1 SAMUELA 20:1 - Jinghpaw Hanson Version Bible

¹ Shaloi Dawi Rama ginwang Nayut shara na hprawng nna, Yonahtan kaw wa nhtawm, “Ngai hpa galaw shut wa sata? ngai hta hpa mara rawng a ta? na nwa nye a asak gyam ai gaw, shi hpe hpa shut we ta?” ngu nna san wu ai.

Jinghpaw Common Language Bible 2009

¹ Dawi gaw Rama ginwang Nayut mare kaw nna hprawng mat wa nhtawm Yonahtan hpang de wa wu ai. Shi gaw, “Ngai hpa galaw shut kau sata? Ngai gaw kaning re ai ru hka amu galaw shut kau sata? Shi ngai hpe sat kau mayu hkra na nwa hpe ngai hpa galaw shut kau sata?,” ngu nna san wu ai.

1 SAMUELA 20:1 ပူးပေါင်းရင်းမြစ်များ

SHAKAWN KUNGDAWN 54:3

Masha tsasam ni nye a gumlau maga e rawt nna, Mazut bu ai ni nye a asak hpe tam ma ai: Shanhte Karai Kasang hpe hpa n nawn ma ai. [Selah.]

2 KORINHTU 1:12

Kaning rai nme law, Karai Kasang a chyoi pra nna san seng ai myit hte, dinghta hpaji n lawm ai sha, Karai Kasang a chyeju hte, mungkan ga e anhte htinglet nga nna, nanhte hte rau grau nna dai zawn rai nga ga ai hpe, anhte a myit masin a sakse hkam ai lam ngu ai gaw, anhte a gumrawng shara rai nga ai.

2 PETRU 2:9

Dai madu gaw, tara hkungga ai ni hpe agung alau kata na mawai la na hte, n ding n hpring ai ni hpe ari jahkrum na matu, tara dara na nhtoi du hkra hkang tawn da na nga, chye nga ai: dai hkum shan a matsat shabat marin ai lam hta hkawm wa ma ai rai nna, ahkang aya lu ai ni hpe n gawn n sawn di mu ai ni nan, grau nna dai zawn di na, shi chye nga ai.

1 YAWHAN 3:21

Tsawra ai ni e, anhte a myit anhte hpe yubak n shagun yang gaw, Karai Kasang a man e, anhte nden ja ai myit rawng nga ga ai rai nna, anhte a hpyi mahpyi shi kaw nna, anhte lu la na ga ai:

1 SAMUELA 12:3

Ya ngai nang rai nga nngai: gade a dumsu ngai kashun la yu a ta? gade a lawze kashun la yu a ta? kadai hpe maw sha yu a ta? kadai hpe zingri zingrat yu a ta? tinang a myi magap na matu, kadai kaw na manawn kumhpa hkap la yu a ta? Yehowa hte shi a namman chya ai wa a man e nye a lam sakse hkam yu mu; gade a rai kashun la ai rai yang bai wa made ga,” ngu nna tsun mu ai.

1 SAMUELA 19:1

Shaloi Shawlu gaw, shi a kasha Yonahtan hte shi a ali ama ni mahkra hpe, Dawi hpe sat kau na lam, tsun da mu ai. Shawlu a kasha Yonahtan chyawm gaw, Dawi hpe nachying tsawra wu ai.

1 SAMUELA 19:18

Shing rai Dawi hprawng lawt nna, Rama e nga ai Samuela kaw du jang, Shawlu shi hpe galaw ai lam yawng mayawng tsun dan wu ai. Samuela hte shan lahkawng Nayut shara e sa nga nga ma ai.

1 SAMUELA 20:2

Yonahtan chyawm gaw, “Dai gaw n rai u ga; nang si lu na n rai: yu u, wa gaw ngai hpe n tsun ai amu kaji kaba hpa mung n galaw yu ai; dai lam teng yang gaw, ngai n chye hkra, hpa majaw ip da na a ta? dai gaw teng ai n rai,” ngu wu ai.

1 SAMUELA 20:32

Bai Yonahtan gaw, “Shi hpa majaw si na rai ta? shi hpa shut a ta?” ngu nna kawa hpe htan wu yang;

1 SAMUELA 24:11

Dai hta n-ga, nye wa e; nye a lata na, ndai na a palawng daw hpe mada yu u; ngai nang hpe n sat ai sha, na palawng daw sha gadoi dut la nngai majaw, nye lata hta yubak mara n nga li ai, tawt lai ai shara n rawng li ai gaw, dum chye nga u; nang ngai hpe sat na nga hkan gyam nga timung, ngai nang hpe hpa n shut nngai.

1 SAMUELA 24:12

Nang hte nye a lapran e Yehowa jeyang mi ga; ngai e shut ai mara matai gaw Yehowa htang jaw nit ga: rai timung nye a lata chyawm gaw, nang kaw n du li ga.

1 SAMUELA 24:17

Bai shi gaw, “Nang mahtang ngai hta grau ding nga nit dai; ngai nang hpe n hkru ai hku galaw nit dai; ngai nang hpe kaja ai hku htang nit dai.

1 SAMUELA 24:9

Shing rai Dawi gaw, “Yu u, Dawi nang hpe sat na maw nga ai, nga nna masha ni kajai ai ga, hpa rai madat shut n ta?

1 SAMUELA 26:18

Bai Dawi gaw, “Nye a madu, na a mayam hpe hpa rai hkan shachyut hkawm nga n ta? Ngai hpa shut de ta? Nye a lata hpa mara nga nga a ta?