1 SAMUELA 20:3 - Jinghpaw Hanson Version Bible

³ Dawi gaw, “Ngai na a jinghku rai nga ai, na nwa chye da wu ai majaw, Yonahtan yawn na hpe tsang ai, ndai amu hkum chye shangun mu, nga nna shi tsun da nu ai. Gaja wa, Yehowa ahkrung nga ai hte, nang mung hkrung nga ndai hte maren, ngai hte si hkrung si htan a lapran gaw, kalang htawt sha rai sali ai,” ngu nna dagam ai hte tsun wu ai.

Jinghpaw Common Language Bible 2009

³ Rai ti mung, Dawi mahtang, “Nang ngai hpe kade wa tsaw ra nga ndai gaw na nwa atsawm sha chye nga ai rai nna, nang hpe lai hkra n machyi shangun mayu ai majaw, shi kaning rai maw mawn na lam nang hpe n chye shangun mayu ai hku, shi daw dan da nga ai. Ngai gaw si hkrung si htan a lata kaw na lawt na lahkam mi dang sha rai nga sali ai ngu nna ahkrung nga ai dai Madu hta nang hpe dagam nngai,” ngu nna htan wu ai.

1 SAMUELA 20:3 ပူးပေါင်းရင်းမြစ်များ

2 SAMUELA 15:21

Itai chyawm gaw, “Yehowa mung, nang madu hkawhkam wa mung hkrung nga ai hte maren, nang madu hkawhkam wa si hkrung hkrum ai rai tim, lawt lai lu ai rai tim, nang du ai kaw na a mayam wa mung gaja wa du na ring ngai,” ngu nna, tsun wu ai.

2 HKAWHKAM 2:2

Shaloi Elia gaw Elisha hpe, “Nang e naw hkring nga u; Yehowa ngai hpe Behtela du hkra shangun dat ai,” ngu wu ai. Elisha gaw, “Yehowa hkrung nga nna, na asak mung hkrung nga ai hte maren, ngai nang hte n hka na nngai” ngu nna htan wu yang, shan lahkawng rau Behtela de yu wa ma ai.

2 HKAWHKAM 2:4

Bai Elia gaw, “Elisha e, nang e naw hkring nga u; Yehowa ngai hpe Yerihko de shangun dat ai,” ngu wu ai. Elisha gaw, “Yehowa hkrung nga nna, na asak mung hkrung nga ai hte maren, ngai nang hte n hka na nngai,” ngu nna htan wu yang, shan lahkawng ran Yerihko mare de du ma ai.

2 HKAWHKAM 2:6

Bai Elia gaw, “Nang e naw hkring nga u; Yehowa ngai hpe Yawdan hka de shangun dat ai,” ngu nna, Elisha hpe tsun wu ai. Shi gaw, “Yehowa hkrung nga nna, na asak mung hkrung nga ai hte maren, ngai nang hte n hka na ngai,” ngu nna tsun wu yang, shan lahkawng rau sa wa ma ai.

SHAKAWN KUNGDAWN 116:3

Si ai sumri ni ngai hpe kawan nga nna, Katsan ga na ru tsang ai ngai hpe lep ni ai: Ruyak ai hte nni nkri ngai hkrum nga nngai.

YEREMIA 38:16

Dai re ai majaw hkawhkam Zedekia gaw, Anhte hpe nsoi nsa ban da ai Yehowa hkrung nga ai hte maren, ngai nang hpe sat kau na n rai, na a asak hpe tam ai ni a lata hta mung, nang hpe ap kau na n rai, ngu nna Yeremia hpe mayun e dagam da wu ai.

YEREMIA 4:2

dai hta kaga nang gaw, hkrung nga ai Yehowa amying gang let, tengman ai hku, tara ding ai hku, dinghpring ai hku dagam lu nna, maigan amyu ni gaw, shi a amying hta tinang hkum hpe shaman ya nna, shi hta hpa let gumrawng na mara ai, nga nna Yehowa tsun ai.

TARA JAHPRANG 28:66

na asak sum wa magang ai lam hpe myit ru nga na rin dai: shani shana hkrit gari nga let, na asak prawn na n prawn na lam myit ung ang nga na rin dai.

TARA JAHPRANG 6:13

Na a Karai Kasang Yehowa hpe nang hkrit hkungga nna, shi hpe hkrai daw jau lu na ndai; dagam ai hta mung shi a mying ningsang gang lu na rai ndai.

HEBRE 6:16

Shinggyim masha ni gaw, tinang hta grau kaba ai wa hpe gang nna dagam ga ma ai hte, shanhte a ndang kalang shara yawng hpe, dagam ai ga hte shagrin shangut kau lu ma ai;

1 SAMUELA 1:26

Shaloi Hana gaw, “Nye a madu e, nang hkrung nga ndai hte maren, ngai gaw shawng de lang mi, ndai yang, na makau e tsap let Yehowa hpe akyu hpyi ai numsha rai nga nngai.

1 SAMUELA 17:55

Ya Dawi, dai Hpilisti wa hpang de htim sa wa ai Shawlu mu jang, shi a luksuk ni a bu Abna hpe, “Abna e, wora shabrang wa gade a kasha rai ta?” ngu nna san wu yang, Abna gaw, “Hkawhkam wa e, nang hkrung nga ai hte maren, ngai n chye nngai,” ngu wu ai.

1 SAMUELA 20:2

Yonahtan chyawm gaw, “Dai gaw n rai u ga; nang si lu na n rai: yu u, wa gaw ngai hpe n tsun ai amu kaji kaba hpa mung n galaw yu ai; dai lam teng yang gaw, ngai n chye hkra, hpa majaw ip da na a ta? dai gaw teng ai n rai,” ngu wu ai.

1 SAMUELA 20:4

Bai Yonahtan gaw, “Na a myit ra ai hku hpa mung ngai galaw na nngai,” ngu nna Dawi hpe tsun wu ai.

1 SAMUELA 25:26

Ya rai timung, nye a madu e, masha asak sat na de n sa n ga hte, tinang myit machyu nna, matai n htang n ga, Yehowa nang hpe hkum da nit dai majaw, Yehowa ahkrung nga nna, nang madu ahkrung nga ai hte maren, na a hpyen ni hte nang hpe jahten maw ai ni gaw, Nabala zawn, rai nga mu ga.

1 SAMUELA 27:1

Dai hpang Dawi gaw, “Lani mi Shawlu a lata hta ngai asum na ring ngai; Hpilisti mung de hprawng yang she mai na sai; dai hta grau ai lam nye a matu n nga sai; shaloi she, Israela mung ting hta ngai e n mu tam ai, Shawlu chye nna myit jasat kau yang, shi a lata na ngai lawt na ni ai,” ngu nna myit lu wu ai.