni hte myit karen ai masha ni shi kaw sa ma ai rai nna, masha yawng mali tsa daram rai nga ai; shi mung shanhte a ningbaw tai wa sai.

1 SAMUELA 22:2 ပူးပေါင်းရင်းမြစ်များ

2 SAMUELA 17:8

nang chye ai hte maren na nwa hte shi a masha ni gaw lapyin rawng ai share hkrai rai ma ai; dai hta ya grau nna, nam e kasha magra ai tsap kanu zawn n-yun bu ai myit rawng nga ma ai; na nwa mung share rai nna, masha ni hte rau n yup ga ai.

2 SAMUELA 5:2

Moi shawng de, anhte a ntsa e Shawlu naw up nga yang nna, nang hkum nan Israela amyu hpe, woi pru woi shang ai wa rai nga nit dai: Yehowa mung, ‘Nang gaw nye a amyu Israela hpe, woi rem na wa hte nye amyu Israela ntsa e Du magam nang tai lu na ndai,’ nga nna nang madu hpe tsun nit dai,” ngu nna sa shang sa wang wu ai.

2 HKAWHKAM 20:5

“Bai nhtang u; nye a amyu du Hezekia hpe ning ngu u; ‘Na nwa Dawi a Karai Kasang Yehowa ning nga ai, Na akyu hpyi ai ga ngai na ni ai, na myi prwi ngai mu nngai: yu u, ngai nang hpe shamai ya nna, masum ya laman e Yehowa a nta hta nang shang lu na ndai.

2 HKAWHKAM 4:1

Ya myihtoi ma langai mi a madu jan gaw Elisha hpang de sa nna, Na mayam rai nga ai nye a madu wa si mat sai; na a mayam wa, Yehowa hpe hkrit hkungga nga ai gaw, nang chye nga ndai: ya hka madu gaw sa du nna, ngai sha yan hpe mayam shaya na nga la mayu nga ai, ngu nna tsun jahtau wu ai.

GA SHAGAWP 31:6

Htum mat magang ai wa hpe, chyaru, Myit htum ai wa hpe, tsabyi, jaw lu u:

MAHTE 11:12

Baptisma Sara Yawhan a ladaw langa kaw nna ya du hkra, sumsing lamu a mungdan gaw anin katut hkrum nga ai rai nna, share lu ai ni mahtang, dai hpe shanyen la lu ma ai.

MAHTE 11:28

Hki ba la nna lit li gun ai ni yawng hte e, ngai kaw wa marit; ngai nanhte hpe ban sa shangun na made ai.

HEBRE 2:10

Kaning rai nme law, kashu kasha law law hpe hpung shingkang hkam la ai de woi wa yang, shanhte a hkye hkrang la ai lam a agyi wa hpe nni nkri hte jahkum shatsup na yawng hpe up nna, yawng a npawt rai nga ai Karai Wa gaw, mai di nga ai.

TARA AGYI 11:3

Shaloi Yephta gaw kahpu kanau ni kaw na pru wa nna, Toba mung e nga nga ai: pagawn para re ai masha mung, shi kaw sa zup nna, shi kaw hkan nang ma ai.

TARA AGYI 18:25

Bai Dan amyu masha ni gaw, “Anhte hpe hkum hkan shaga; loi hkring masin gadun ai ni nanhte hpe nhtang tai nna, nang hte na nta masha ni a asak jawm e sum na marin dai,

1 SAMUELA 1:10

Hana gaw yawn la ai hte grai hkrap let Yehowa kaw akyu hpyi nga ai.

1 SAMUELA 22:3

Dai kaw nna Dawi gaw Moba mung Mizpa mare de sa wa nhtawm, Moba hkawhkam hpe, “Karai Kasang ngai hta hpa hku shabyin ai garai n chye lu ai laman e, ngai nu ngai wa ni, nang kaw sa shingbyi nga na ahkang jaw e,” ngu nna hpyi wu ai.

1 SAMUELA 23:13

Shaloi Dawi, kru tsa daram re ai shi a masha ni hte rawt nna, Kila mare na pru nhtawm, hprawng lu ai made hkawm mat wa ma ai. Dawi Kila mare na hprawng pru mat wa ai lam, Shawlu na jang, shi hkum nan n hkan nang ai, nga mat ai.

1 SAMUELA 25:13

Dawi chyawm gaw, “Nhtu la hpye mu,” ngu nna shi ma ni hpe tsun jang, yawng mayawng tinang a nhtu hpye mu ai: Dawi mung shi a nhtu hpye wu ai: shing rai, marai mali tsa daram Dawi kaw hkan ma ai; ni tsa gaw arai sin nga ma ai.

1 SAMUELA 30:6

Dawi mung nachying myit yawn myit yak nga ai; kaning rai nme law, mare masha ni gaw, tinang a kashu kasha ni a majaw myit yawn nna, Dawi hpe nlung hte jawm kabai sat na tsun nga ma ai: Dawi chyawm gaw, shi a Karai Kasang Yehowa hta n-gun da ting wu ai.

1 SAMUELA 9:16

“Hpawt de ndai ten e, Ben-yamin ga na masha langai mi, nang hpang de ngai shangun dat na ring ngai; dai wa hpe nye a amyu Israela du shatai nna, namman chya aya dang na rai ndai; shi gaw nye a amyu masha ni hpe, Hpilisti masha ni a lata na hkye la na ra ai: kaning rai nme law, shanhte a jahtau shaga ai nsen, nye a na hta hkrang ra ai rai nna, nye a amyu hpe ngai mada mara se ai,” ngu nna shi hpe shadan dan ya wu ai.