1 SAMUELA 2:26 - Jinghpaw Hanson Version Bible

²⁶ Ma Samuela chyawm gaw, kaba wa nna, Yehowa man e mung, masha a man e mung, myi man pa nga ai.

Jinghpaw Common Language Bible 2009

²⁶ Dai ma Samuela chyawm gaw matut kaba wa nna dai Madu a man e mung, masha a man e mung myi man pa nga ai.

1 SAMUELA 2:26 ပူးပေါင်းရင်းမြစ်များ

NINGPAWT NINGHPANG 39:4

Yawsep mung shi a man e myi man pa ai rai nna, shi a madu hpe galaw jau nga ai; shi a madu mung, nta ting hta shi hpe dinghku madu shangun nna, arai mahkra gaw shi a lata hta ap da wu ai.

GA SHAGAWP 3:3

Chyeju myit hte kangka re ai myit hkum kau da et; Dai hpe na a du hta gali nga u, Na a kraw lawang lungpa hta tawk ka da u.

GA SHAGAWP 3:4

Shing rai yang, Karai Kasang a man e mung, masha a man e mung, Nang myi man pa nna, kajai gumhkawng ai hkrum na ndai.

LUKA 1:80

Dai ma mung kaba wa nna, wenyi atsam hta ja wa let, Israela masha ni kaw dan pru ai nhtoi du hkra, nam mali hkan e nga nga ai.

LUKA 2:40

Dai ma gaw kaba wa ai hte n-gun lapyin ja wa nna, hpaji byeng-ya hte hpring nga ai; Karai Kasang a chyeju mung, shi a ntsa e anga nga ai.

LUKA 2:52

Yesu gaw hpaji byeng-ya kunghpan wa ai hte, gawng shing-yan kaba wa nna, Karai Kasang a man e mung, masha a man e mung, myi man pa wa nga ai.

KASA 2:47

Karai Kasang hpe shakawn kungdawn let, kabu gara ai hte myit tsup rai lusha shahpa sha ma ai; masha mahkra a man e mung myi man pa lu ma ai. Dai Madu mung, hkye hkrang la hkrum ai ni hpe, shani shagu shanhte hta jat wa shangun ya mu ai.

ROMA 14:18

Dai hku hkan nna Hkristu a bungli gun hpai ai wa gaw, Karai Kasang a man e sharawng awng ai hkrum nna, masha a man e mung awlaw ai hkrum nga ai.

TARA AGYI 13:24

Dai numsha mung, shadang sha shangai nna, shi a amying Samson ngu nna dai daw mu ai; dai ma kaba wa nna, Yehowa shi e shaman ya wu ai.

1 SAMUELA 2:21

Yehowa mung Hana hpe mada mara yu wu ai rai nna, shi na-um nasin rai wa ai; shing rai, shadang sha masum, shayi sha lahkawng, bai shaprat wu ai. Ma Samuela mung Yehowa man e kaba wa ai.

1 SAMUELA 3:19

Samuela chyawm gaw kaba wa nna, Yehowa shi hte rau rai nga ai; shi a ga langai mi muk, ga jahkrat ya wu ai n rai.