1 SAMUELA 2:25 - Jinghpaw Hanson Version Bible

²⁵ Masha langai hte langai chyaw shut hkat ai rai yang gaw, Karai Kasang dawdan ya na rai nga ai; rai timung, Yehowa hpe shut kau yang, dai wa a matu kadai nem ya na rai ta?” ngu nna daru sharin wu ai. Rai timung, shan gaw kaw a ga n madat ma ai: kaning rai nme law, Yehowa mahtang, shan hpe sat kau mayu wu ai.

Jinghpaw Common Language Bible 2009

²⁵ Masha shada da shut hpyit ai rai yang, Karai Kasang hkap makawp ya lu ti mung, Karai Kasang hpe shut hpyit ai rai yang, kadai wa hkap makawp la lu nga a ta?,” ngu nna tsun wu ai. Rai ti mung shan mahtang kawa a ga n madat ma ai majaw, shan hpe sat kau na matu dai Madu daw dan kau nu ai.

1 SAMUELA 2:25 ပူးပေါင်းရင်းမြစ်များ

NINGPAWT NINGHPANG 38:10

Shi galaw ai lam Yehowa a man e n hkru nga ai rai nna, shi hpe mung sat kau wu ai.

NINGPAWT NINGHPANG 38:7

Ya Yuda a kasha alat Era gaw Yehowa a man e n hkru nga ai rai nna, Yehowa shi hpe sat kau wu ai.

1 HKAWHKAM 8:31

“Masha langai ngai tinang htingbu wa hpe shut nna, dagam shara pru ai majaw, ndai nta na tawn hkungri a man e sa dagam ma yang;

1 HKAWHKAM 8:32

nang gaw sumsing lamu hta e madat mara la nna, na a mayam ni hpe tara dara ya mu: shut ai wa hpe mara hte maren shi a baw ntsa e tai u; dinghpring ai wa hpe dat dat nna, shi dinghpring ai hte maren akyu jaw u law.”

2 HKAWHKAM LABAU 10:15

Shing rai hkawhkam wa gaw mung masha ni a ga n madat nga ai; dai lam gaw, Yehowa nan, Shilo masha Ahiya n-gup hte Nebat a kasha Yeroboam hpe tsun da ai ga hpe shagrin da na matu, Karai Kasang kaw nan pru ai lam rai nga ai.

2 HKAWHKAM LABAU 25:16

Dai lam tsun ai majaw hkawhkam wa gaw, “Nang hkawhkam a salang bawng rai n ni? atsin sha nga u; hpa majaw nang hpe sat kau na rai ta?” ngu nna tsun wu yang, myihtoi wa gaw, “Ndai lam nang galaw ai hte, ngai hpaji daw ai gaw n madat ndai majaw, Karai kasang gaw nang hpe shamyit kau na maw nga ai, ngai chye nngai,” ngu nhtawm atsin sha nga nga ai.

YOBA 9:33

An a ntsa e lata mara nna, hkum da lu hkra, an a lapran e htinglu ya ai wa n nga ai.

SHAKAWN KUNGDAWN 51:16

Shagu hkungga nang tsaw nga ndai n rai; Dai n rai taw, ngai jaw na de ai: Wan nat ai hkungga hpe mung nang n ra ndai.

SHAKAWN KUNGDAWN 51:4

Nang tsun nga ai ga dinghpring nga u ga, Na a tara dara ai lam hta mara n kap u ga, Nang hpe chyu sha ngai yubak galaw nna, Na a man e n hkru ai amu galaw ni ai.

GA SHAGAWP 13:1

Hpaji rawng ai kasha gaw, kawa sharin shaga ai, madat nga ai; N kaw n law re ai wa chyawm gaw daru ai ga n madat nga ai.

GA SHAGAWP 15:10

Lam yit ai wa gaw ari kaba hkrum na ra ai; shadum jahprang ai n dawng n yawt ai wa gaw, si na ra ai.

GA SHAGAWP 29:1

Law law lang shadum jahprang timung, tinang du shaja ai wa gaw, Bai n mai lu hkra, alawan agrawp kau ai hkrum na ra ai.

HPAJI NINGLI 3:3

sat kau ai aten hte, nma shamai ai aten mung nga ai; run kau ai aten hte, nta gap na aten mung nga ai;

BU HKAWM 15:30

Israela kashu kasha wa rai timung, amyu kaga wa rai timung, dingsa sa shut ai rai yang gaw, Yehowa hpe n gawn n sawn re ai rai nga ai majaw, dai wa gaw shi a amyu hta na sumri dan kau ya ai hkrum lu na rai wu ai.

TARA JAHPRANG 1:17

Tara dara ai a lam hta masha a myi man tau yu lu na n rai; masha kaji a ga hpe masha kaba a ga zawn madat ya na rai myit dai; kadai wa hpe mung nanhte hkrit agam lu na n rai: kaning rai nme law, tara lam gaw Karai Kasang hte seng nga ai; nanhte n dang lu ai amu chyawm gaw ngai hpang de jashawn marit; ngai dai hpe madat ya na ring ngai,’ gai ngu nna hkang da we ai.

TARA JAHPRANG 2:30

Hesbon hkawhkam Sihon gaw anhte lai wa na ahkang n jaw mi ai: kaning rai nme law, dai ni mu nga ai hte maren, nanhte a Karai Kasang Yehowa gaw, dai hkawhkam wa hpe nanhte a lata hta ap kau na matu, shi a wenyi hpe shaja ya nna, shi a myit hta nhtan jashai ya nu ai.

1 TIMOHTI 2:5

Kaning rai nme law, Karai Kasang langai sha rai nga nna, Karai Kasang hte shinggyim masha lapran e, shinggyim masha rai nga ai Hkristu Yesu ngu ai htinglu ya ai wa langai sha mung rai nga ai.

HEBRE 10:26

Kaning rai nme law, tengman ai a chye chyang ai lam hpe hkam la ngut sayang, yubak hpe dingsa sa galaw ga yang gaw, yubak a matu mara hkungga nawng ya na lam, naw nga sa na n rai:

HEBRE 10:27

dawdan hkrum na nga ai, nachying hkrithpa shara hte, nhtan shai ai ni hpe nat kau na sindawng kahtet ai wan sha, la nga na ra ai.

HEBRE 7:25

Dai rai nna, shi gaw shinggyim masha ni a matu mara tawngban ya nga na, tutnawng e ahkrung nga ai majaw, shi a marang e Karai Kasang kaw sit shang wa ai ni hpe hkum tsup wa hkra, mawai la lu na atsam, shi lu nga ai.

YAWSHU 11:20

Kaning rai nme law, Yehowa Mawshe hpe hkang da ai hte maren, dai masha amyu ni hpe kachyi mi muk matsan n dum ai sha, atsai awai sat nna shamyit kau lu na matu, Israela masha ni hpe hkap daw gasat gwi hkra, Yehowa gaw shanhte a myit hpe shaja ya da mu ai.

1 SAMUELA 3:14

Dai re ai majaw, Eli nta masha ni yubak gaw, hkungga hte shadung kumhpa e sha shaprai lu sai n rai, tut tut rai nga nu ga, ngu nna shanhte a lam ngai dagam kau se ai,” ngu wu ai.