1 SAMUELA 2:9 - Jinghpaw Hanson Version Bible

⁹ Shi a chyoi pra ai ni a lagaw, shi shading ya na ru ai; Tara n lang ai ni chyawm gaw, nsin kata e tsin nga na masai; Tinang a atsam n-gun hte dang lu ai kadai n nga ai.

Jinghpaw Common Language Bible 2009

⁹ “Shi gaw sadi sahka myit rawng ai amyu masha ni a asak hkrun lam ni hpe makawp maga ya nga ai, rai ti mung, n hkru ai ni chyawm gaw nsin kata hta hkoi mat na mara ai; masha gaw tinang a atsam hte dang lu ai n rai.

1 SAMUELA 2:9 ပူးပေါင်းရင်းမြစ်များ

YOBA 18:18

Shi hpe nhtoi kaw nna nsin de shachyut kau nna, dinghta ga na shapraw kau ai hkrum na ra ai.

YOBA 40:13

Shanhte hpe ga nhpu hta rau makoi kau mu; shanhte a myi man hpe nsin hta e ka-up da mu:

YOBA 5:16

Shing rai, gawng run ni a matu myit mada shara nga ai; n hkru ai gaw tinang a n-gup hpe pat kau nga ai.

YOBA 5:24

Na a sum ngwipyaw nga ai hpe nang mu nna, na a buga de sa kawan yang, myit hten shara n nga ai.

SHAKAWN KUNGDAWN 1:6

Kaning rai nme law, dinghpring ai ni a lam hpe Yehowa chye nga ai; Tara n lang ai ni a lam chyawm gaw, hten mat na ra ai.

SHAKAWN KUNGDAWN 105:37

Shi a masha ni hpe aja, gumhpraw hte shapraw woi wa nna, Shi a amyu hta kataw ai mi n nga ma ai.

SHAKAWN KUNGDAWN 121:3

Shi gaw na a lagaw hpe kashawt shangun na, n rai; Nang hpe bau sin ai wa gaw yup wa ai n rai.

SHAKAWN KUNGDAWN 121:5

Yehowa gaw nang hpe bau sin ai wa rai nga ai; Yehowa na a hkra lata a shingnip rai nga ai.

SHAKAWN KUNGDAWN 121:8

Yehowa gaw ya kaw nna prat dingsa e, Na a pru wa ai hte shang wa ai lam bau sin ya na ra ai.

SHAKAWN KUNGDAWN 145:20

Yehowa, shi hpe tsawra ai ni nlang hte hpe bau sin nga ai; Tara n lang ai ni nlang hte hpe jahten kau mu ai.

SHAKAWN KUNGDAWN 31:17

Yehowa e, ngai nang hpe shaga nga nngai majaw, Kaya kahpa ngai n hkrum na nngai. Tara n lang ai ni chyawm gaw, kaya kahpa hkrum nna, Katsan ga e atsin sha nga na mara ai.

SHAKAWN KUNGDAWN 37:28

Yehowa gaw tara ding ai hku tsawra nga nna, Shi a chyoi pra ai ni hpe kau da mu ai n rai: Shanhte prat dingsa e anga nga na ma ai. Tara n lang ai ni a aru arat chyawm gaw, kran kau ai hkrum na mara ai.

SHAKAWN KUNGDAWN 94:18

Ngai gaw, “Nye a lagaw kashawt nga li ai,” nga ai shaloi, Yehowa e, na a chyeju ngai hpe shadaw ni ai.

SHAKAWN KUNGDAWN 97:10

Yehowa hpe tsawra ai ni e, n hkru ai hpe n dawng kau mu; Shi hpe kamsham ai ni a myit masin hpe shi sin nga ai: Tara n lang ai ni a lata na, shi shanhte hpe mawai la mu ai.

GA SHAGAWP 16:9

Masha gaw tinang sa wa ai lam myit yu timung, Yehowa gaw shi a lagaw hpe htawt shangun wu ai.

GA SHAGAWP 2:8

Shi gaw tengman ai ni a matu hpaji madung mahkawng da nga ai: Myit tsup ai ni a n-gang shi rai nga ai.

GA SHAGAWP 3:26

Kaning rai nme law, Yehowa gaw na a kam hpa shara rai nga nna, Na a lagaw hpe sharen da ai n hkrum hkra, bau sin nga ai.

HPAJI NINGLI 5:17

Shi gaw prat tup nsin e shat sha ai hte, grai wa nji nmu, machyi makaw, kahtet kamawt hkrai, hkrum sha nga ai.

HPAJI NINGLI 9:11

Bai, jan a npu e mada yu yang, gat lawan chye ai majaw sha, gat shingjawng dang ai, n rai; n-gun ja ai majaw sha, hpyen majan dang lu ai n rai; hpaji byeng-ya majaw sha, shahpa lu ai, n rai; chye chyang ai majaw sha, sutgan lu ai, n rai; maka kumla pru ai majaw sha, myi man pa na, n rai: aten ladaw hte, ang wa ai hte maren, shanhte mahkra a matu byin ang wa ai hpe, ngai mu nngai.

