1 SAMUELA 20:8 - Jinghpaw Hanson Version Bible

⁸ Dai rai nna, na a mayam wa hpe matsan dum la e; Yehowa a shaka ga hta, na a mayam wa nang hte shaka nga nngai: rai timung, ngai hta ra rawng ai rai yang gaw, na lata hte nan sat kau ni; hpa majaw na nwa hpang de ngai e woi wa na rai ta?” ngu nna tsun wu ai.

Jinghpaw Common Language Bible 2009

⁸ Chyeju hte ngai hpe matsan dum la e law; nang ngai hpe jaw ai dai chyoi pra ai ga sadi hpe shatup nga u law; rai ti mung ngai mara lu ai wa rai n yang gaw nang nan ngai hpe sat kau rit! Ngai hpe sat kau na she rai yang, hpa majaw na nwa kaw naw woi wa ra na rai ta?,” ngu nna tsun htang wu ai.

1 SAMUELA 20:8 ပူးပေါင်းရင်းမြစ်များ

NINGPAWT NINGHPANG 24:49

Ya ngai pai maga hkra maga chye kayin nga, nye a madu hpe nanhte chyeju hte sadi sahka lam madun na n madun na gaw, tsun dan yu mi,” ngu wu ai.

NINGPAWT NINGHPANG 47:29

Ya Israela a si wa na nhtoi du magang salu ai rai nna shi a kasha Yawsep hpe shaga nhtawm, Na a man e ngai myi man pa ni ai rai yang gaw, na a lata nye a magyi npu e shawn bang u; chyeju hte sadi sahka lam ngai hpe madun nna, Egutu mung e ngai hpe hkum lup makoi et:

2 SAMUELA 14:32

Absalom gaw, “Yu u, Ngai gaw Geshura mare na hpa majaw wa a ta? dai yang ya du hkra nga yang grau mai ai, ngu nna hkawhkam wa kaw sa tsun shangun na ngai nang hpe shaga de ai: ya mung hkawhkam wa a myi man ngai hpe mu shangun e; ngai hta mara nga yang mung shi ngai e sat kau ru ga,” ngu nna Yoab hpe htan wu ai.

1 HKAWHKAM LABAU 12:17

Dawi gaw shanhte hpe tau la na nga pru sa wa let, “Ngai hpe shingtau na matu nanhte ngwipyaw ai hte du sa myit dai rai yang gaw, nye a myit nanhte a myit hte makyit na li ai: shing n rai, nye hpyen ni a lata de ngai hpe ap kau na matu nanhte sa du ai rai yang, nye a lata hta hpa mara n kap ai majaw, ji wa a Karai Kasang dai hpe yu yu nna, daru kau u ga,” ngu nna shanhte hpe hkap tsun mu ai.

SHAKAWN KUNGDAWN 116:11

Masha nlang masu ai ni rai nga ma ai, Nga nna, n dum shami ngai tsun hkrup nngai.

GA SHAGAWP 3:3

Chyeju myit hte kangka re ai myit hkum kau da et; Dai hpe na a du hta gali nga u, Na a kraw lawang lungpa hta tawk ka da u.

KASA 25:11

Ngai shut hpyit tawt lai ai wa rai nna, si ging ai mara lama ma galaw kau ai rai yang gaw, si hkam na lam ngai ndang ai n rai: rai timung, ndai ni shagun ai mara langai mi muk n teng yang gaw, shanhte a lata de ngai hpe kadai wa ap kau lu na n rai. Hkawhkam Kehta kaw du na nngai,” ngu nna htan wu ai.

YAWSHU 2:14

Dai yan mung, “Nang an a lam n shabrawng ya n yang gaw, na a asak matu an a asak gaw pahkam tai nga u ga: ndai mungdan Yehowa anhte hpe jaw ai nhtoi e na a lam hpe kangka hkra hkan nna chyeju htang na ra ga ai,” ngu nna yin la mu ai.

YAWSHU 22:22

Hpung shingkang rawng ai Karai Kasang Yehowa, Hpung shingkang rawng ai Karai Kasang Yehowa shi nan chye nga ai: Israela masha ni mung chye lu na marin dai: Anhte gumlau mayu nna, Yehowa hpe tawt lai myit rawng nna, Yehowa a lam hta na dam mat wa na ngu nna tawn hkungri galaw ai she rai saga yang gaw, dai ni jang hkrum sha n ga:

RUHTA 1:8

Naomi chyawm gaw kanam yan hpe, “Wa manu, nan a nnu nwa nta de wa manu; nan gaw, si mat ai yan hpe mung, ngai hpe mung, galaw jaw manit dai hte maren, Yehowa nan hpe chyeju htang ya malit ga law.

1 SAMUELA 18:1

Shing rai Shawlu hte ga tsun ngut ai hpang, Yonahtan a myit gaw Dawi a myit hte makyit mat lu ai rai nna, Yonahtan gaw Dawi hpe shi hkum hte maren tsawra wu ai.

1 SAMUELA 18:3

Ya Yonahtan Dawi hpe shi a hkum hte maren tsawra wu ai majaw, shan gaw ga shaka tawn da ma ai.

1 SAMUELA 20:16

Shing rai Yonahtan gaw Dawi nta dap hte ga shaka da let, “Ga shaka ndai hpe run kau wa nit yang gaw, Dawi hpe hpyen ai ni a lata hte Yehowa matai htang u ga law,” nga nna,

1 SAMUELA 20:9

Yonahtan mung, “Dai zawn gaw n rai u ga; nye wa nang hpe sat na maw ai, ngai teng teng chye yang, nang hpe n tsun ai nga na kun,” ngu wu ai.

1 SAMUELA 23:18

Shaloi shan lahkawng gaw, Yehowa man e ga shaka tawn da ma ai: shing rai Dawi gaw dai maling e nga nga nna, Yonahtan mung nta de bai wa ai.