1 SAMUELA 2:6 - Jinghpaw Hanson Version Bible

⁶ Katsan ga de jahkrat kau ai hte sharawt la ai wa rai nga ai.

Jinghpaw Common Language Bible 2009

⁶ Dai Madu gaw sat kau ai hte asak bai jahkrung ya nga ai; shi gaw amyu masha ni hpe katsan ga de shayu kau nna, shanhte hpe bai woi la nga ai.

1 SAMUELA 2:6 ပူးပေါင်းရင်းမြစ်များ

1 HKAWHKAM 17:22

Yehowa mung Elia a ga hpe madat mara ya nna, dai ma a nsoi nsa gaw shi hta bai shang wa ai hte, shi prawn wa sai.

2 HKAWHKAM 5:7

Ya Israela hkawhkam wa dai laika hpe hti ngut jang, shi a hpun palawng gang je kau nna,” Ataw, ngai gaw sat kau lu ai hte jahkrung ya lu ai Karai daw rai nga ai majaw, ndai wa a manggang shamai ya u ga nga, shi ngai hpang de shangun dat a hka? Gaja wa shi gaw ngai hpe jahte tam nga ai gaw, matsing da mu,” nga ai.

YOBA 5:18

Shi gaw jahpye ya nna, ahkyen kayawp ya nga ai, shi hkala kau nna, shi a lata hte shamai ya nga ai.

SHAKAWN KUNGDAWN 116:3

Si ai sumri ni ngai hpe kawan nga nna, Katsan ga na ru tsang ai ngai hpe lep ni ai: Ruyak ai hte nni nkri ngai hkrum nga nngai.

SHAKAWN KUNGDAWN 30:4

Yehowa a chyoi pra ai ni e, shi hpe shakawn mu, Shi a chyoi pra ai masat dingsat hpe mahkawn mangoi mu.

SHAKAWN KUNGDAWN 68:20

Karai Wa gaw anhte hpe hkye hkrang la ai Karai Wa, rai nga ai, Madu Yehowa mung, si ai kaw na pru wa lu ai lam, hpaw ya nga ai.

SHAKAWN KUNGDAWN 71:20

Tsin-yam tsindam kaba law law anhte hpe madun ai wa e, Nang anhte hpe bai shalan shabran la nna, Ga a sung htum ai kaw na bai sharawt la na ndai.

HPAJI NINGLI 3:3

sat kau ai aten hte, nma shamai ai aten mung nga ai; run kau ai aten hte, nta gap na aten mung nga ai;

ESAIA 26:19

Na a si ai masha ni bai hkrung na mara ai; nye a moi mang ni bai rawt na mara ai: ga nhpu hta shanu nga ai ni e, hprang nna mahkawn mangoi mu; kaning rai nme law, nang hta hkrat ai mari gaw, namlaw namlap hta hkrat ai mari hte bung nna, lamu ga gaw si mat ai ni hpe bai shapraw na ra ai.

EZEKELA 37:12

Dai rai nna myihtoi htoi let, shanhte hpe htawn tsun u, ‘Madu Yehowa ning nga ai: Nye a amyu e, yu u, nanhte a lup ni hpe ngai hpaw nna, nanhte hpe shapraw la nhtawm, Israela mung de nhtang woi wa na nngai.

EZEKELA 37:3

Shing rai shi gaw, “Masha kasha e, ndai nrut nra ni gaw hkrung lu na a ni?” nga nna ngai hpe san yang, ngai gaw, “Madu Yehowa e, nang chye nga ndai,” ngu nna htan we ai.

MAHTE 12:40

Yona gaw shani masum ya hte shana masum na du hkra, dai nga kaba a kan kata e rawng nga ai hte maren, dai Masha Kasha mung, shani masum ya hte shana masum na du hkra, ga sung ai kata e rawng nga na ra ai.

YAWHAN 11:25

Bai Yesu gaw, “Ngai gaw bai hkrung rawt ai lam hte asak hkrung ai lam rai nga nngai:

TARA JAHPRANG 32:39

Ngai dai, ngai nan, Karai wa rai nga nngai, Ngai hta kaga, Karai shaje n nga ai gaw, yu yu mu: Jasi ai mung, ngai, jahkrung ai mung, ngai, Jahpye ai mung, ngai, shamai ai mung, ngai, Nye lata na kadai n shaw la lu ma ai.

SHINGRAN 1:18

ahkrung nga ai wa mung, ngai rai nga nngai; ngai si ni ai rai timung, yu u, htani htana prat dingsa e ngai ahkrung nga nngai: si hkrung si htan mungdan a sumsaw hte, katsan ga na sumsaw ngai lang nngai.

1 SAMUELA 20:3

Dawi gaw, “Ngai na a jinghku rai nga ai, na nwa chye da wu ai majaw, Yonahtan yawn na hpe tsang ai, ndai amu hkum chye shangun mu, nga nna shi tsun da nu ai. Gaja wa, Yehowa ahkrung nga ai hte, nang mung hkrung nga ndai hte maren, ngai hte si hkrung si htan a lapran gaw, kalang htawt sha rai sali ai,” ngu nna dagam ai hte tsun wu ai.