1 SAMUELA 2:2 - Jinghpaw Hanson Version Bible

² Yehowa zawn chyoi pra ai kadai n nga ai; Nang hta kaga Karai shaje n nga ai, Anhte Karai Kasang zawn, lunghkrung shaje n nga ai.

Jinghpaw Common Language Bible 2009

² “Kadai mung dai Madu zawn chyoi pra nga ai n rai; shi zawn re ai mi kadai n nga, anhte a Karai Kasang zawn makawp maga la lu ai wa kadai n nga ai.

1 SAMUELA 2:2 ပူးပေါင်းရင်းမြစ်များ

2 SAMUELA 22:3

Karai Wa, nye a lunghkrung, shi hta ngai shingbyi nga nngai; Nye a n-gang, ngai hpe hkye la ai nrung, Nye a langchyi, ngai shingbyi shara: Nye a hkye la ai madu e, adip ahkrip kaw na Nang ngai hpe hkye la nit dai.

2 SAMUELA 22:32

Yehowa hta shaje kadai wa Karai Kasang rai nga a ta? Anhte a Karai Wa hta kaga, kadai wa lunghkrung rai nga a ta?

2 SAMUELA 7:22

Dai re ai majaw, Yehowa Karai Kasang e, nang galu kaba nga ndai law. Anhte na yu sai lam yawng mayawng hte maren, nang hte bung ai mi n nga ai, nang hta kaga Karai Kasang shaje n nga ai.

1 HKAWHKAM 8:23

“Israela Karai Kasang Yehowa e, sumsing lamu lahta tang e mung, ginding aga lawu tsang e mung, nang zawn re ai Karai Kasang gaw n nga ai law; myit masin mahkra hte na a man e hkawm nga ai ali ama ni hpe nang ga shaka hku hte chyeju myit madun dan nga ndai:

SHAKAWN KUNGDAWN 111:9

Shi gaw shi a amyu hta hkye hkrang la ai lam shangun dat wu ai; Shi a ga shaka htani htana e dinggrin rai nga ai; Shi a amying chyoi pra ai hte hkrithpa rai nga ai.

SHAKAWN KUNGDAWN 18:2

Yehowa gaw nye a lunghkrung, nye a hpyen dap, nye a hkye hkrang la ai Wa, Nye a Karai Wa, ngai shingbyi nga ai nye a lungpu, Nye a n-gang, nye a hkye la ai nrung, nye a langchyi, rai nga li ai.

SHAKAWN KUNGDAWN 18:31

Yehowa hta shaje kadai wa Karai Kasang rai nga a ta? Anhte a Karai Kasang hta kaga, kadai wa lunghkrung rai nga a ta?

SHAKAWN KUNGDAWN 71:19

Karai Kasang e, na a dinghpring ai gaw grai tsaw nga ai: Magam amu shachyen ai Karai Kasang e, Nang hte kadai wa bung lu na rai nga a ta?

SHAKAWN KUNGDAWN 71:3

Nye a matu, ngai galoi mung shang lu na, grin ai lungpu tai u; Nye a lunghkrung hte ngang ai wahpang nang rai nga ndai majaw, Ngai hpe hkye hkrang la na ga nang hkang da nit dai.

SHAKAWN KUNGDAWN 73:25

Sumsing lamu hta e, ngai kadai hpe lu nga n ta? Nang hpe lu yang ngai mungkan ga hpe hpa n ra nngai.

SHAKAWN KUNGDAWN 86:8

Madu e, Hpara ni hta e nang hte bung ai mi, n nga ai, Na a amu zawn re ai mung n nga ai.

SHAKAWN KUNGDAWN 89:6

Lamu sumwi hta e Yehowa hte kadai wa bung nga a ta? Hpara kasha ni hta Yehowa hte kadai wa pre nga a ta?

SHAKAWN KUNGDAWN 89:8

Zaw nawng zaw wa up ai Karai Kasang Yehowa e, Nang zawn n-gun rawng ai gaw, kadai wa rai nga a ta? Na a sadi sahka nang hpe shinggrup nga ai.

SHAKAWN KUNGDAWN 99:3

Na a kaba ai hte hkrit mai ai amying nsang hpe, Shanhte shakawn kungdawn nga mu ga: shi gaw chyoi pra nga ai.

SHAKAWN KUNGDAWN 99:5

Anhte a Karai Kasang Yehowa hpe shagrau mu, Shi lagaw mara ai lahkum makau e nawku mu: Shi gaw chyoi pra nga ai.

SHAKAWN KUNGDAWN 99:9

Anhte a Karai Kasang Yehowa hpe shagrau mu, Shi a chyoi pra ai bum hta e nawku mu: Anhte a Karai Kasang Yehowa gaw chyoi pra nga ai law.

PRU MAT 15:11

Yehowa e, hpara ni hta nang zawn re ai kadai wa nga na a ta? Mauhpa ningsam madun let, shakawn ging ai hkrithpa lam shapraw nna, Chyoi Pra ai hta dan hkung nga ai wa, nang zawn re ai kadai nga a ta?

ESAIA 40:18

Dai rai nna Karai Wa hpe hpa hte shadawn na myit ta? Shi hpe hpa hkrang sumla hte shabung na myit ta?

