1 SAMUELA 21:2 - Jinghpaw Hanson Version Bible

² Dawi gaw, “Hkawhkam wa amu lama mi ngai e ap dat nna, Ngai hkang dat ai amu kadai hpe mung hkum chye shangun, nga ai majaw, nye ma ni hpe ‘wonang le nang la nga mi,’ ngu nna shawng de dat dat magang mase ai.

Jinghpaw Common Language Bible 2009

² Dawi gaw, “Hkawhkam wa shangun ai amu a majaw ndai de du sa ai rai nngai. Shi ngai hpe galaw shangun dat ai amu, kadai hpe mung hkum chye shangun nga nna ngai hpe htet dat ai. Ya nye a masha ni hpe chyawm gaw masat da ai shara langai hta ngai hte hkrum ga ngu nna shanhte hpe tsun dan mase ai.

1 SAMUELA 21:2 ပူးပေါင်းရင်းမြစ်များ

NINGPAWT NINGHPANG 27:20

Shaloi Isak gaw, “Ngai sha e, kaning rai nme ndai hte wa nang lawan lu n ta?” ngu nna kasha hpe hkap san wu yang, shi gaw, “Na a Karai Kasang Yehowa ngai hpe lu loi shangun ai majaw rai nga ai,” ngu nna htan wu ai.

NINGPAWT NINGHPANG 27:24

Rai timung shi bai san wu ai gaw, “Nang gaja wa ngai sha Esaw rai nga n ni?” Ngu wu ai: shi mung, “Rai nga nngai, ngu wu ai.

1 HKAWHKAM 13:18

Shaloi myihtoi dingla gaw, “Ataw ngai mung nang hte maren myihtoi she rai nga nngai; lamu kasa gaw Yehowa a ga ngai hpe htawn tsun nna, Dai wa gaw muk sha ntsin lu na matu, na nta de shi hpe shaga la u, nga ai,” ngu nna shi hpe masu kau wu ai.

NEHEMIA 11:32

Anahtot, Noba, Anania,

SHAKAWN KUNGDAWN 119:29

Masu ai lam ngai hte shatsan kau ya nna, Matsan dum let, na a tara ngai hpe jaw e.

SHAKAWN KUNGDAWN 141:3

Yehowa e, nye a n-gup hpe sin ya e; Nye a nten chyinghka bau da ya e.

ESAIA 10:32

Dai ni e pyi Noba mare e shi but na ra ai: Ziun shayi sha a bum ngu ai, Yerusalem kawng hpe sha-ang nna, shi a lata shada nga ai.

GALATI 2:12

Kaning rai nme law, manang nkau mi gaw Yaku kaw na garai n du ma yang, shi gaw maigan masha ni hte rau shat sha nga ai; dai ni du ma yang, matu gadoi hkam ai ni hpe hkrit kang ai majaw, shi nan maigan ni hte hka nna tsan gang mat wa ai.

KOLOSE 3:9

Shada da masu magaw ga hkum tsun myit: kaning rai nme law, dai gawng shing-yan dingsa hte tinang a arawn alai hpe, nanhte raw kau myit dai rai nna,

1 SAMUELA 19:17

Shaloi Shawlu gaw, “Ngai hpe masu nna, nye hpyen wa hpe hpa majaw dat kau n ta? Ya hprawng lawt mat sai,” ngu nna Mihkala hpe daru wu ai. Mihkala mung, “Shi mahtang, ‘Ngai e dat dat e; dai n rai, nang hpe sat kau na nngai,’ nga nna ngai e tsun ai,” ngu nna Shawlu hpe htan wu ai.

1 SAMUELA 21:3

Dai majaw shahpa lama ma n lu n ni? Muk tawng manga dang rai tim, shing n rai, hpa rai tim, naw jaw dat e,” ngu nna hkinjawng Ahimelek hpe tsun wu ai.

1 SAMUELA 22:22

Shaloi Dawi gaw, “Edom masha Doeg dai lam Shawlu hpe tsun dan na nu ai, ngu nna shi hpe mu ai shani kaw nna ngai dum se ai; na a amyu masha ni nlang hte hpe, ngai e sat kau shangun ai tai wa sahka gaw;

1 SAMUELA 22:9

Shaloi, Shawlu a ali ama ni a agyi, Edom masha Doeg gaw, “Yese a kasha gaw, Noba mare de, Ahitub a kasha Ahimelek kaw du ai ngai mu nngai.