1 SAMUELA 2:3 - Jinghpaw Hanson Version Bible

³ Grang dagat ai ga hkum tsun manit, Tinang n-gup na gumrawng ai gaw hkum shapraw manit: Yehowa chye ningchyang Karai rai nga ai, Amu lam magup hpe shen yu nga ai.

Jinghpaw Common Language Bible 2009

³ Nanhte a ja ja shakawng ga tsun ai hpe jahkring kau mu; nanhte a gumrawng gumtawng ai ga hkum ni hpe shazim kau mu. Dai Madu gaw chye ningchyang Karai Kasang rai nga ai; shi gaw amyu masha ni galaw ai amu yawng mayawng hpe jeyang ya nga ai.

1 SAMUELA 2:3 ပူးပေါင်းရင်းမြစ်များ

1 HKAWHKAM 8:39

nang gaw sumsing lamu e nga ai, na shanu shara hta madat mara ya mi; nang masha myit masin hpe chye ya nga ai hte maren, yubak hpe raw dat kau ya nna, langai hte langai hte hpe amu bungli galaw ai hku hkan nna htang ya mu; nang chyu sha shinggyim masha ni a myit masin hpe chye ya nga ndai.

YOBA 31:6

Karai Wa nye myit tsup ai hpe chye lu hkra, man ai joi hta ngai hpe shen yu u ga.

SHAKAWN KUNGDAWN 147:5

Anhte a Madu galu kaba nga ai rai nna, Shi a hpung shingkang mung galu kaba nga ai; Shi myit ai lam kadai n dang gawn lu ai.

SHAKAWN KUNGDAWN 17:10

Shanhte matsan dum ai lam pat kau nna, Gumrawng gumtawng ga a tsun nga ma ai.

SHAKAWN KUNGDAWN 31:18

gumrawng nna shatan nhkan ai ga hte Dinghpring ai ni hpe, n gawn n sawn hku masu ai nten gaw, ma-a mat malu ga.

SHAKAWN KUNGDAWN 44:21

Kraw e makoi da ai hpe chye ai Karai Kasang, Dai hpe sawk yu na, n rai ni?

SHAKAWN KUNGDAWN 75:5

Tsaw ai de nrung hkum sharawt da myit, Du ja ai hte ga hkum tsun nga myit,” nga nna ngai shanhte hpe tsun da ni ai.

SHAKAWN KUNGDAWN 94:4

Shanhte ga galu galang tsun nna, grang nga ma ai; Shut hpyit ai hku galaw ai ni nlang, lila ga tsun ma ai.

GA SHAGAWP 16:2

Masha a man e tinang lam yawng san pra nga ai; Yehowa chyawm gaw wenyi hpe shen yu nga ai.

GA SHAGAWP 24:12

“Anhte n chye ga ai,” nga timung Myit masin hpe shen yu ai wa gaw, n matsing na a ni? Na a wenyi hpe bau sin ai wa gaw, n chye na rai ni? Masha langai hte langai hpe, tinang amu hte maren, htang jaw na, n rai ni?

GA SHAGAWP 8:13

Yehowa hpe hkrit kamyin ai myit gaw, yubak hpe n dawng nga ai; Gumrawng gumtawng ai, myit kaba ai, n hkru ai lam hte, Masu magaw chye ai n-gup hpe ngai n dawng nngai.

ESAIA 26:7

Dinghpring ai ni a lam gaw malang ai lam rai nga ai; nang gaw dinghpring nga nna, myit malang ai ni a lam lajang nga ndai.

ESAIA 37:23

Nang gaw kadai wa hpe matsa jahpoi kau wu ni? kadai wa hpe na a nsen sharawt nna, na a myi man hte gumrawng gumtawng di kau wu ta? Israela a Chyoi Pra re ai Wa hpe rai nga a hka!

YEREMIA 17:10

langai hte langai hpe tinang a arawn alai hte maren, tinang hkam ang ai shabrai karan jaw na matu, ngai Yehowa gaw myit masin hpe sawk yu nna, nhkyun ni hpe manaw yu nngai.

EZEKELA 35:13

Nanhte gaw nanhte a n-gup hte nye a lam ga kaba tsun nna, nye a man e gumrawng grang nga myit dai: ngai dai lam na ni ai.

Daniela 4:37

Ya ngai Nebuhkadneza gaw, sumsing lamu na Hkawhkam wa hpe shakawn kungdawn, shagrau sha-a ai hte, hkungga lara rai nga nngai: shi galaw da ai yawng mayawng tengman nga nna, shi a lam ni dinghpring nga ai: shi gaw gumrawng gumtawng ai ni hpe shagrit kau lu nga ai, nga nna shara shagu mungga shabra dat wu ai.

Daniela 5:27

Tekela ngu ai gaw, nang hpe joi hta shen yu yang, nang yawm nit dai;

MALAHKI 3:13

Nanhte gaw ngai hpe sha-ang let, sheng mareng ga tsun myit dai. Rai timung nanhte gaw, Anhte nang hpe hpa tsun ga ta? nga nna san myit dai.

HEBRE 4:12

Kaning rai nme law, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ningtawng nhtu hta mung grau dai ai hte, myit masin hte wenyi hpe mung, nra hkrihkraw hte laswi hpe mung, dinghkren ginhka chye nna, kraw lawang na myit mamyit hte maw mawn ai hku hpe jeyang hparan ya lu ai.

YAWSHU 22:22

Hpung shingkang rawng ai Karai Kasang Yehowa, Hpung shingkang rawng ai Karai Kasang Yehowa shi nan chye nga ai: Israela masha ni mung chye lu na marin dai: Anhte gumlau mayu nna, Yehowa hpe tawt lai myit rawng nna, Yehowa a lam hta na dam mat wa na ngu nna tawn hkungri galaw ai she rai saga yang gaw, dai ni jang hkrum sha n ga:

SHINGRAN 2:23

Shi a kashu kasha ni hpe si lam hte ngai sat kau na we ai: shaloi, nhkyun hte kraw lawang hpe sawk yu ai wa ngai rai nga nngai gaw, Hpung ni yawng chye lu n mara ai: nanhte hta na langai hte langai hte hpe, tinang ni a amu hte maren ngai htang jaw na made ai.

TARA AGYI 9:38

Zebula chyawm gaw, “Anhte Abimelek a magam gun na gaw, shi kadai rai ta? nga nna, nang tsun ai n-gup ya kanang rai salit ta? wora ni gaw, nang n gawn n sawn ngu ai ni, n rai nga a ni? Ya pru nna, shanhte hpe hkap gasat u,” ngu nna shi hpe tsun wu ai.

1 SAMUELA 16:7

Yehowa chyawm gaw, “Shi a myi man, shi a hkum shing-yan hkum yu et; ngai shi e n la we ai; Yehowa gaw masha mu de nna mu ai n rai; masha gaw ahpraw asam sha yu chye ma ai, Yehowa chyawm gaw myit masin she yu ai,” ngu nna Samuela hpe tsun wu ai.