ESAIA 44:6

Israela hkawhkam Yehowa, Israela hpe Hkye hkrang la ai Madu, Zaw nawng zaw wa up ya Yehowa gaw ning nga ai: “Ngai gaw shawng numshawn hte hpang jahtum na wa rai nga nngai: ngai hta shaje Karai Kasang n nga ai.

ESAIA 44:8

Nanhte hkum tsang myit, hkum hkrit myit; moi shawng kaw nna ngai nang hpe tsun madun da ni ai, n rai ni? nanhte nan nye a sakse ni rai nga myit dai. Ngai hta shaje Karai Kasang nga a ni? Gaja wa, Lunghkrung shaje nga ai gaw, ngai n chye nngai.

ESAIA 57:15

Kaning rai nme law, Htani htana anga nga nna, Chyoi pra mying ai wa, Matsaw Ntsang na Daru Magam rawng ai wa gaw, ning nga ai: “Ngai gaw tsaw htum ai shara hte chyoi pra htum ai shara hta shanu nga nna, myit gyip ai wa a wenyi hpe shalan shabran na matu mung, myit nem ai wa a myit masin hpe shalan shabran na matu mung, myit nem ai wa hte myit gyip ai wa hte rau, ngai shanu nga nngai.

ESAIA 6:3

Langai wa mi langai wa hpe, “Zaw nawng zaw wa up ai Yehowa gaw, chyoi pra, chyoi pra, chyoi pra, rai nga ai; ginding aga ting shi a hpung shingkang hte hpring nga ai law,” nga nna tsun jahtau ma ai.

YEREMIA 10:6

Yehowa e, nang hte bung ai wa kadai n nga ai; nang galu kaba nga ndai; na a mying nsang mung, hpung shingkang hte galu kaba nga ai.

JAW JAU 11:44

Kaning rai nme law, Ngai nanhte a Karai Kasang Yehowa rai nga nngai: Ngai chyoi pra nga nngai majaw, nanhte mung tinang hkum hpe shachyoi shapra nna, chyoi pra nga mu: ga e gumrawt hkawm ai hpa baw dusat amyu hte muk nanhte a hkum hpe hkum wu kau myit.

JAW JAU 11:45

Kaning rai nme law, Ngai gaw nanhte a Karai Kasang tai na ngu nna, nanhte hpe Egutu mung na shaw la ai Yehowa rai nga nngai: dai rai nna, Ngai chyoi pra nga nngai majaw, nanhte mung chyoi pra nga na rai myit dai.

JAW JAU 19:2

Israela kashu kasha ni a shawa hpung ting hpe ning ngu tsun u: Nanhte a Karai Kasang, ngai Yehowa, chyoi pra nga nngai majaw, nanhte mung chyoi pra nga mu.

ROMA 15:4

Kaning rai nme law, anhte shakut sharang nga lu nna, Chyum laika ni a shangwi shapyaw ai ga a majaw myit mada shara nga lu u ga, shawng e ka da ai lam shagu gaw, anhte hpe sharin achyin ya na matu, ka da nga sai.

ROMA 4:8

Madu e yubak n shagun ai wa gaw a nga ai,” nga ai.

TARA JAHPRANG 3:24

‘Yehowa Madu e, Nang gaw na a mayam hpe na a galu kaba ai hte, na a n-gun ja ai lata madun hpang nit dai: nang zawn daru magam bungli hte hpung shingkang amu shapraw lu ai Karai Kasang gaw, sumsing lamu hte ginding aga ntsa e kadai wa nga a ta?

TARA JAHPRANG 32:20

Shi tsun ai gaw, “Shanhte myit magaw ai amyu, Kangka n re ai kashu kasha ni rai ma ai;” Dai majaw, nye a myi man ngai makoi kau nna, Shanhte a lam jahtum hpe ngai yu yu na we ai.

TARA JAHPRANG 32:39

Ngai dai, ngai nan, Karai wa rai nga nngai, Ngai hta kaga, Karai shaje n nga ai gaw, yu yu mu: Jasi ai mung, ngai, jahkrung ai mung, ngai, Jahpye ai mung, ngai, shamai ai mung, ngai, Nye lata na kadai n shaw la lu ma ai.

TARA JAHPRANG 32:4

Dai Lunghkrung, shi a magam hkum tsup nga ai. Shi a lam shagu dinghpring ai lam rai nga ai; Kangka re ai hte mara n rawng ai Karai Kasang, Dinghpring ai hte tengman, shi rai nga ai.

TARA JAHPRANG 4:35

Yehowa chyu sha Karai Kasang rai nga ai hte shi hta kaga Karai Kasang shaje n nga ai gaw nanhte chye lu myit ga she, nanhte hpe dai hte madun ai rai nga ai.

TARA JAHPRANG 4:39

Dai rai nna, Yehowa gaw sumsing lamu lahta tang hte ginding dinghta ga ntsa e Karai Kasang rai nga ai mung, Karai shaje mi n nga sai mung, dai ni dum hprang nna kraw lawang kata e matsing gun nga mu law.

1 PETRU 1:16

kaning rai nme law, Ngai chyoi pra nga nngai majaw, nanhte mung chyoi pra nga myit ga, nga nna ka da nu ai.