1 SAMUELA 2:29 - Jinghpaw Hanson Version Bible

²⁹ Nye nta e ngai hkang da ai hkungga hte nye shadung kumhpa hpe, hpa rai htawng kau myit ta? nye a amyu Israela masha ni jaw jau ai kumhpa yawng mayawng hta na, kaja htum ai arai ni hpe hkru hkru kat kat sha shangun nna, na nsha ni hpe nye ntsa e hpa rai shagrau n ta?

Jinghpaw Common Language Bible 2009

²⁹ Nye a amyu masha ni kaw ngai hpyi ai shagu hkungga hte hkungga ni hpe hpa majaw sha marim mayu ai myit hte yu myit ni? Eli e, Nye a amyu masha ni ngai hpe nawng ya ai shagu hkungga ni yawng hta na kaja htum ai arai ni hpe hkru hkru kat kat sha shangun let na a kasha ni hpe ngai hta grau hkra hpa majaw shagrau da n ni?

1 SAMUELA 2:29 ပူးပေါင်းရင်းမြစ်များ

2 HKAWHKAM 12:6

hkinjawng ni langai hte langai tinang hte chye chyap ai ni kaw na lahkawn la nhtawm, dai nta hta hten run ai shara shagu hkan e galaw lajang mu, ngu nna hkang da mu ai.

SHAKAWN KUNGDAWN 26:8

Yehowa e, na a nta a htingra hte, Na a hpung shingkang dan hkung ai shara hpe, ngai tsawra nngai.

EZEKELA 13:19

Masu ga madat mayu ai nye a amyu masha ni hpe nanhte masu kau nna, n si ging ai ni hpe sat kau, si ging ai ni hpe mahtang jahkrung da ai majaw, nanhte gaw muk-yaw mam latup mi hte muk n-gup mi a jaw e, nye a amyu masha ni a man e ngai hpe jahpoi kau myit dai.”

EZEKELA 34:10

Madu Yehowa ning nga ai: Sagu rem ni hpe ngai hkap daw na nngai: nye a sagu ni hpe shanhte a lata na ngai hpyi la nna, sagu rem aya dawm la na nngai; sagu rem ni gaw htawm hpang de tinang hkum hpe bau lu na, n rai: nye a sagu ni gaw htawm hpang de shanhte a shahpa n tai lu hkra, shanhte a n-gup na sagu ni hpe gare la na nngai.”

EZEKELA 34:2

“Masha kasha e, Israela amyu a sagu rem ni hpe sha-ang nna myihtoi htoi u; myihtoi htoi nna sagu rem ni hpe htawn tsun u, “Madu Yehowa ning nga ai: Tinang hkum hpe sha bau ai Israela sagu rem ni gaw, dingnye lu mu ga; sagu rem wa gaw, sagu ni hpe bau mai ai, n rai ni?

HOSEA 4:8

Nye amyu masha ni a yubak gaw, shanhte a galaw lu galaw sha shara rai nga ai: dai ni a shut hpyit ai hta, shanhte myit manoi nga ma ai.

JAW JAU 19:15

Tara jeyang ai lam hta n sun n ang ai hku dawdan ya lu na n rai; matsan jahkrai hpe mung n maga, kaba ai wa a myi man mung n tau ai sha, tengman ai hku hkan nna na a baw sang lapran jeyang ya lu na rai ndai.

MIHKA 3:5

Nye a amyu masha ni hpe lam shadam let, hkru hkru sha lu jang, Nang ngwipyaw nga ndai, nga nna mung, n galaw daw ai wa hpe, Nang hpyen hkrum na ndai, nga nna tsun jahtau ai myihtoi ni a lam, Yehowa ning nga ai:

MAHTE 10:37

Kadai mung, ngai hpe tsawra ai hta, kanu kawa hpe grau nna tsawra ai wa gaw, ngai hte n ging n dan nga ai: ngai hpe tsawra ai hta, shayi shadang sha hpe grau nna tsawra ai wa mung, ngai hte n ging n dan nga ai.

MAHTE 22:16

Shaloi shanhte gaw, tinang a sape ni hte Herodi ngu ai ni hpe shi hpang de shangun dat mu ai rai nna, “Sara e, nang tengman nga ndai hte, Karai Kasang a lam hpe teng teng sharin shaga nga ndai rai nna, masha a myi man hpe n tau yu ai sha, kadai hpe mung nang n agam nga ndai gaw, anhte chye nga ga ai:

LUKA 14:26

“Ngai kaw sa du ai wa kadai mung, tinang a kanu kawa, madu jan kasha ni hte, kahpu kanau kajan ni hpe mung, dai hta n ga tinang a asak hpe mung, n dawng n rai yang gaw, dai wa gaw nye a sape n tai lu ai.

ROMA 16:18

Kaning rai nme law, shing re ai ni gaw, anhte a Madu Hkristu hpe n daw jau ai wa, tinang kan a matu sha tsang ma ai rai nna, naw kaja nga ai ni a myit hpe ga sau ga pyaw hte hkalem kau ma ai.

2 KORINHTU 5:16

Dai re ai majaw, ya kaw nna anhte kadai hpe mung hkum shan ahpraw hpe tau yu yang, n chye nga ga ai; Hkristu a hkum shan ahpraw hpe pyi anhte chye lu saga ai rai timung, ya kaw nna dai zawn hpa n chye ga ai.

TARA JAHPRANG 32:15

Yeshurun chyawm ga hpum sau nna lahkat wu ai: Hpum sau ai hte shing-yan bawng nna di di tawng tawng nang rai nga ndai; Dai rai ti, hpan wa Karai hpe shi kau da nna, Shi e hkrang la ai Lunghkrung hpe n sawn wu ai.

TARA JAHPRANG 33:9

Shi gaw kanu kawa hpe pyi, kanu kawa n nga, Tinang hpunau wa hpe mung n da, Kashu kasha hpe pyi n chye, nga hkra, Na a mungga madat mara nna, Na a ga shaka hkan nang masai.

YAKU 3:17

Ntsa de na hpaji byeng-ya chyawm gaw, shawng npawt e san seng ai rai nga ai; dai hpang e, htingrai htingrat chye ai, sumnung ai, shingdi ai, matsan dum ai hte kaja ai asi hte hpring nga ai, gale galau n re ai hte hpyi hpun n chye ai hpaji byeng-ya rai nga ai.

YAWSHU 18:1

Ya Israela kashu kasha shawa hpung ting gaw, Shilo mare e zuphpawng nna, dai yang e dai shawa sum sharawt mu ai: mung ting gaw shanhte a man e grit mat ma ai.

1 SAMUELA 3:13

Kaning rai nme law, dai wa a kasha ni tinang hkum shayuk ai du hkra, tinang a n shawp ai yubak mu chye ninglen, shan hpe n hkum kau ai majaw, shi a nta masha ni hta ngai tut tut ari jaw na, ngu nna ngai tsun se ai.