1 SAMUELA 20:2 - Jinghpaw Hanson Version Bible

² Yonahtan chyawm gaw, “Dai gaw n rai u ga; nang si lu na n rai: yu u, wa gaw ngai hpe n tsun ai amu kaji kaba hpa mung n galaw yu ai; dai lam teng yang gaw, ngai n chye hkra, hpa majaw ip da na a ta? dai gaw teng ai n rai,” ngu wu ai.

Jinghpaw Common Language Bible 2009

² Yonahtan chyawm gaw, “Karai Kasang gaw nang si na hpe n hkraw nga ai! Nye wa gaw shi galaw ai amu ahkyak ai rai ti mung, n ahkyak ai rai ti mung, dai amu ni hpe ngai n chye hkra ip da nhtawm lam magup hpe shi galaw wu ai n rai. Dai gaw n teng nga ai!,” ngu nna htan wu ai.

1 SAMUELA 20:2 ပူးပေါင်းရင်းမြစ်များ

NINGPAWT NINGHPANG 44:7

Shanhte gaw, Madu e, shing nga ai gaw hpa nga ai ga rai ta? Dai zawn re ai amu gaw na a mayam ni hte tsan nga u ga.

SHAKAWN KUNGDAWN 40:6

Hkungga hte lusha kumhpa nang n ra nit dai; Nye a na lashing nang hpaw ya nit dai: Wan nat hkungga hte htingrai hkungga nang n hpyi ndai.

GA SHAGAWP 29:24

Lagut hpe hkap la ai wa gaw, tinang asak hpe n dawng nga ai; Dagam ai ga na timung, hpa n shabrawng hkraw ai.

ESAIA 50:5

Madu Yehowa gaw nye a na hpe hpaw ya nna, ngai mung lale kau ai hte, kanut mat wa ai n rai.

LUKA 20:16

Shi sa du nna, dai sun galaw ai ni hpe sat kau nhtawm, dai sun masha kaga hpe htawt shap ya na ru ai,” ngu mu ai. Dai ga na ai ni gaw, “Shing n rai u ga,” nga ma ai.

YAWHAN 15:15

Ya kaw nna ngai nanhte hpe mayam n ngu na ni ai; kaning rai nme law, mayam gaw madu galaw ai amu hpe n chye wu ai: nanhte hpe jinghku she ngai ngu na made ai; nye Wa kaw na ngai na la ai hte yawng, ngai nanhte hpe chye shangun masade ai.

YAWHAN 17:8

kaning rai nme law nang ngai e jaw dat ai mungga hpe, ngai shanhte hpe jaw mawe ai rai nna, shanhte mung dai hpe hkap la masai majaw, nang kaw na ngai pru sa nngai gaw, shanhte gaja wa teng teng chye ma ai hte, nang ngai hpe shangun dat ndai mung, kamsham ma ai.

YAWSHU 22:29

Anhte Yehowa hpe gumlau nna, shawa sum a man na anhte a Karai Kasang Yehowa a tawn hkungri hta kaga, tawn hkungri shaje galaw nna wan nat hkungga, shadung kumhpa hte mayu hkungga nawng jau ai hte Yehowa a lam hta na dai ni dam mat wa na gaw anhte hte tsan nga u ga law,” ngu nna htan mu ai.

YAWSHU 24:16

Shaloi amyu masha ni gaw, “Yehowa hpe kau da nna, Hpara shaje sa jaw jau na gaw anhte hte tsan nga u ga law;

1 SAMUELA 14:45

Mung masha ni mahtang, “Israela amyu matu nde wa hkye hkrang la ai chyeju shapraw ai wa, Yonahtan, si lu na rai ni? Dai gaw n rai u ga; Yehowa anga nga ai hte maren, shi a kara singgawng mi muk, ga n hkrat lu na re ai; kaning rai nme law, shi dai ni Karai Kasang hte rau, jawm shaja nu ai,” ngu mu ai. Shing di masha ni gaw, Yonahtan hpe, si ai kaw na hkrang la mu ai.

1 SAMUELA 20:1

Shaloi Dawi Rama ginwang Nayut shara na hprawng nna, Yonahtan kaw wa nhtawm, “Ngai hpa galaw shut wa sata? ngai hta hpa mara rawng a ta? na nwa nye a asak gyam ai gaw, shi hpe hpa shut we ta?” ngu nna san wu ai.

1 SAMUELA 20:12

Bai Yonahtan gaw Dawi hpe, “Israela Karai Kasang Yehowa sakse wa rai nga u ga: hpawt ni, hpawt din, ndai ten e, nye wa myit ngai shaw yu yang, Dawi hta shi a myit kaja rawng ai rai yang, ngai nang hpe shana na n rai ni?

1 SAMUELA 20:3

Dawi gaw, “Ngai na a jinghku rai nga ai, na nwa chye da wu ai majaw, Yonahtan yawn na hpe tsang ai, ndai amu hkum chye shangun mu, nga nna shi tsun da nu ai. Gaja wa, Yehowa ahkrung nga ai hte, nang mung hkrung nga ndai hte maren, ngai hte si hkrung si htan a lapran gaw, kalang htawt sha rai sali ai,” ngu nna dagam ai hte tsun wu ai.

1 SAMUELA 9:15

Ya Shawlu du na shawng shani e sha, Yehowa, Samuela hpe,