1 SAMUELA 2:21 - Jinghpaw Hanson Version Bible

²¹ Yehowa mung Hana hpe mada mara yu wu ai rai nna, shi na-um nasin rai wa ai; shing rai, shadang sha masum, shayi sha lahkawng, bai shaprat wu ai. Ma Samuela mung Yehowa man e kaba wa ai.

Jinghpaw Common Language Bible 2009

²¹ Dai Madu gaw Hana hpe shaman ya nu ai rai nna, shadang sha masum hte shayi sha lahkawng hte hpe bai shaprat wu ai. Dai ma Samuela mung dai Madu hpe daw jau ai amu galaw let kaba wa nga ai.

1 SAMUELA 2:21 ပူးပေါင်းရင်းမြစ်များ

NINGPAWT NINGHPANG 21:1

Ya, Yehowa a mungga nga ai hte maren Sara hpe shi kawan katsan yu sa ai rai nna, Yehowa tawn da ai ga ndat hte maren Sara hta shadik wu ai.

SHAKAWN KUNGDAWN 127:3

Yu mu, kashu kasha gaw Yehowa jaw ai sali wunli rai nga ai; Kan a nsi naisi shabrai zawn, rai nga ai.

GA SHAGAWP 3:4

Shing rai yang, Karai Kasang a man e mung, masha a man e mung, Nang myi man pa nna, kajai gumhkawng ai hkrum na ndai.

LUKA 1:68

“Dai Madu, Israela Karai Kasang gaw, a nga u ga law; Shi a amyu hpe kawan yu sa nna, hkrang la ai lam waw ya nu ai.

LUKA 1:80

Dai ma mung kaba wa nna, wenyi atsam hta ja wa let, Israela masha ni kaw dan pru ai nhtoi du hkra, nam mali hkan e nga nga ai.

LUKA 2:40

Dai ma gaw kaba wa ai hte n-gun lapyin ja wa nna, hpaji byeng-ya hte hpring nga ai; Karai Kasang a chyeju mung, shi a ntsa e anga nga ai.

LUKA 2:52

Yesu gaw hpaji byeng-ya kunghpan wa ai hte, gawng shing-yan kaba wa nna, Karai Kasang a man e mung, masha a man e mung, myi man pa wa nga ai.

TARA AGYI 13:24

Dai numsha mung, shadang sha shangai nna, shi a amying Samson ngu nna dai daw mu ai; dai ma kaba wa nna, Yehowa shi e shaman ya wu ai.

1 SAMUELA 2:26

Ma Samuela chyawm gaw, kaba wa nna, Yehowa man e mung, masha a man e mung, myi man pa nga ai.

1 SAMUELA 3:19

Samuela chyawm gaw kaba wa nna, Yehowa shi hte rau rai nga ai; shi a ga langai mi muk, ga jahkrat ya wu ai n rai.