1 SAMUELA 18:9 - Jinghpaw Hanson Version Bible

⁹ Dai shani kaw nna Shawlu gaw Dawi hpe sha a gyam nga nu ai.

Jinghpaw Common Language Bible 2009

⁹ Dai shani kaw nna Dawi hpe yu manawn shatsang ai hte n rup mat wu ai.

1 SAMUELA 18:9 ပူးပေါင်းရင်းမြစ်များ

NINGPAWT NINGHPANG 31:2

Yaku gaw Laban a myi man hpe yu yang mung, shawng de na zawn n rai salu ai.

GA SHAGAWP 27:4

Myit kahtet ai gaw n hkru nga ai, pawt sindawng ai gaw, ladu lai chye nga ai; Nsu nnawn hpe chyawm gaw, kadai dang kau lu a ta?

HPAJI NINGLI 4:4

Bai ngai gaw, masha ni shada da manawn masham hkat ai hpaji byeng-ya amu hte maka kumla amyu myu hpe, sumru yu nngai: dai mung, kaman lila hte, nbung hpe shachyut ai hkrai rai nga ai.

MAHTE 20:15

Nye arai hpe ngai di mayu ai hte maren, n mai di a ni? Ngai mai kaja nga nngai majaw, na a myi akrawn nga lit ni? ngu nna htan wu ai.

MARKU 7:22

hkalem ai, ngang ai, manawn masham ai, shatan nhkan ai, gumrawng ai hte angawk angak re ai myit, pru wa ai:

EHPESU 4:27

nat hpe mung shang shara hkum yen mu.

YAKU 5:9

Hpunau ni e, nanhte dawdan ai n hkrum myit ga, shada da hkum aput angun nga myit; yu mu, tara agyi wa gaw, chyinghka makau e a tsap nga ai.

1 SAMUELA 18:10

Dai hpang jahpawt e Karai Kasang kaw na n hkru ai nat langai mi, Shawlu kaw du nna, shi gaw shi hkaw kata e myihtoi shung nga ai: Dawi mung shawng na zawn tingse dum shapyaw wu ai. Ya Shawlu nri lang da wu ai rai nna,

1 SAMUELA 18:8

Shaloi Shawlu gaw, “Shanhte Dawi hpe mun mun, ngai e gaw hkying hkying sha nga i? Dai mungdan sha n rai yang, kaga hpa jaw lu na ma ta?” nga nna grai pawt bu ai hte ga dai majaw myit n pyaw nga ai.

1 SAMUELA 19:1

Shaloi Shawlu gaw, shi a kasha Yonahtan hte shi a ali ama ni mahkra hpe, Dawi hpe sat kau na lam, tsun da mu ai. Shawlu a kasha Yonahtan chyawm gaw, Dawi hpe nachying tsawra wu ai.