1 SAMUELA 17:53 - Jinghpaw Hanson Version Bible

⁵³ Israela masha ni chyawm gaw Hpilisti masha ni hpe hkan shachyut ai kaw na bai wa nna, shanhte a dap na rai ni hpe magawn la mu ai.

Jinghpaw Common Language Bible 2009

⁵³ Israela amyu masha ni chyawm gaw Hpilisti masha ni hpe hkan shachyut ai kaw nna bai nhtang wa nhtawm shanhte a dap na lanep arai ni hpe magawn la shajang ma ai.

1 SAMUELA 17:53 ပူးပေါင်းရင်းမြစ်များ

2 SAMUELA 23:10

dai wa gaw shi a lata tsu mat nna, nhtu hta madi shadaw let ba mat hkra, Hpilisti masha ni hpe sat kau wu ai: Yehowa gaw dai shani e padang kaba dang kau shangun wu ai: gale ni chyawm gaw lanep hta na chyu sha shi kaw hkan ma ai.

YEREMIA 30:16

Rai timung, nang hpe kawa sha ai ni yawng, kawa sha ai, nang hpe hpyen ai ni langai hte langai bawng dung ai, nang hpe hpya lu hpya sha ai ni, hpya lu hpya sha ai, nang hpe adip arip ai ni yawng, adip arip ai, hkrum na mara ai.

YEREMIA 4:20

Hten mat sai, hten mat sai, nga nna kajai gara ma ai; mung ting katsi katsang rai nga ai: nye a sum ni jahkring sha, nye a nba grang ni akajawng sha, hten mat sai.

1 SAMUELA 17:52

Shaloi she Israela masha ni hte Yuda masha ni rawt nna, garu let, Hpilisti masha ni hpe Gat hte Ekron mare chyinghka du hkra hkan shachyut mu ai. Hpilisti masha ni a hkala nba hkrum ai ni gaw, Sharim lam makau kaw nna, Gat hte Ekron du hkra si taw nga ma ai.

1 SAMUELA 17:54

Dawi chyawm gaw Hpilisti wa a baw la nna, Yerusalem mare de la wa wu ai: dai wa a hpyen hking palawng chyawm gaw, shi a sum e tawn da wu ai.

1 SAMUELA 19:5

shi a asak pyi n lahpawt hkra, Hpilisti wa hpe sat kau nna Yehowa Israela amyu ting a matu hkye hkrang la ai lam kaba Hpaw ya ma ni ai: nang mu nna kabu nit dai: dai rai yang, mara kata ai, Dawi hpe sat nna, mara n rawng ai sai hpa majaw hkaw kau na rai ta?” ngu nna kawa Shawlu hpe tsun wu ai.