1 SAMUELA 17:7 - Jinghpaw Hanson Version Bible

⁷ Shi a ri numdu gaw dahkaw daram kaba nna, ri lap gaw hpri joi kru li lu ai: shi a n-gang lang ya ai wa mung, shi a shawng e sa wa nga ai.

Jinghpaw Common Language Bible 2009

⁷ Shi lang ai nri gaw da hkaw daram kaba nna, de a ri lap gaw pawng 15 daram li nga ai. Shi a ninggang hpai ya ai hpyenla langai mung shi a shawng e hkawm nga ai.

1 SAMUELA 17:7 ပူးပေါင်းရင်းမြစ်များ

2 SAMUELA 21:16

Dai re ai majaw, Rehpim amyu matu rai nna, magri shekela latsa li ai ri tu lang let, hpyen hking ningnan sumraw ai Ishbi-beno gaw Dawi hpe sat na maw nga ai.

2 SAMUELA 21:19

Bai Goba shara e Hpilisti masha ni hpe gasat mu ai; dai shaloi e Betlehem mare na Yare-oregim a kasha Elhanan gaw, dahkaw daram kaba ai ri numdu lang ai Giti masha Goliat hpe sat kau wu ai.

1 HKAWHKAM LABAU 11:23

Hkum shing-yan dawng manga tsaw ai Egutu masha langai mi hpe mung shi sat kau wu ai: dai Egutu masha a lata hta dahkaw daram kaba ai ri numdu lang nga timung, Benaia gaw dawhkrawng sha lang let, sa wa nna, Egutu masha a lata na ri kashum la nhtawm, dai ri hte shi hpe sat kau wu ai.

1 HKAWHKAM LABAU 20:5

Hpilisti masha ni hte hpyen majan bai baw pru wa ai: dai shaloi e Ya-ira kasha Elhanan gaw dahkaw daram kaba ai ri numdu lang ai Giti masha Goliat a kanau Lami hpe sat kau wu ai.

1 SAMUELA 17:41

Dai Hpilisti wa mung Dawi hpang de sit sa wa ai rai nna, shi a n-gang lang ai wa shi a shawng e sa wa nga ai.