1 SAMUELA 2:4 - Jinghpaw Hanson Version Bible

⁴ Share ni a ndan daw mat nna, Kataw mat sai ni mahtang, n-gun atsam kyit nga masai.

Jinghpaw Common Language Bible 2009

⁴ N-gun ja ai hpyenla ni a ndan ni daw mat sai, rai ti mung n-gun kya ai ni n-gun ja nga ai.

1 SAMUELA 2:4 ပူးပေါင်းရင်းမြစ်များ

SHAKAWN KUNGDAWN 18:39

Nang ngai hpe majan gun na n-gun hte shingkyit kyit ya nna, Ngai hte nhtan shai ai ni, nye a npu e kadawng taw nga ma ai.

SHAKAWN KUNGDAWN 37:15

Shanhte a nhtu tinang a salum hta htinggrang wa nna, shanhte a ndan ni mung agrawp mat na malu ai.

SHAKAWN KUNGDAWN 37:17

Tara n lang ai ni a lata hpe agrawp kau ai hkrum na ra ai, Dingman ai ni hpe chyawm gaw, Yehowa shadaw da nga mu ai.

SHAKAWN KUNGDAWN 46:10

Amu sha nga mu, ngai Karai Kasang rai nga nngai, chye mu. Amyu baw ni hta ngai galu kaba wa nna, Ga ntsa e dan hkung nga na nngai.

SHAKAWN KUNGDAWN 46:9

Ga ting hta na hpyen majan shi jasim kau wu ai; Ndan pala hpe shi daw kau nna, Ri hpe kahtum kadaw di kau wu ai: Hpyen leng ni hpe wan hte nat kau mu ai.

SHAKAWN KUNGDAWN 76:3

Dai yang e, ndan myihprap ni hte, N-gang, nhtu hte hpyen rai ni hpe, Shi agrawp kau nu ai. [Selah.]

ESAIA 10:4

Ngai n lawm yang, bawng dung ai ni npu e shanhte gum dagup nna, sat kau hkrum ai ni a npu e taw na mara ai; rai timung, shi a pawt sindawng ai gaw sim wa sai n rai; shi a lata naw a ladawn nga ai.

ESAIA 40:29

Shi gaw n-gun yawm ai ni hpe n-gun shaja nna, atsam n rawng ai ni hpe, atsam shalaw wu ai.

YEREMIA 37:10

Dai hta n-ga, nanhte hpe gasat ai Hkalde luksuk laba ni mahkra hpe nanhte dang kau nna, hkala nba hkrum ai ni hkrai ngam nga timung, shanhte langai hte langai tinang janghpang hta na rawt nna, ndai mare hpe nat kau na mara ai, nga ai.

YEREMIA 51:56

jahten shabyak ai wa gaw, gaja wa, Babelon mare ntsa e sa du nna, shi share ninghkrin ni rim la hkrum ai hte, shanhte lang ai ndan ni agrawp kau ai hkrum nga ai: kaning rai nme law, Yehowa gaw matai htang ai Karai Kasang rai nga nna, shi teng teng matai htang na ra ai.

2 KORINHTU 12:9

Dai rai nna shi gaw, “Nye a chyeju gaw na a matu ram nga ai; masha a gawng kya ai hta nye a n-gun atsam hkum tsup nga ai,” nga nna ngai hpe tsun ni ai. Dai re ai majaw, Hkristu a n-gun atsam gaw nye a ntsa e a up nga u ga, nye a gawng kya ai hta grau nna ngai gumrawng na ra nga nngai.

EHPESU 6:14

Dai rai nna, nanhte a nshang hpe tengman ai hte kyit nna, dinghpring ngu ai sinda magap hpe dagap nhtawm,

HPILIPI 4:13

ngai hpe n-gun lagaw shaja ya ai wa a majaw, lam shagu hpe ngai hkam lu nngai.

HEBRE 11:32

Dai hta kaga ngai hpa naw tsun na rai ta? kaning rai nme law, Gidon, Barak, Samson, Yephta, Dawi, Samuela hte hte myihtoi ni a lam hkai dan na nga yang, nye a aten n dang law nga ai:

HEBRE 11:34

wan nsa hpe sat kau lu ma ai, ri nhtu hta na lawt lu ma ai, gawng kya ai shani e n-gun shaja ya ai lu la ma ai, majan shani e share lu ma ai hte masha tsasam ni a luksuk ni hpe jahtaw kau lu ma ai.