ESAIA 27:3

Ngai Yehowa gaw sun sin ai wa rai nngai; n sim n sa ntsin jaw we ai; kadai n jahten lu hkra, ngai shani shana sin na we ai.

ESAIA 47:5

Hkalde a shayi sha e, nsin sin ai shara e shang nna, atsin sha dung nga u: ya kaw nna nang hpe, Mungdan ni a du jan, n nga na masai.

YEREMIA 8:14

Anhte hpa majaw dung nga ga ta? zuphpawng ga; bunghku kum ai mare ni hta shang nna, atsin sha nga ga; anhte gaw Yehowa hpe shut kau ai majaw, anhte a Karai Kasang Yehowa gaw anhte hpe atsin sha nga shangun nna, gung hte kayau ai ntsin lu shangun mi ai.

YEREMIA 9:23

Yehowa ning nga ai: “Hpaji rawng ai wa gaw, tinang a hpaji hta hkum gumrawng u ga; n-gun rawng ai wa gaw tinang a n-gun hta hkum gumrawng u ga; sut su ai wa gaw tinang a sutgan hta hkum gumrawng u ga:

NAHUM 1:8

shi gaw Ninewe mare hpe mawru ru ai hte, shamyit kau nna, hpyen ni hpe nsin sin ai shara de shachyut kau na ra ai.

ZEHPANI 1:15

Dai nhtoi gaw, sindawng kahtet ai nhtoi, ru tsang ai hte kyin dut hkrum ai nhtoi, shingran katsi ai hte marawng marang shabyin ai nhtoi, nsin sin ai hte sin mak ai nhtoi, sumwi mung ai hte nsin htat ai nhtoi,

ZEHKARIA 4:6

Shaloi dai wa gaw, “Da ndai gaw, N-gun atsam hte n rai, hpung shingkang hte n rai, nye a Wenyi hte sha dang lu na ra ai,” nga nna Zaw nawng zaw wa up ai Yehowa tsun ai hte, Zerubabela hpang de du ai Yehowa a mungga rai nga ai.

BU HKAWM 6:24

“Yehowa nang hpe shaman ya nna, bau sin nga u ga;

MAHTE 8:12

Dai mungdan a kashu kasha ni chyawm gaw, shinggan de na nsin hta shaden bang kau ai hkrum na mara ai: dai yang e, hkrap ngu hkrap ngoi ai hte wa urin udik rai nga na mara ai,” ngu mu ai.

ROMA 3:19

N-gup yawng mayawng hpe sha-ip kau lu nna, mungkan ting hte gaw Karai Kasang a man e mara rawng ai tai nga mu ga, jep ai tara hta tsun matsun hte, jep ai tara npu e nga ai ni hpe a tsun nga ai gaw, anhte chye nga ga ai:

TARA JAHPRANG 33:3

Rai sa, dai amyu ni hpe shi tsawra wu ai. Shanhte a chyoi pra ni yawng, na a lata hta rai nga ai: Na a lagaw nhpang e shanhte dung ma ai; Na a mungga madat la nga ma ai.

1 PETRU 1:5

hpang jahtum ai nhtoi e dan pru u ga, nga nna lajang da sai hkye hkrang la ai chyeju hpe hkam la lu na hte, kamsham ai myit marang e, Karai Kasang a n-gun lagaw hte makawp maga hkrum nga ai, nanhte a matu mara, dai sali wunli gaw, sumsing lamu hta e kyem da nga ai.

2 PETRU 2:17

Shanhte gaw, hka n rawng ai hka htung ni hte, nbung e shapoi ai sai wan rai nga ma ai rai nna, dai chyang htat nna mang nga ai nsin gaw, shanhte a matu mara mazing da nga ai.

YUDA 1:1

Yesu Hkristu a mayam hte, Yaku a kanau, ngai Yuda gaw, Kawa Karai Kasang hta tsawra nna Yesu Hkristu a matu bau sin hkrum ai, shaga da ai ni hpe, ga shana dat nngai:

YUDA 1:13

tinang a kaya kahpa hpe hkumbawp zawn shabawp ma ai, nawng na hta wa ai hka leng ni hte, prat dingsa na chyang htat ai nsin hta e rim da hkrum ai, pran mat ai shagan ni zawn, shanhte rai nga ma ai.

YUDA 1:3

Tsawra ai ni e, anhte guji gumyu a hkye hkrang la ai lam, nanhte hpe ka da na, ngai shaja nga nngai shaloi e, chyoi pra ai ni kaw lang lata sha ap ya da ai makam masham lam a matu mara gasat shakang na, nanhte hpang de ka dat nna shadum jahprang shara nga ai, ngai mu hkrup nga nngai.

1 SAMUELA 25:26

Ya rai timung, nye a madu e, masha asak sat na de n sa n ga hte, tinang myit machyu nna, matai n htang n ga, Yehowa nang hpe hkum da nit dai majaw, Yehowa ahkrung nga nna, nang madu ahkrung nga ai hte maren, na a hpyen ni hte nang hpe jahten maw ai ni gaw, Nabala zawn, rai nga mu ga.