1 SAMUELA 19:4 - Jinghpaw Hanson Version Bible

⁴ Shaloi Yonahtan gaw, kawa Shawlu kaw Dawi hpang de maga nna tsun wu ai gaw, “Hkawhkam wa gaw shi a mayam Dawi hpe n shut u ga: shi nang hpe hpa n shut ai; shi galaw ai chyeju mung nang hta grai kaba sai:

Jinghpaw Common Language Bible 2009

⁴ Yonahtan gaw Dawi hpe shakawn let Shawlu hpe, “Madu e, na a shangun ma Dawi hpe n galaw shut kau u ga law. Shi nang hpe galoi mung n galaw shut kau yu wu ai; shing re ai nhtan shai ai amu galaw na malai, shi galaw nu ai lam magup chyawm gaw nang hpe karum la ai lam kaba nga wu ai.

1 SAMUELA 19:4 ပူးပေါင်းရင်းမြစ်များ

NINGPAWT NINGHPANG 42:22

Rubin chyawm gaw, Ma e hkum hkrit myit, ngu nna ngai tsun se ai n rai ni? Nanhte mahtang n madat myit dai; dai rai nna, shi asai galu ra ai, ngu nna shanhte hpe htan wu ai.

NINGPAWT NINGHPANG 9:6

Kadai rai timung, masha a asai hpe hkaw kau ya yang, shi a asai hpe mung, masha a lata hte hkaw kau ya lu na rai nga ai: kaning rai nme law, Karai Kasang gaw shi a hkrang sumla hte maren di nna masha hpe hpan da nu ai.

2 HKAWHKAM LABAU 6:22

“Masha langai ngai tinang htingbu wa hpe shut nna, dagam shara pru ai majaw, ndai nta na tawn hkungri a man e sa dagam a yang,

SHAKAWN KUNGDAWN 35:12

Shanhte kaja ai hpe n kaja ai hte htang ma ai. Nye a myit masin karut nga li ai.

SHAKAWN KUNGDAWN 59:4

Mara n nga timung htim sa wa na, shanhte gat nga ma ai; Ngai hpe karum na rawt nna yu nga e.

GA SHAGAWP 17:13

Kaja ai a malai, n kaja ai htang jaw ai wa gaw, N kaja ai gaw shi a nta hta na prai mat lu na, n rai.

YEREMIA 18:20

Kaja ai a malai n kaja ai, htang mai a ni? shanhte gaw nye a asak matu nhkun htu masai: shanhte kaw na, na a pawt kahtet ai myit dawm mat hkra, shanhte a akyu matu tawngban let, na a man e ngai tsap nga ai hpe dum nga u.

1 KORINHTU 8:12

Dai di yang, hpunau ni hpe shut hpyit nna shanhte a n-gun n ja ai myit nsam hpe machyi shangun myit yang gaw, nanhte Hkristu hpe shut hpyit nga myit dai.

1 YAWHAN 3:15

Shi a kahpu kanau wa hpe n dawng n yawt ai wa kadai rai timung, masha hpe sat kau ai wa rai nga ai: masha hpe sat kau ai wa kadai rai timung, n htum n wai asak shi hta n rawng nga ai, nanhte chye nga myit dai.

1 SAMUELA 2:25

Masha langai hte langai chyaw shut hkat ai rai yang gaw, Karai Kasang dawdan ya na rai nga ai; rai timung, Yehowa hpe shut kau yang, dai wa a matu kadai nem ya na rai ta?” ngu nna daru sharin wu ai. Rai timung, shan gaw kaw a ga n madat ma ai: kaning rai nme law, Yehowa mahtang, shan hpe sat kau mayu wu ai.

1 SAMUELA 20:32

Bai Yonahtan gaw, “Shi hpa majaw si na rai ta? shi hpa shut a ta?” ngu nna kawa hpe htan wu yang;

1 SAMUELA 22:14

Ahimelek chyawm gaw, “Na a shangun ma ni yawng hta, Dawi zawn kangka ai, kadai nga a ta? Na a nhkri mung rai nga ai; na a mung bawng manang, na a hkaw hta arawng grau kaba ai wa shi rai nga ai.