1 SAMUELA 18:5 - Jinghpaw Hanson Version Bible

⁵ Dawi mung, Shawlu shangun ai lam shagu de sa nna, hpaji byeng-ya hte galaw wu ai: Shawlu mung, shi hpe hpyen du shatai wu ai rai nna, dai hpe mung masha ni hte Shawlu a ali ama ni yu kabu nga ma ai.

Jinghpaw Common Language Bible 2009

⁵ Dawi mung Shawlu shi hpe shangun ai lam shagu hta awng dang nga ai majaw Shawlu a hpyen dap hta shi hpe hpyen du shatai da nga ai. Dai lam a majaw Shawlu a du salang ni yawng hte shi a masha ni yu ra sharawng nga ma ai.

1 SAMUELA 18:5 ပူးပေါင်းရင်းမြစ်များ

NINGPAWT NINGHPANG 39:23

Yehowa gaw Yawsep hte rau nga ai rai nna, shi galaw ai lam mahkra Yehowa shabyin ya wu ai majaw, htawng agyi wa gaw shi hte seng ai amu langai mi muk yu ra sai n rai.

2 SAMUELA 5:10

Dawi chyawm gaw grau nna galu kaba jat wa nga ai; kaning rai nme law, Zaw nawng zaw wa up ai Karai Kasang Yehowa gaw shi hte rai nga ai.

2 SAMUELA 5:2

Moi shawng de, anhte a ntsa e Shawlu naw up nga yang nna, nang hkum nan Israela amyu hpe, woi pru woi shang ai wa rai nga nit dai: Yehowa mung, ‘Nang gaw nye a amyu Israela hpe, woi rem na wa hte nye amyu Israela ntsa e Du magam nang tai lu na ndai,’ nga nna nang madu hpe tsun nit dai,” ngu nna sa shang sa wang wu ai.

2 HKAWHKAM LABAU 17:3

Yehosahpat gaw, shawng na kawa Dawi a lam ni hta hkawm nga nna, Bala hpara ni hpe n tam ai majaw, Yehowa gaw shi hte rau rai nga ai.

SHAKAWN KUNGDAWN 1:3

Dai wa gaw hka kau e hkai ai, Shi a aten hta asi si nna, Alap mung n nyip ai hpun hte bung nga ai: Shi galaw ai yawng mayawng mung tai na ra ai.

SHAKAWN KUNGDAWN 101:2

Myit malang ai lam ngai matsing yu na nngai; Nang ngai kaw galoi e du na rin ta? Nye a nta hta hkum tsup ai myit hte ngai hkang nga na nngai.

MAHTE 10:16

Yu mu, chyahkyawn ni a ka-ang de sagu hpe zawn, ngai nanhte hpe shangun dat made ai: dai rai nna nanhte gaw; lapu zawn hpaji rawng nna, hkrudu zawn myit shingdi nga mu.

KASA 7:10

Rai timung, Karai Kasang shi hte rau nga nga ai rai nna, tsin-yam tsindam yawng na shi hpe shaw la ai hte, Egutu hkawhkam Hpara-u a man e chyeju hte hpaji byeng-ya jaw wu ai majaw, dai hkawhkam gaw Egutu mung ting hte hpawn, shi a htingnu madu shangun wu ai.

EHPESU 5:17

Dai rai nna, angawk angak re ai ni hkum tai myit; dai Madu a myit ra ai lam, hpa rai nga ai gaw, chye ginhka nga mu.

KOLOSE 4:5

Shinggan de nga ai ni a man e hpaji byeng-ya hte hkawm nga nna, ahkying aten hpe lata mari la mu.

TARA AGYI 1:19

Yehowa mung Yuda hte rau nga nga ai rai nna, shi gaw bum ga e nga ai ni hpe shachyut kau wu ai: layang ga na ni hpe chyawm gaw hpri leng lu ai majaw n gawt kau lu mu ai.

1 SAMUELA 13:2

Israela masha hkying masum lata la nna, shi nga ai, Mikmasha hte Betela bum ga e masha hkying lahkawng, Ben-yamin ga Gibea mare e Yonahtan kaw, masha hkying mi, tawn da nhtawm, gale ni hpe tinang nta de dat dat mu ai.

1 SAMUELA 14:52

Shawlu a prat tup Hpilisti masha ni hte majan kaba rai nga ai rai nna, Shawlu gaw n-gun ja ai hte nden ja ai masha hkrup mahkrup hpe lata san da wu ai.

1 SAMUELA 18:16

Rai timung, Israela amyu ting hte Yuda amyu Dawi hpe tsawra ma ai; kaning rai nme law, shanhte a man e shi pru wa shang wa rai nga ai.

1 SAMUELA 18:30

Ya Hpilisti du ni sat sa wa ma ai: dai ni pru shagu Dawi gaw, Shawlu a ali ama ni hta grau nna hpaji ai hku galaw law di wu ai majaw, shi a amying grai kajai gumhkawng wa lu ai.

1 SAMUELA 18:4

Yonahtan mung shi a palawng galu raw nna, dai hte hpawn ri nhtu, ndan hte shingkyit Dawi hpe jaw wu ai.

1 SAMUELA 18:6

Shing rai, Dawi Hpilisti ni hpe sat kau ngut nna, bai wa yang, du wa ai Israela mare shagu hkan na, Shawlu hkawhkam hpe tau la na nga, numsha ni kabu gara myit hte mahkawn mangoi let, shupsheng hte tingse dum nna, ka pru wa ma ai.

1 SAMUELA 3:19

Samuela chyawm gaw kaba wa nna, Yehowa shi hte rau rai nga ai; shi a ga langai mi muk, ga jahkrat ya wu ai n rai.